ຜົວແອບພົບປະກັບແຟນເກົ່າ

ຜົວແອບພົບປະກັບແຟນເກົ່າ - GF - ຜົວແອບພົບປະກັບແຟນເກົ່າ
ຜົວແອບພົບປະກັບແຟນເກົ່າ - Untitled design - ຜົວແອບພົບປະກັບແຟນເກົ່າ

ລູກເມືອງພວນ

ຂ້ອຍ ແລະ ຜົວຂອງຂ້ອຍແຕ່ງງານກັນໄດ້ 2 ປີແລ້ວ, ກ່ອນຈະຮັກ ແລະ ແຕ່ງງານກັບຂ້ອຍ, ຜົວຂອງຂ້ອຍເຄີຍຮັກກັບສາວຄົນໜຶ່ງມາເປັນເວລາ 3 ປີ, ແລ້ວກໍແຍກທາງກັນ. ເມື່ອຂ້ອຍກັບຜົວຂອງຂ້ອຍແຕ່ງງານກັນ, ແຟນເກົ່າຂອງຜົວກໍແຕ່ງງານໄປແລ້ວ. ໄດ້ຍິນຂ່າວວ່າ ເຮືອນຂອງທາງຜົວເຂົາຮັ່ງມີຫຼາຍ.

ແຕ່ຜົວຂອງຂ້ອຍກັບແຟນເກົ່າຍັງລັກແອບພົບກັນເປັນປະຈຳ, ນັດໄປກິນເຂົ້າ, ໄປກິນກາເຟນຳກັນ. ມີບາງມື້, ມາຮອດເຮືອນແລ້ວ ຜົວຂອງຂ້ອຍກໍຍັງໂທລະສັບລົມກັບເຂົາອີກ, ຂ້ອຍໄດ້ຍິນສຽງສາວຄົນນັ້ນຖາມເຖິງເລື່ອງລາວຂອງຂ້ອຍ ແລະ ລູກຂອງຂ້ອຍ.

ບໍ່ມີໃຜດອກ ທີ່ຢາກເຫັນຜົວຂອງຕົນເອງແອບພົບກັບຍິງຄົນອື່ນ ໂດຍສະເພາະແມ່ນແຟນເກົ່າທີ່ເຄີຍຮັກກັນໄດ້ 3 ປີ. ບໍ່ວ່າແຕ່ໃຜກໍຕ້ອງມີຄວາມຫຶງຫວງເປັນເລື່ອງທຳມະດາ. ຂ້ອຍບໍ່ຢາກເຫັນຜົວຂອງຂ້ອຍພົວພັນກັບເຂົາອີກ ເພາະເຂົາກໍມີຜົວແລ້ວ.

ແຕ່ເຂົາສອງຄົນຍັງພົບປະ ແລະ ໄປນຳກັນເປັນປະຈຳ, ແຕ່ຜົວຂອງຂ້ອຍປະຕິເສດວ່າ: ທຸກສິ່ງທຸກຢ່າງບໍ່ມີຫຍັງກັນກັບເຂົາອີກແລ້ວ ນອກຈາກທີ່ວ່າເປັນເພື່ອນກັນ ແລະ ຜົວຂອງຂ້ອຍຍັງຢໍ້າອີກວ່າ: ມີບາງເລື່ອງບໍ່ກ້າເວົ້າກັບຂ້ອຍ ແຕ່ຊໍ້າພັດນຳໄປເລົ່າສູ່ແຟນເກົ່າຟັງ.

ຜົວແອບພົບປະກັບແຟນເກົ່າ - Wave100S AD to Website 2020 0 - ຜົວແອບພົບປະກັບແຟນເກົ່າ

ເມື່ອໄດ້ຍິນຄຳເວົ້າດັ່ງກ່າວຂອງຜົວ, ຂ້ອຍມີຄວາມຮູ້ສຶກທຸກໃຈ ແລະ ນ້ອຍໃຈທີ່ສຸດ. ພວກຂ້ອຍແຕ່ງງານກັນໄດ້ 2 ປີແລ້ວ ແລະ ໄດ້ລູກນຳກັນ 1 ຄົນ ອາຍຸ 1 ປີ ປານນັ້ນຜົວຍັງເວົ້າວ່າ ມີບາງເລື່ອງບໍ່ກ້າເວົ້າສູ່ຂ້ອຍຟັງອີກ ແຕ່ຊໍ້າພັດນຳເອົາໄປເລົ່າຕໍ່ແຟນເກົ່າຟັງໄດ້. ເມື່ອເປັນເຊັ່ນນັ້ນກໍໝາຍຄວາມວ່າ ຂ້ອຍບໍ່ມີຄວາມສຳຄັນສຳລັບຜົວ, ຂ້ອຍບໍ່ມີຈຸດຢືນຢູ່ໃນຫົວໃຈຂອງຜົວເລີຍ.

ດຽວນີ້, ແຕ່ລະຄັ້ງເມື່ອຜົວອອກຈາກເຮືອນໄປ ຫົວໃຈຂ້ອຍວັ່ງເວ ແລະ ທໍລະມານທີ່ສຸດ. ໃນສະໝອງຂອງຂ້ອຍຍາມໃດກໍຄິດສະເໝີວ່າ ເຂົາອອກເຮືອນໄປ ແມ່ນເພື່ອໄປຫາແຟນເກົ່າ, ເຂົາອາດຈະໃຫ້ຄວາມສຸກຕໍ່ກັນ ນັ້ນຄືສິ່ງທີ່ທໍລະມານຫົວໃຈຂ້ອຍທີ່ສຸດ, ຂ້ອຍຄິດວ່າມີວັນໃດວັນໜຶ່ງຂ້ອຍຈະຕ້ອງເສຍຜົວໃຫ້ເຂົາ.

ເມື່ອເປັນເຊັ່ນນີ້, ຂໍຄວາມປຶກສາຈາກທ່ານຜູ້ອ່ານວ່າຂ້ອຍຕ້ອງເລືອກເສັ້ນທາງໃດດີ?

ຜົວແອບພົບປະກັບແຟນເກົ່າ - WhatsApp Image 2020 05 27 at 5 - ຜົວແອບພົບປະກັບແຟນເກົ່າ
ຜົວແອບພົບປະກັບແຟນເກົ່າ - WhatsApp Image 2020 05 27 at 5 - ຜົວແອບພົບປະກັບແຟນເກົ່າ
error: Alert: ເນື້ອຫາຂ່າວມີລິຂະສິດ !!