ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ

ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - 32 3 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ
ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - Untitled design - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ
ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - 11 7 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ

    ໃນວັນທີ 26 ທັນວາ ນີ້, ກະຊວງປ້ອງກັນປະເທດ ໄດ້ຈັດພິທີສະເຫຼີມສະຫຼອງລະນຶກວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມ ປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ (30/10/1949-30/10/2019), ຊຶ່ງເປັນວັນທີ່ມີຄວາມໝາຍສໍາຄັນ ໃນປະຫວັດສາດແຫ່ງການພົວພັນຂອງສອງຊາດ ລາວ-ຫວຽດນາມ. ຂຶ້ນຢູ່ຫໍວັດທະນະທໍາແຫ່ງຊາດ ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ພັນຄໍາ ວິພາວັນ ຮອງປະທານປະເທດ ແຫ່ງ ສປປ ລາວ,  ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ, ທ່ານ ພົນເອກ ໂງຊວັນລິກ ລັດຖະມົນຕີກະຊວງປ້ອງກັນປະເທດ ສສ ຫວຽດນາມ, ຜູ້ແທນອະດີດທະຫານອາສາສະໝັກ ແລະ ຊ່ຽວຊານຫວຽດນາມ, ພ້ອມດ້ວຍບັນດາການນໍາຂັ້ນສູງຂອງສອງປະເທດລາວ-ຫວຽດນາມ ແລະ ພາກສ່ວນກ່ຽວຂ້ອງເຂົ້າຮ່ວມເປັນຈໍານວນຫຼາຍ.

ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - 00 1 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ

ທ່ານ ພົນເອກ ຈັນສະໝອນ ຈັນຍາລາດ ໃຫ້ຮູ້ວ່າ: ເມື່ອຫວນຄືນມູນເຊື້ອ ແຫ່ງສາຍພົວພັນພິເສດ ລາວ-ຫວຽດນາມ, ຫວຽດນາມ-ລາວ, ພວກເຮົາສຸດທີ່ມີຄວາມເອກອ້າງ ແລະ ພາກພູມໃຈເປັນຢ່າງຍິ່ງທີ່ເຫັນວ່າ ພາຍໃຕ້ການນໍາພາຂອງພັກກອມມູນິດອິນດູຈີນ ທີ່ສ້າງຕັ້ງໂດຍປະທານ ໂຮ່ຈີມິນ ຜູ້ຍິ່ງໃຫຍ່ ໃນປີ 1930, ການຕໍ່ສູ້ເພື່ອຄວາມເປັນເອກະລາດແຫ່ງຊາດ ຂອງປະຊາຊົນສອງຊາດ ລາວ-ຫວຽດນາມ ໄດ້ຮັບໄຊຊະນະເປັນກ້າວໆມາ, ພົ້ນເດັ່ນພິເສດ ແມ່ນປະຊາຊົນຫວຽດນາມສາມາດປະກາດເອກະລາດຕໍ່ໂລກ ໃນວັນທີ 2 ກັນຍາ 1945, ຊຶ່ງເປັນການກໍາເນີດລັດສັງຄົມນິຍົມທໍາອິດໃນທະວີບອາຊີ. ສ່ວນຢູ່ລາວ ກໍໄດ້ປະກາດເອກະລາດໃນວັນທີ 12 ຕຸລາ 1945, ແຕ່ຄວາມຫວັງສ້າງປະເທດ ໃນເງື່ອນໄຂສັນຕິພາບຂອງປະຊາຊົນສອງຊາດຕ້ອງຖືກພັງທະລາຍ ໃນເມື່ອພວກລ່າເມືອງຂຶ້ນຝຣັ່ງ ກັບຄືນມາຮຸກຮານສອງປະເທດເປັນຄັ້ງທີ 2, ເຮັດໃຫ້ພັກກອມມູນິດ ອິນດູຈີນ ຕ້ອງໄດ້ສືບຕໍ່ນໍາພາປະຊາຊົນທັງສາມປະເທດ ອິນດູຈີນ ຕໍ່ສູ້ຕ້ານພວກລ່າເມືອງຂຶ້ນຝຣັ່ງ ເພື່ອຍາດເອົາເອກະລາດແຫ່ງຊາດ. ຕໍ່ໜ້າສະພາບການທີ່ຂ້ຽວຂາດຄືແນວນັ້ນ, ໂດຍເຫັນໄດ້ເຖິງຄວາມຈໍາເປັນໃນການຮ່ວມມືຕ້ານສັດຕູຜູ້ຮຸກຮານໂຕດຽວ, ປະທານໂຮ່ຈີມິນ, ປະທານ ໄກອນ ພົມວິຫານ ແລະ ປະທານ ສຸພານຸວົງ ໄດ້ຕົກລົງສ້າງສໍາພັນສູ້ຮົບ ລາວ-ຫວຽດນາມ ໃນປີ 1946 ແລະ ປະຕິບັດຕາມຄໍາສັ່ງສອນຂອງລຸງໂຮ່ທີ່ວ່າ: “ຊ່ວຍເພື່ອນ ແມ່ນຊ່ວຍຕົນເອງ” ລູກຫຼານຜູ້ປະເສີດຂອງປະຊາຊົນ ຫວຽດນາມ ເປັນຈໍານວນຫຼາຍແສນຄົນ ໄດ້ຕັດສິນໃຈຂ້າມສາຍພູຫຼວງທີ່ຍິ່ງໃຫຍ່ ເພື່ອປະຕິບັດພັນທະສາກົນຢູ່ລາວ, ບັນດານາຍ ແລະ ພົນທະຫານຂອງຫວຽດນາມ ໄດ້ກິ້ງເກືອກລີເລືອກັບກອງທັບ, ນັກຮົບປະຕິວັດ ແລະ ປະຊາຊົນລາວ ເພື່ອຕີເອົາຊະນະກັບສັດຕູ ຜູ້ຮຸກຮານຕ່າງຊາດ, ຍ້ອນມີການປະສານສົມທົບທີ່ແໜ້ນແຟ້ນ ແລະ ການເສຍສະຫຼະຢ່າງໃຫຍ່ຫຼວງຂອງນັກຮົບປະຕິວັດຂອງສອງປະເທດ, ໄດ້ຕີຖອຍສັດຕູໃນບັ້ນຮົບຕ່າງໆ, ຊຶ່ງອັນເດັ່ນກວ່າຫມູ່ ແມ່ນໄຊຊະນະຂອງບັ້ນຮົບ ດຽນບຽນຟູ ທີ່ລືຊື່.

ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - 22 5 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ

ໃນເດືອນ ພຶດສະພາ ປີ 1954, ນໍາໄປສູ່ການຍອມຈໍານົນຂອງພວກລ່າເມືອງຂຶ້ນຝຣັ່ງ, ຍອມເຊັນສັນຍາເຊີແນວ ວ່າດ້ວຍ ອິນດູຈີນ, ເປີດສັງກາດເອກະລາດ ໃຫ້ແກ່ສາມຊາດ ອິນດູຈີນ, ທັບມ້າງແອກປົກຄອງລ່າເມືອງຂຶ້ນແບບເກົ່າໃນຂອບເຂດທົ່ວໂລກ. ແຕ່ແທນທີ່ປະຊາຊົນທັງສາມຊາດ ອິນດູຈີນ ຈະສາມາດດໍາລົງຊີວິດ ແລະ ສ້າງສາປະເທດຊາດໃນເງື່ອນໄຂສັນຕິພາບ, ສາມຊາດ ອິນດູຈີນ ພັດຖືກຈັກກະພັດ ອາເມລິກາ, ລ່າເມືອງຂຶ້ນແບບໃໝ່ເຂົ້າມາແທນ ເພື່ອດັບມອດຂະບວນການປະຕິບັດໃນປະເທດອິນດູຈີນ. ໃນສະພາບທີ່ຂ້ຽວຂາດຄືດັ່ງກ່າວ, ພັກອມມູນິດອິນດູຈີນ ຕ້ອງໄດ້ສືບຕໍ່ນໍາພາປະຊາຊົນຕໍ່ສູ້ຍາດເອົາເອກະລາດແຫ່ງຊາດ ໃນເງື່ອນໄຂທີ່ແສນທຸລະກັນດານ ໃນສະພາບເຫຼັກຫຼາຍກວ່າຖ່ານ, ເພາະພວກຈັກກະພັດອາເມລິກາ ມີຄວາມເຂັ້ມແຂງທາງດ້ານອາວຸດຍຸດໂທປະກອນຫຼາຍກວ່າປະຊາຊົນສາມຊາດຕັ້ງຫຼາຍຮ້ອຍເທົ່າ. ພວກເຂົາໄດ້ເພີ່ມທະວີສົງຄາມແບບພິເສດ, ບຸກໂຈມຕີຢ່າງປ່າເຖື່ອນ ຫວັງຈະເອົາສາມປະເທດເປັນຫົວເມືອງຂຶ້ນແບບໃຫມ່ຂອງພວກເຂົາ. ໃນແປວໄຟທີ່ດຸເດືອດຂອງສົງຄາມຕ້ານຈັກກະພັດອາເມລິກາ ເປັນເວລາ 20 ປີ ກອງທັບ ແລະ ປະຊາຊົນສອງຊາດ ລາວ-ຫວຽດນາມ ໄດ້ສືບຕໍ່ຄຽງບ່າຄຽງໄຫຼ່ກັນຕີສັດຕູຜູ້ຮຸກຮານໂຕດຽວກັນຢ່າງພິລະອາດຫານ, ກ້າແກ່ນ, ຮ່ວມຂຸມຄອງດຽວກັນ, ຊ່ວຍເຫຼືອກັນແບບເຂົ້າເມັດຫັກຜັກເສັ້ນແບ່ງ, ຍອມເສຍສະຫຼະ, ອຸທິດຊີວິດເລືອດເນື້ອ ເພື່ອເອກະລາດຂອງສອງຊາດ, ສ້າງວິລະກໍາອັນລໍາເລີດ, ສ້າງເງື່ອນໄຂກ້າວສູ່ການປົດປ່ອຍຊາດຢ່າງສົມບູນໃນປີ 1975 ແລະ ພ້ອມກັນເດີນຕາມເສັ້ນທາງສັງຄົມນິຍົມ ຢ່າງໜັກແໜ້ນເປັນເວລາ 40 ກວ່າປີຜ່ານມາ.

ການປະກອບສ່ວນຢ່າງຫຼວງຫຼາຍຂອງນັກຮົບປະຕິວັດຂອງສອງປະເທດ ຕໍ່ສາຍພົວພັນທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ໄດ້ຮັບການຕີລາຄາສູງໂດຍການນໍາລຸ້ນ ກໍ່ຕັ້ງຂອງປະເທດ ເຊັ່ນ: ໃນເວລາຕີລາຄາຜົນງານຂອງນັກຮົບຫວຽດນາມ ໃນປີ 1965, ປະທານ ໄກສອນ ພົມວິຫານ ໄດ້ເນັ້ນວ່າ: “ການປະຕິວັດລາວ ສາມາດຍາດເອົາໄຊຊະນະອັນຍິ່ງໃຫຍ່ ເປັນຂັ້ນໆມາໄດ້ນັ້ນ ແມ່ນຍ້ອນມີພັກ ມາກ-ເລນິນ ນໍາພາ, ກ່ອນໜ້ານີ້ແມ່ນພັກກອມມູນິດ ອິນດູຈີນ; ຍ້ອນກ້ອນກໍາລັງຮ່ວມສໍາພັນສູ້ຮົບ ລະຫວ່ງສາມຊາດອິນດູຈີນ ເປັນຕົ້ນແມ່ນ ການພົວພັນອັນແໜ້ນແຟ້ນທີ່ສຸດ ທີ່ມີລັກສະນະພິເສດ ລະຫວ່າງພັກເຮົາ ກັບພັກຄົນງານ ຫວຽດນາມ, ລະຫວ່າງການປະຕິວັດລາວ ກັບການປະຕິວັດຫວຽດນາມ, ການຮ່ວມສໍາພັນສູ້ຮົບ ລາວ-ຫວຽດນາມ -ກໍາປູເຈຍ ແລະ ການພົວພັນພິເສດ ລະຫວ່າງ ລາວ-ຫວຽດນາມ ເປັນອັນໜຶ່ງ ໃນບັນດາປັດໄຈພື້ນຖານທີ່ຮັບປະກັນທຸກໄຊຊະນະຂອງການປະຕິວັດລາວ… “.

ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - Wave100S AD to Website 2020 0 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ

ເມື່ອທົບທວນຄືນເຖິງວັນເວລາທີ່ທຸລະກັນດານແຫ່ງການຕໍ່ສູ້ ເພື່ອເອກະລາດແຫ່ງຊາດຂອງກອງທັບ ແລະ ປະຊາຊົນສອງຊາດລາວ-ຫວຽດນາມ, ພັກ, ລັດຖະບານ ແລະ ປະຊາຊົນລາວ ຍິ່ງມີຄວາມຊາບຊຶ່ງ ແລະ ຮູ້ບຸນຄຸນຢ່າງລົ້ນເຫຼືອຕໍ່ພັກ, ລັດ ແລະ ປະຊາຊົນຫວຽດນາມ, ເວົ້າສະເພາະຕໍ່ບັນດາອະດີດນັກຮົບປະຕິວັດ, ທະຫານຂອງລຸງໂຮ່ ຜູ້ທີ່ໄດ້ກິ້ງເກືອກ-ລີເລືອນໍາກອງທັບ ແລະ ປະຊາຊົນລາວ ໄດ້ອຸທິດອັນໃຫຍ່ຫຼວງ, ເສຍສະຫຼະຢ່າງຫຼວງຫຼາຍແມ່ນກະທັ້ງຊີວິດ ແລະ ເລືອດເນື້ອ, ຄວາມໜຸ່ມແໜ້ນຂອງຕົນມາປະຕິບັດພັນທະສາກົນຢູ່ລາວ ເປັນເວລາຫຼາຍສິບປີ, ບາງຄົນກໍຖືປະເທດລາວເປັນບ້ານເກີດເມືອງນອນທີ່ສອງຂອງຕົນ, ບາງຄົນໄດ້ໃຊ້ຊີວິດເຄື່ອນໄຫວສູ້ຮົບ, ເປັນຊ່ຽວຊານໃຫ້ແກ່ຂະແຫນງການຕ່າງໆ ຂອງລາວ ຫຼາຍກວ່າເວລາທີ່ໃຊ້ຢູ່ນໍາລູກເຕົ້າ, ຄອບຄົວ, ພໍ່ແມ່ຂອງຕົນ ທີ່ຫວຽດນາມ. ເຖິງວ່າວັນເວລາຜ່ານໄປຫຼາຍທົດສະວັດແລ້ວ, ສອງປະເທດໄດ້ພ້ອມກັນ ສ້າງສັງຄົມຕາມທິດສັງຄົມນິຍົມ ມາເປັນເວລາ 40 ກວ່າປີ, ແຕ່ຄວາມຊົງຈໍາ, ຄວາມຮູ້ບຸນຄຸນຂອງພັກ, ລັດຖະບານ ແລະ ປະຊາຊົນລາວຕໍ່ຜົນງານ, ຄຸນງາມຄວາມດີ ແລະ ການປະກອບສ່ວນ ເສຍສະຫຼະອັນໃຫຍ່ຫຼວງຂອງກອງທັບ ແລະ ປະຊາຊົນຫວຽດນາມອ້າຍນ້ອງ ຕໍ່ພາລະກິດປະຕິວັດຂອງລາວ ບໍ່ມີວັນຈະຈືດຈາງ, ຍັງຄົງຝັງເລິກໃນດວງໃຈຂອງປະຊາຊົນລາວສະເໝີມາ.

ພາຍຫຼັງໄດ້ຮັບການປົດປ່ອຍຢ່າງສົມບູນ ໃນປີ 1975, ສອງປະເທດລາວ ແລະ ຫວຽດ ນາມ ໄດ້ກ້າວເຂົ້າສູ່ສັງກາດໃຫມ່, ສັງກາດແຫ່ງສັນຕິພາບ, ເອກະລາດ, ເອກະພາບ ແລະ ປະຕິບັດສິດເປັນເຈົ້າຕົນເອງໃນການປົກປັກຮັກສາ ແລະ ສ້າງສາພັດທະນາປະເທດຊາດ ໄປສູ່ຈຸດໝາຍສັງຄົມນິຍົມທີ່ວາງໄວ້. ໃນໄລຍະແຫ່ງການປົກປັກຮັກສາ, ສ້າງສາພັດທະນາປະເທດຊ ຕະຫຼອດ 40 ກ່ວາປີຜ່ານມາຈົນເຖິງປັດຈຸບັນ, ເຖິງວ່າສະພາບການພາກພື້ນ, ສາກົນມີການຜັ ແປໄປຢ່າງສັບສົນ, ວ່ອງໄວບວກກັບບັນດາອິດທິກໍາລັງປໍລະປັກ ບໍ່ລົດລະໃນການເຄື່ອນໄຫວ ເພື່ອມ້າງເພ, ທໍາລາຍໝາກຜົນຂອງການປະຕິວັດຂອງ ສອງປະເທດ, ແຕ່ສາຍພົວພັນພິເສດອັນບໍລິສຸດຜຸດຜ່ອງ, ໃກ້ຊິດສະໜິດສະໜົມ ລະຫວ່າງປະຊາຊົນສອງຊາດ ລາວ-ຫວຽດນາມ ບໍ່ພຽງແຕ່ບໍ່ມີວັນຈືດຈາງໄປ, ແຕ່ຍິ່ງໄດ້ ຮັບການເສີມຂະຫຍາຍທັງລວງກ້ວາງ ແລະ ລວງເລິກ, ນັບມື້ມີປະສິດທິຜົນ ແລະ ພວມນໍາເອົາຜົນປະໂຫຍດຕົວຈິງ ມາໃຫ້ແກ່ປະຊາຊົນສອງຊາດລາວ ແລະ ຫວຽດນາມ.

ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - 35 1 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ

ການພົວພັນດ້ານການເມືອງໄດ້ຮັບການເສີມຂະຫຍາຍຢ່າງໜັກແໜ້ນ, ການແລກປ່ຽນການຢ້ຽມຢາມໄປມາຫາສູ່ກັນຂອງການນໍາຂັ້ນສູງຂອງພັກ, ສອງລັດ ຂອງສອງປະເທດ ໄດ້ປະກອບສ່ວນເຂົ້າໃນການເສີມຂະຫຍາຍມູນເຊື້ອແຫ່ງການພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານນັບມື້ສູງຂຶ້ນ; ການພົວພັນຮ່ວມມືລະ ຫວ່າງທ້ອງຖິ່ນ, ຂະແຫນງການຂອງສອງປະເທດມີປະສິດທິຜົນຫຼາຍຂຶ້ນ ແລະ ການພົວພັນດ້ານ ເສດຖະກິດ, ການຄ້າກໍໄດ້ມີຄວາມພະຍາຍາມສູ້ຊົນ ຍົກຕົວເລກການຄ້າສອງສົ້ນ ໃຫ້ສູງຂຶ້ນເລື້ອຍໆ; ການລົງທຶນ ສສ ຫວຽດນາມ ຍັງສືບຕໍ່ຢືນຢູ່ອັນດັບແຖວໜ້າ ຂອງບັນດາປະເທດ ທີ່ພວມມີການລົງທຶນຢູ່ລາວ; ຂົງເຂດປ້ອງກັນຊາດ, ປ້ອງກັນຄວາມສະຫງົບ ກໍມີບາດກ້າວຂະຫຍາຍຕົວໃຫມ່; ດ້ານການສຶກສາແມ່ນນັບມື້ມີຄຸນນະພາບສູງຂຶ້ນ; ດ້ານການຕ່າງປະເທດ ໄດ້ປະສານສົມທົບກັນຢ່າງແໜ້ນແຟ້ນໃນເວທີພາກພື້ນ ແລະ ສາກົນ ແລະ ສະໜັບສະໜູນຊຶ່ງ ກັນ ແລະ ກັນຢ່າງມີຜົນສໍາເລັດ; ສ່ວນດ້ານວັດທະນາທໍາ ແລະ ທ່ອງທ່ຽວ, ສາທາລະນະສຸກ, ຄົມມະນາຄົມຂົນສົ່ງ ແລະ ເຕັກນິກວິທະຍາສາດ ກໍຂະຫຍາຍຕົວຢ່າງຕັ້ງໜ້າ ແລະ ນັບມື້ກ້ວາງຂວາງກ່ວາເກົ່າ ເຊິ່ງນໍາເອົາຜົນປະໂຫຍດຕົວຈິງມາສູ່ປະຊາຊົນສອງຊາດ.

ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - WhatsApp Image 2020 05 27 at 5 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ
ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ - WhatsApp Image 2020 05 27 at 5 - ສະຫຼອງວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອການປະຕິວັດລາວ ຄົບຮອບ 70 ປີ
error: Alert: ເນື້ອຫາຂ່າວມີລິຂະສິດ !!