ຍ້ອນຫຍັງທັບນັກກິລາລາວ ຈຶ່ງສ້າງຜົນງານບໍ່ໄດ້ດີໃນຊີເກມ 2019

- Lpn2 - ຍ້ອນຫຍັງທັບນັກກິລາລາວ ຈຶ່ງສ້າງຜົນງານບໍ່ໄດ້ດີໃນຊີເກມ 2019
- Untitled design - ຍ້ອນຫຍັງທັບນັກກິລາລາວ ຈຶ່ງສ້າງຜົນງານບໍ່ໄດ້ດີໃນຊີເກມ 2019

ທ່ານ ແສງພອນ ພົນອາມາດ ຮອງເລຂາທິການ ຄະນະບໍລິຫານງານໂອແລມປິກແຫ່ງຊາດລາວ (ຄອລ), ຫົວໜ້າຄະນະທັບນັກກີລາລາວ ໃນຊີເກມ ຄັ້ງທີ 30 ທີ່ປະເທດຟີລິບປີນໄດ້ຊີ້ແຈງເຫດຜົນທັບນັກກິລາລາວທີ່ ສ້າງຜົນງານຫຼຸດເປົ້າໝາຍຈົນຕົກມາຢູ່ອັນດັບຕໍ່າກວ່າ ປະເທດກໍາປູເຈຍ-ບຣູໄນ ຮູ້ວ່າລາວເຮົາສົ່ງ 25 ປະເພດກີລາເຂົ້າຮ່ວມການແຂ່ງຂັນໃນຊີເກມແລະໃນນັ້ນ ທັບນັກກີລາລາວ ສາມາດຍາດໄດ້ 1 ຫຼຽນຄໍາ, 5 ຫຼຽນເງິນ ແລະ 29 ຫຼຽນທອງ ຖືວ່າຫຼຸດເປົ້າໝາຍທີ່ຕັ້ງໄວ້ຢ່າງໜ້ອຍ 2 ຫຼຽນຄໍາ ຢູ່ອັນດັບຕໍ່າກວ່າ ກໍາປູເຈຍ ແລະ ບຣູໄນ ເນື່ອງຈາກວ່າ ກໍາປູເຈຍ ໄດ້ທຸ້ມງົບປະມານມະຫາສານ ເພື່ອເປັນພື້ນຖານໃຫ້ແກ່ການກຽມພ້ອມເປັນເຈົ້າພາບຊີເກມ ໃນປີ 2023 ທີ່ກໍາປູເຈຍ, ບູໄນ ແມ່ນໄດ້ສົ່ງກິລາທີ່ເຂົ້າກັບປະເພດກິລາຂອງ ຟິລິບປິນ ເຈົ້າພາບຈັດຂຶ້ນ ເຮັດໃຫ້ຜົນງານດີຂື້ນ.

ສ່ວນສາເຫດອື່ນໆທີ່ເຮັດໃຫ້ກີລາລາວເຮົາມີຜົນງານບໍ່ດີແມ່ນ ການກະກຽມ ແລະ ການເກັບຕົວຂອງນັກກີລາເຮົາເຂົ້າສູນຝຶກແອບມີເວລາໃນການຝຶກຊ້ອມໃຊ້ໄລຍະສັ້ນເກີນໄປ ແຕ່ລະປະເພດກິລາເຂົ້າສູນຝຶກພຽງ 2-3 ເດືອນ, ຖ້າທຽບໃສ່ກັບບັນດາປະເທດອື່ນໆ ໃຊ້ເວລາຢ່າງໜ້ອຍ 6-8 ເດືອນ, ງົບປະມານພັດທະນາບຸກຄະລະກອນ ແລະ ນັກກີລາມີຈຳກັດ , ປັດຈຸບັນ ບັນດາປະເທດໃນຂົງເຂດອາຊຽນ ໄດ້ລົງທຶນເພີ່ມພິເສດໃສ່ວຽກງານກີລາລະດັບສູງ ໂດຍສະເພາະກໍາປູເຈຍ, ມຽນມາ, ບຣູໄນ, ຕີມໍ ໄດ້ສົ່ງຄູ່ຝຶກ ແລະ ນັກກີລາເພີ່ມຂຶ້ນຫຼາຍ ລວມທັງຍັງມີການຈ້າງຄູຝຶກຈາກຕ່າງປະເທດ ທີ່ໃຊ້ງົບປະມານມະຫາສານ ແລະ ການນໍານັກກີລາຕ່າງປະເທດ ທີ່ມີເຊື້ອສາຍຂອງຕົວເອງມາຮ່ວມແຂ່ງຂັນເຮັດໃຫ້ສະມັດຕະພາບຂອງນັກກີລາຂອງປະເທດເພື່ອນບ້ານມີຄວາມແຂ່ງແກ່ນຂຶ້ນ ບໍ່ວ່າດ້ານສະມັດຕະພາບຮ່າງກາຍ, ເຕັກນິກ, ຍຸດທະວິທີ ພ້ອມນັ້ນຍັງໄດ້ນໍາໃຊ້ຫຼັກການ ແລະ ເຄື່ອງມືທາງວິທະຍາສາດ ເພື່ອພັດທະນານັກກີລາຢ່າງເປັນຮູບປະທໍາ ແລະ ຫັນເປັນກີລາອາຊີບ, ຍຸດທະສາດການຍາດແຍ່ງເອົາຫຼຽນມີຄວາມຫຼາກຫຼາຍ ແລະ ປ່ຽນແປງຕະຫຼອດເວລາ ໂດຍສະເພາະປະເທດເຈົ້າພາບ.

- Wave100S AD to Website 2020 0 - ຍ້ອນຫຍັງທັບນັກກິລາລາວ ຈຶ່ງສ້າງຜົນງານບໍ່ໄດ້ດີໃນຊີເກມ 2019
- WhatsApp Image 2020 05 27 at 5 - ຍ້ອນຫຍັງທັບນັກກິລາລາວ ຈຶ່ງສ້າງຜົນງານບໍ່ໄດ້ດີໃນຊີເກມ 2019
- WhatsApp Image 2020 05 27 at 5 - ຍ້ອນຫຍັງທັບນັກກິລາລາວ ຈຶ່ງສ້າງຜົນງານບໍ່ໄດ້ດີໃນຊີເກມ 2019
error: Alert: ເນື້ອຫາຂ່າວມີລິຂະສິດ !!