ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ

ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ - 47 1 - ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ
ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ - Untitled design - ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ

ກົມຄຸ້ມຄອງທະນາຄານທຸລະກິດ ທະນາຄານແຫ່ງ ສປປ ລາວ ໄດ້ອອກແຈ້ງການ ເລກທີ 1320/ກຄທ; ລົງວັນທີ 24 ທັນວາ 2019 ເຖິງລູກຄ້າເງິນຝາກ ແລະ ເຈົ້າໜີ້ຂອງທະນາຄານ ລາວກໍ່ສ້າງ ຈໍາກັດ ໃຫ້ມາແຈ້ງຂໍ້ມູນເງິນຝາກ ແລະ ໜີ້ສິນຂອງຕົນຢູ່ທະນາຄານ ລາວກໍ່ສ້າງ ຈໍາກັດ ຊາບວ່າ: ເພື່ອແກ້ໄຂບັນຫາທະນາຄານ ລາວກໍ່ສ້າງ ຈໍາກັດທີ່ຕົກຢູ່ໃນພາວະຂາດສະພາບຄ່ອງຫຼາຍ, ຂາດຄວາມໝັ້ນຄົງ, ທະນາຄານແຫ່ງ ສປປ ລາວ ມີຄວາມຈໍາເປັນເຂົ້າຄວບຄຸມ ເພື່ອແກ້ໄຂບັນຫາດັ່ງກ່າວ ຕາມລະບຽບກົດໝາຍໄດ້ກໍານົດໄວ້. ດັ່ງນັ້ນ, ທະນາຄານແຫ່ງ ສປປ ລາວ ໄດ້ແຈ້ງມາຍັງລູກຄ້າເງິນຝາກ ແລະ ເຈົ້າໜີ້ຂອງທະນາຄານ ລາວກໍ່ສ້າງ ຈໍາກັດ ໃຫ້ມາສະໜອງຂໍ້ມູນເງິນຝາກ ແລະ ໜີ້ສິນໃຫ້ຄະນະຄວບຄຸມ.

       ສະເພາະ ລູກຄ້າເງິນຝາກໃຫ້ນໍາເອົາບັດປະຈໍາຕົວ, ສໍາມະໂນຄົວ ຫຼື ໜັງສືຜ່ານແດນ (Passport)ພ້ອມສໍາເນົາເອກະສານດັ່ງກ່າວ; ພ້ອມທັງນໍາເອົາໃບທະບຽນວິສາຫະກິດສໍາລັບລູກຄ້າທີ່ເປັນນິຕິບຸກຄົນ ພ້ອມສໍາເນົາເອກະສານດັ່ງກ່າວ;ປື້ມບັນຊີເງິນຝາກ ພ້ອມສໍາເນົາເອກະສານດັ່ງກ່າວ. ສະເພາະ ເຈົ້າໜີ້ອື່ນໆ ແມ່ນໃຫ້ນໍາເອົາເອກະສານຫຼັກຖານຢັ້ງຢືນຄວາມເປັນເຈົ້າໜີ້ທະນາຄານ ພ້ອມສໍາເນົາເອກະສານດັ່ງກ່າວ;ເອກະສານຢັ້ງຢືນຕົວຕົນຂອງເຈົ້າໜີ້ ພ້ອມສໍາເນົາເອກະສານດັ່ງກ່າວ ເປັນຕົ້ນແມ່ນບັດປະຈໍາຕົວ, ສໍາມະໂນຄົວຫຼື ໜັງສືຜ່ານແດນ (Passport)ແລະ ໃບທະບຽນວິສາຫະກິດສໍາລັບລູກຄ້າທີ່ເປັນນິຕິບຸກຄົນ.

ສໍາລັບຂໍ້ມູນດັ່ງກ່າວ ສາມາດສະໜອງໃຫ້ແກ່ຄະນະຄວບຄຸມ ນັບແຕ່ວັນທີ 25 ທັນວາ 2019 ຫາ 25 ມັງກອນ 2020 ໃນວັນລັດຖະການ ເວລາ 09:00 – 15:00 ໂມງ ຢູ່ທີ່ສໍານັກງານທະນາຄານ ລາວກໍ່ສ້າງ ຈໍາກັດ ຕັ້ງຢູ່ບ້ານໂພນສີນວນ, ເມືອງສີສັດຕະນາກ, ນະຄອນ ຫຼວງວຽງຈັນ.ກໍລະນີທີ່ບໍ່ສາມາດສະໜອງຂໍ້ມູນ ດ້ວຍຕົນເອງໃຫ້ມີໃບມອບສິດ ໂດຍມີການຢັ້ງຢືນຈາກອົງການປົກຄອງບ້ານ, ກໍລະນີບໍ່ມາສະໜອງຂໍ້ມູນທີ່ກໍານົດໄວ້ນັ້ນ ຄະນະຮັບຜິດຊອບຈະບໍ່ພິຈາລະນາໜີ້ສິນດັ່ງກ່າວ.ສະນັ້ນ; ຈຶ່ງແຈ້ງມາຍັງມາລູກຄ້າເງິນຝາກ ແລະ ເຈົ້າໜີ້ຂອງທະນາຄານ ລາວກໍ່ສ້າງ ຈໍາກັດ ເພື່ອຊາບ ແລະ ໃຫ້ການຮ່ວມມືປະຕິບັດດ້ວຍ.

ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ - Wave100S AD to Website 2020 0 - ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ

# ຂ່າວ: ຣັດສະໝີ ດວງສັດຈະ

ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ - WhatsApp Image 2020 05 27 at 5 - ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ
ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ - WhatsApp Image 2020 05 27 at 5 - ລັດເລັ່ງແກ້ບັນຫາທະນາຄານລາວກໍ່ສ້າງຕົກຢູ່ໃນພາວະຂາດສະພາບຄ່ອງ
error: Alert: ເນື້ອຫາຂ່າວມີລິຂະສິດ !!