ຄະນະຮັບຜິດຊອບວຽກງານເຂດເລືອກຕັ້ງ ສະຫຼຸບວຽກງານປະຈໍາປີ

- 80212890 2331996826902222 5729919176718417920 n - ຄະນະຮັບຜິດຊອບວຽກງານເຂດເລືອກຕັ້ງ ສະຫຼຸບວຽກງານປະຈໍາປີ
- Untitled design - ຄະນະຮັບຜິດຊອບວຽກງານເຂດເລືອກຕັ້ງ ສະຫຼຸບວຽກງານປະຈໍາປີ

    ໃນວັນທີ 24 ທັນວາ ນີ້, ຄະນະຮັບຜິດຊອບວຽກງານເຂດເລືອກຕັ້ງ ຄະນະປະຈໍາສະພາແຫ່ງຊາດ ໄດ້ຈັດກອງປະຊຸມປະຈໍາປີຂອງຕົນຂຶ້ນຢູ່ນະຄອນຫຼວງວຽງຈັນ, ເພື່ອສະຫຼຸບຕີລາຄາຄືນການປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ແລະ ວາງທິດທາງວຽກງານ ປະຈໍາປີ 2020, ໂດຍການເປັນປະທານຮ່ວມຂອງທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ ແລະ ທ່ານ ພົງສະເໜ່ ຍຸຕິທໍາ ຫົວໜ້າຄະນະຮັບຜິດຊອບວຽກງານເຂດເລືອກຕັ້ງ ສະພາແຫ່ງຊາດ ແລະ ມີພາກສ່ວນກ່ຽວຂ້ອງຕ່າງໆເຂົ້າຮ່ວມ.

    ທ່ານຮອງຫົວໜ້າຄະນະຮັບຜິດຊອບວຽກງານເຂດເລືອກຕັ້ງ ໃຫ້ຮູ້ວ່າ: ໃນໄລຍະຜ່ານມາ, ຄະນະ ສສຊ ປະຈໍາເຂດເລືອກຕັ້ງ ແລະ ສະພາປະຊາຊົນແຂວງ (ສພຂ) ໄດ້ຮ່ວມກັນຄົ້ນຄວ້າປຶກສາຫາລື ກ່ຽວກັບການຈັດຕັ້ງ ແລະ ວິທີການເຄື່ອນໄຫວ, ສ້າງບັນດານິຕິກໍາໃຕ້ກົດໝາຍເພື່ອເປັນບ່ອນອີງໃຫ້ແກ່ການເຄື່ອນໄຫວປະຕິບັດພາລະບົດບາດ, ສິດ ແລະ ໜ້າທີ່ຂອງສະພາປະຊາຊົນແຂວງ ໃນ 16 ແຂວງ, ພ້ອມທັງຄົ້ນຄວ້າກ່ຽວກັບການແຕ່ງຕັ້ງ, ຍົກຍ້າຍບຸກຄະລາກອນບາງຕໍາແໜ່ງຂອງຄະນະ ສສຊ ປະຈໍາເຂດເລືອກຕັ້ງ ແລະ ສພຂ ຕາມຄວາມຮຽກຮ້ອງຕ້ອງການຂອງວຽກງານ ແລະ ໄດ້ປະຕິບັດສໍາເລັດ ຄື: ແຂວງຜົ້ງສາລີ, ອຸດົມໄຊ, ຫົວພັນ, ຊຽງຂວາງ ແລະ ແຂວງ ຈໍາປາສັກ. ນອກນີ້, ໄດ້ຈັດຝຶກອົບຮົມໃຫ້ໜ່ວຍ ສພຂ ປະຈໍາເຂດເລືອກຕັ້ງຂັ້ນເມືອງ ແລະ ກົງຈັກເສນາທິການຊ່ວຍວຽກ ຄະນະ ສສຊ ປະຈໍາເຂດເລືອກຕັ້ງ ແລະ ສພຂ ໄດ້ 3 ຊຸດ. ຄຽງຄູ່ກັບຜົນສໍາເລັດດັ່ງກ່າວ, ກໍຍັງມີຂໍ້ຄົງຄ້າງໃຫ້ສືບຕໍ່ປັບປຸງແກ້ໄຂ ໂດຍສະເພາະແມ່ນ ການຄົ້ນຄວ້າ ແລະ ສ້າງນິຕິກໍາໃຫ້ແກ່ການຈັດຕັ້ງ ແລະ ການເຄື່ອນໄຫວ ຂອງຄະນະ ສສຊ ປະຈໍາເຂດເລືອກຕັ້ງ ແລະ ສະພາປະຊາຊົນຂັ້ນແຂວງ ໃຫ້ດີ ແລະ ພຽງພໍກັບຄວາມຮຽກຮ້ອງຕ້ອງການຂອງວຽກງານ, ການເຄື່ອນໄຫວວຽກງານບາງດ້ານ ບໍ່ໄດ້ປະຕິບັດຕາມຂໍ້ມຕົກລົງການແບ່ງຄວາມຮັບຜິດຊອບພາຍໃນຄະນະນໍາ ແລະ ຄະນະກົມ, ການຕິດຕາມ, ຊຸກຍູ້ການເຄື່ອນໄຫວວຽກງານຂອງສະມາຊິກສະພາແຫ່ງຊາດ ປະຈໍາເຂດເລືອກຕັ້ງ ແລະ ສະພາປະຊາຊົນຂັ້ນແຂວງ ຍັງເຮັດບໍ່ທັນໄດ້ດີເທົ່າທີ່ຄວນ ເປັນຕົ້ນ ການສ້າງກົນໄກ, ວິທີການເຄື່ອນໄຫວ, ການສ້າງນິຕິກໍາທີ່ສໍາຄັນຂອງທ້ອງຖິ່ນ, ການກະກຽມ ແລະ ດໍາເນີນກອງປະຊຸມ ປະຈໍາຂອງຄະນະ ສສຊ ປະຈໍາເຂດເລືອກຕັ້ງ ແລະ ຂອງ ສພຂ ຕິດຕາມ ແລະ ຊຸກຍູ້ ບໍ່ທັນທົ່ວເຖິງແຕ່ລະທ້ອງຖິ່ນ ແລະ ການລົງຕິດຕາມການພົບປະ ປະຊາຊົນຂອງ ສສຊ ແລະ ສພຂ ຍັງບໍ່ສາມາດຈັດຕັ້ງປະຕິບັດໄດ້ດີເທົ່າທີ່ຄວນ.

- Wave100S AD to Website 2020 0 - ຄະນະຮັບຜິດຊອບວຽກງານເຂດເລືອກຕັ້ງ ສະຫຼຸບວຽກງານປະຈໍາປີ
- WhatsApp Image 2020 05 27 at 5 - ຄະນະຮັບຜິດຊອບວຽກງານເຂດເລືອກຕັ້ງ ສະຫຼຸບວຽກງານປະຈໍາປີ
- WhatsApp Image 2020 05 27 at 5 - ຄະນະຮັບຜິດຊອບວຽກງານເຂດເລືອກຕັ້ງ ສະຫຼຸບວຽກງານປະຈໍາປີ
error: Alert: ເນື້ອຫາຂ່າວມີລິຂະສິດ !!