10 ອຸປະຕິເຫດທີ່ມີຜົນເສຍຫາຍຫຼາຍ ຢູ່ ນະຄອນຫລວງວຽງຈັນ ໃນປີ 2019

- 25 2 - 10 ອຸປະຕິເຫດທີ່ມີຜົນເສຍຫາຍຫຼາຍ ຢູ່ ນະຄອນຫລວງວຽງຈັນ ໃນປີ 2019
- Untitled design - 10 ອຸປະຕິເຫດທີ່ມີຜົນເສຍຫາຍຫຼາຍ ຢູ່ ນະຄອນຫລວງວຽງຈັນ ໃນປີ 2019

    ປີ 2019 ສະເພາະຢູ່ ນະຄອນຫລວງວຽງຈັນ ມີອຸປະຕິເຫດເກີດຂຶ້ນ ຫລາຍ ແລະ ມີລັກສະນະຮຸນແຮງ, ສະນັ້ນ ໜັງສືພິມລາວພັດທະນາໄດ້ສະຫລຸບເອົາ 10 ອຸປະຕິເຫດທີ່ມີຜົນເສຍຫາຍຫຼາຍ ຢູ່ ນະຄອນຫລວງວຽງຈັນມານໍາສະເໜ ຄື:

(1). ແມ່ນອຸປະຕິເຫດເກີດຂຶ້ນໃນວັນທີ 2 ທັນວາ ຢູ່ເສັ້ນທາງເຂດບ້ານ ນາພອກ ເມືອງ ໄຊທານີ ຊຶ່ງລົດກະບະ ຕຳລົດຈັກ ເຮັດໃຫ້ມີຜູ້ເສຍຊີວິດຄາທີ່ 2 ຄົນ, ຈາກນັ້ນລົດໃຫຍ່ຍັງໄປຕຳເຮືອນປະຊາຊົນຢູ່ແຄມທາງເຮັດໃຫ້ຜູ້ຂັບໄດ້ຮັບບາດເຈັບ, ສ່ວນສາເຫດ ຍ້ອນຜູ້ຂັບລົດກະບະດື່ມສິ່ງມືນເມົາ ແລະ ຂັບລົດໄວ.

(2). ໃນວັນທີ  3 ພະຈິກ ຢູ່ເສັ້ນທາງ 450 ປີ ເຂດບ້ານ ນາຄວາຍໄຕ້ ເມືອງ ໄຊເສດຖາ ໄດ້ເກີດອຸປະຕິເຫດລົດບັນທຸກນໍ້າມັນເສຍຫລັກພິກປີ້ນ ແລ້ວເກີດໄຟລຸກໄໝ້ ເຮັດໃຫ້ຜູ້ຂັບເປັນຄົນສັນຊາດຫວຽດນາມ ເສຍຊີວິດ,

(3). ໃນວັນທີ 23 ຕຸລາ, ຢູ່ເສັ້ນທາງເຂດບ້ານ ຫ້ອມ ເມືອງ ສີໂຄດຕະບອງ, ໄດ້ເກີດອຸປະຕິເຫດລົດກະບະ ຕຳເຮືອນປະຊາຊົນ ແລະ ເຮັດໃຫ້ຜູ້ທີ່ຂີ່ລົດມາສອງຄົນເສຍຊີວິດຄາທີ່ ສາເຫດ ຍ້ອນແລ່ນລົດໄວເກີດເສຍຫຼັກ, ເລີຍໂຄ້ງ,

(4). ໃນຄໍ່າຄືນຂອງວັນທີ 9 ພະຈິກ  ຢູ່ເສັ້ນທາງເຂດບ້ານ ຊຽງດາ ເມືອງ ໄຊເສດຖາ ໄດ້ເກີດອຸປະຕິເຫດ ລົດຈັກຕຳກັນຢ່າງຮຸນແຮງ ເຮັດໃຫ້ມີຜູ້ເສຍຊີວິດຄາທີ່ 2 ຄົນ, ສາເຫດຍ້ອນຂັບຂີ່ລົດໄວ,

(5). ໃນວັນທີ 11 ພະຈິກ, ຢູ່ເສັ້ນທາງເຂດບ້ານ  ວຽງຄຳ ເມືອງ ສີໂຄດຕະບອງ, ໄດ້ເກີດອຸປະຕິເຫດ ລົກຈັກ ຕຳກັນ ເຮັດໃຫ້ມີຜູ້ເສຍຊີວິດຄາທີ່ 2 ຄົນ ແລະ ບາດເຈັບອີກ 2 ຄົນ, ສາເຫດຍ້ອນດື່ມສິ່ງມືນເມົາ,

(6). ວັນທີ 29 ພະຈິກ ຢູ່ເສັ້ນທາງເຂດບ້ານ ໄຮ່ ເມືອງ ໄຊທານີ, ໄດ້ເກີດອຸປະຕິເຫດ ລົດກະບະ ຕຳກັບ ລົດຮຸນ ແລ້ວເຈີດໄປຕຳກົກໄມ້ແຄມທາງ ຈົນເຮັດໃຫ້ຜູ້ຂັບລົດຮຸນໄດເສຍຊີວິດຄາທີ່ ແລະ ພາຫະນະລົດທັງສອງຄັນໄດ້ຮັບຄວາມເສຍຫາຍສົມຄວນ,

- Wave100S AD to Website 2020 0 - 10 ອຸປະຕິເຫດທີ່ມີຜົນເສຍຫາຍຫຼາຍ ຢູ່ ນະຄອນຫລວງວຽງຈັນ ໃນປີ 2019

(7). ວັນທີ 3 ຕຸລາ ຢູ່ເສັ້ນທາງເຂດບ້ານ ໜອງວຽງຄຳ ເມືອງ ໄຊທານີ ໄດ້ເກີດອຸປະຕິເຫດ ລົດຈັກຕຳລົດເກງ ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່,

(8). ວັນທີ 29 ກັນຍາ ຢູ່ເສັ້ນທາງເຂດບ້ານ ພ້າວ ເມືອງ ປາກງື່ມ ໄດ້ເກີດອຸປະຕິເຫດລົດກະບະ ຕຳລົດຈັກແລ້ວບໍ່ຈອດ ເຮັດໃຫ້ຜູ້ຂັບຂີ່ລົດຈັກເສຍຊີວິດຄາທີ່,

(9). ວັນທີ 28 ສິງຫາ ໄດ້ເກີດອຸປະຕິເຫດ ລົດກະບະຕຳລົດຈັກ 2 ຄັນ ຈົນເສຍຊີວິດຄາທີ່ ຢູ່ເສັ້ນທາງເຂດບ້ານ ດົງນາໂຊກ, ກ່ອນຈະໄປຕຳເຮືອນປະຊາຊົນໃກ້ຄຽງໄດ້ຮັບຄວາມເສຍຫາຍຫລາຍຫລັງ,

ແລະ (10) ໃນວັນທີ 31 ກໍລະກົດ ຢູ່ເສັ້ນທາງເຂດ ບ້ານ ຜາງແຫ້ງ ເມືອງ ນາຊາຍທອງ, ໄດ້ເກີດອຸປະຕິເຫດລົກຈັກຕຳກັນຢ່າງຮຸນແຮງ ຈົນເຮັດໃຫ້ມີຜູ້ເສຍຊີວິດຄາທີ 2 ຄົນ.

    ເຈົ້າໜ້າທີ່ໃຫ້ຮູ້ວ່າ: ໃນປີ 2019 ຢູ່ ນະຄອນຫລວງວຽງຈັນ ມີສະພາບປະກົດການຫຍໍ້ທໍ້ເກີດຂຶ້ນ 3.000 ກວ່າເລື່ອງ, ແກ້ໄຂໄດ້ 2.000 ກວ່າເລື່ອງ, ສາມາດກັກຕົວຜູ້ຖືກຫາໄດ້ 3.000 ກວ່າຄົນ. ໃນນີ້ ພົ້ນເດັ່ນກວ່າໝູ່ແມ່ນລັກຊັບພົນລະເມືອງ ເກີດຂຶ້ນ 1.178 ເລື່ອງ ແລະ ສະພາບອຸບັດຕິເຫດທີ່ເກີດຂຶ້ນ 1.000 ກວ່າເລື່ອງ, ມີຜູ້ເສຍຊີວິດ 205 ຄົນ. ທຽບໃສ່ປີ 2018 ສະພາບການເກີດອຸປະຕິເຫດຍັງເກີດຂຶ້ນຫລາຍ ສາເຫດຍ້ອນຜູ້ຂັບຂີ່ດື່ມສິ່ງມືນເມົາ, ຂັບລົດໄວ ແລະ ລະເມີິດກົດຈະລາຈອນ.

- WhatsApp Image 2020 05 27 at 5 - 10 ອຸປະຕິເຫດທີ່ມີຜົນເສຍຫາຍຫຼາຍ ຢູ່ ນະຄອນຫລວງວຽງຈັນ ໃນປີ 2019
- WhatsApp Image 2020 05 27 at 5 - 10 ອຸປະຕິເຫດທີ່ມີຜົນເສຍຫາຍຫຼາຍ ຢູ່ ນະຄອນຫລວງວຽງຈັນ ໃນປີ 2019
error: Alert: ເນື້ອຫາຂ່າວມີລິຂະສິດ !!