ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ

ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ - 33 4 - ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ
ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ - Untitled design - ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ

     ໃນ​ໄລ­ຍະ​ສົ່ງ​ທ້າຍ​ປີ​ເກົ່າ 2019 ແລະ ຕ້ອນ­ຮັບ​ປີ​ໃໝ່​ສາ­ກົນ 2020, ເຈົ້າ​ໜ້າທີ່​ພະ​ແນກ​ຕຳ­ຫຼວດ​ຈະ­ລາ­ຈອນ ນະ­ຄອນ­ຫຼວງ​ວຽງ​ຈັນ, ໄດ້​ວາງ​ແຜນ​ເພື່ອ​ສະ­ກັດ​ກັ້ນ​ການ​ເກີດ​ປະຕິ­ເຫດ​ຢູ່​ຕາມ​ເສັ້ນ­ທາງ​ຫຼັກ, ໂດຍ​ການ​ກວດ​ທາດ​ເຫຼົ້າ ຈັບ​ຄວາມ​ໄວ​ລົດ ແລະ ກວດ­ກາ​ພາ­ຫະ­ນະ​ຜູ້​ຂັບ​ຂີ່ 10 ຈຸດ, ໃນ 9 ເມືອງ, ເຊິ່ງ​ເລີ່ມ​ປະ­ຕິ­ບັດ​ແຕ່​ວັນ​ທີ 24 ທັນ­ວາ ຫາ 2 ມັງ­ກອນ 2020 ເພື່ອ​ຮັບ­ປະ­ກັນ​ຄວາມ​ສະ­ຫງົບ, ຄວາມ​ເປັນ​ລະ­ບຽບ​ຮຽບ​ຮ້ອຍ ພ້ອມ​ທັງ​ຫຼຸດ­ຜ່ອນ​ອຸປະຕິເຫດ​ທາງ​ຖະ­ໜົນ​ໃນ​ໄລ­ຍະ​ດັ່ງ­ກ່າວ.

   ທ່ານ ພັນ​ໂທ ເພັງ​ສະ­ຫວັນ ທຳ​ມາ​ບູນ ຫົວ­ໜ້າ​ພະ​ແນກ​ຕຳ­ຫຼວດ​ຈະ­ລາຈອນ ນະຄອນຫຫຼວງວຽງຈັນ ໃຫ້​ຮູ້ວ່າ: ເພື່ອ​ເຮັດ​ໃຫ້­ການ​ສະ­ເຫຼີມ­ສະ­ຫຼອງ​ຕ້ອນ­ຮັບ​ປີ​ໃໝ່​ສາ­ກົນ 2020, ດຳ­ເນີນ​ໄປ​ດ້ວຍ​ບັນ­ຍາ­ກາດ​ເບີກບານມ່ວນຊື່ນ ແລະ ​ປອດ​ໄພ, ພະ​ແນກ​ຕຳ­ຫຼວດ​ຈະ­ລາ­ຈອນ ນະຄອນຫຼວງວຽງຈັນ, ໄດ້​ສຸມ​ໃສ່​ວຽກ​ງານ​ໂຄ­ສະ­ນາ​ເຜີຍ­ແຜ່, ແນະ­ນຳ​ໃຫ້​ກຳ­ລັງ​ທຸກ​ຄົນ​ຕ້ອງ​ເອົາ­ໃຈ­ໃສ່​ໃນ​ການ​ປະ­ຕິ­ບັດ​ໜ້າ­ທີ່ ໃນ​ໄລ­ຍະ​ດັ່ງກ່າວ, ໂດຍ​ຈັດ​ກຳ­ລັງ​ຈະ­ລາ­ຈອນ​ປ້ອງ​ກັນ​ຢູ່​ຖະ­ໜົນ​ສາຍ​ຫຼັກ ແລະ ຕາມ​ປ້ອມ ເພື່ອ​ຮັບ­ປະ­ກັນ​ບໍ່​ໃຫ້​ມີ​ການ​ສັນ­ຈອນ​ແອ​ອັດ ຢູ່​ຕາມ​ເສັ້ນ­ທາງ​ຕ່າງໆ​ໃນ​ຕົວ​ເມືອງ ແລະ ຈະ​ເຂັ້ມ​ງວດ ນຳ​ໃຊ້​ມາດ​ຕະ­ການ​ບັງຄັບ​ດ້ານລະບຽບກົດ­ໝາຍ ເຊັ່ນ: ການ​ຄວບ​ຄຸມ​ຄວາມ​ໄວ, ກວດ­ກາ​ທາດ​ເຫຼົ້າ ແລະ ຕັ້ງ​ຈຸດ​ກວດ­ກາ​ຕາມ​ຈຸດ​ຫຼໍ່​ແຫຼມ (ຍາມ​ກາງ­ຄືນ), ເພື່ອ​ກ່າວ​ເຕືອນ​ຜູ້​ລະເມີດ​ກົດ​ລະ­ບຽບ​ຈະ­ລາ­ຈອນ.

ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ - Wave100S AD to Website 2020 0 - ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ

   ເຈົ້າໜ້າທີ່ໃຫ້ຮູ້ວ່າ: ໃນ​ປີ 2019 ນະຄອນຫຼວງວຽງຈັນ, ມີ​ອຸປະຕິເຫດ​ເກີດ​ຂຶ້ນ 1.250 ລາຍ, ສົ່ງຜົນເຮັດໃຫ້ມີ​ຜູ້​ເສຍ​ຊີ­ວິດ 235 ຄົນ, ທຽບໃສ່ປີ 2018 ສະຖິຕິການເກີດອຸປະຕິເຫດຍັງສູງ ແລະ ມີຜູ້ເສຍຊີວິດເພີ່ມຂຶ້ນ, ດັ່ງນັ້ນ, ຈຶ່ງ​ຮຽກ­ຮ້ອງ​ມາ​ຍັງ​ນັກ​ຂັບ​ຂີ່​ທຸກ​ທ່ານ ຈົ່ງ​ປະຕິ­ບັດ​ຕາມ​ລະ­ບຽບ​ກົດ​ຈະ­ລາ­ຈອນ​ທາງ­ບົກ​ຢ່າງ​ເຂັ້ມ​ງວດ, ໂດຍ​ສະ­ເພາະ ດື່ມ​ສິ່ງ​ມຶນ­ເມົາ​ແລ້ວ​ຫ້າມ​ຂັບ​ລົດ​ຢ່າງ​ເດັດ­ຂາດ, ຫ້າມ​ຂັບ​ຂີ່​ລົດ​ໄວ​ເກີນ​ກົດ­ໝາຍ​ກຳນົດ​ໄວ້ ແລະ​ ອື່ນໆ.

ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ - WhatsApp Image 2020 05 27 at 5 - ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ
ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ - WhatsApp Image 2020 05 27 at 5 - ຈະລາຈອນນະຄອນຫລວງວຽງຈັນ ເອົາໃຈໃສ່ສະກັດກັ້ນອຸປະຕິເຫດໄລສະປີໃໝ່ສາກົນ
error: Alert: ເນື້ອຫາຂ່າວມີລິຂະສິດ !!