ຊິໄປໜ້າໃຫ້ແລຫຼັງ

ຊິໄປໜ້າໃຫ້ແລຫຼັງ - 365 6 - ຊິໄປໜ້າໃຫ້ແລຫຼັງ
ຊິໄປໜ້າໃຫ້ແລຫຼັງ - Untitled design - ຊິໄປໜ້າໃຫ້ແລຫຼັງ

ໂດຍ: ຄຳພຸດ ເທບພະນົມ

ປີເກົ່າກຽມຜ່ານພົ້ນ   ແປປ່ຽນແປງສະໄໝ
ປີໃໝ່ 2020        ຊິສອດຊອນແຊມຊ້ອນ
ໃຫ້ຮໍ່າຮອນຄືນຄັ້ງ    ຄາວຫລັງແລອະດີດ
ຄິດຄະນິງເບິ່ງເບື້ອງ   ຜົນງານສ້າງໜຶ່ງປີ
ມີອັນໃດເຮັດໄດ້      ດີເດັ່ນເປັນປະຈັກ
ໃຫ້ຮັກສາມູນເດີມ    ເພີ່ມພູນຖະໜອມໄວ້
ຂະຫຍາຍຜົນຜະຫລາເລື້ອຍ ລຽນກັນປະສານຕື່ມ
ຄືປູກມອນມ່ວງມີ້        ປີໜ້າຊິຮັບຜົນ
ຢ່າຊິຈົນງຶດງໍ້         ທໍ້ຕໍ່ຊະຕາຕົກ
ຍົກຈາກໃຈໂຍນລົງ    ລ່ອງຂອງໃຫ້ມັນແລ້ວ
ຄິດຫາອັນຄາຄ້າງ      ວາງແຜນການປັບປ່ຽນ
ຫາວິທີໄຂຂອດແກ້     ຊິດີແທ້ເມື່ອລຸນ
ຄັນຫາຍັງຂຸ່ນຂ້ອງ      ຄວາມເກົ່າບໍ່ແປງປັບ
ຊິເປັນຄືຄອງເໝືອງ     ບໍ່ລ່ວງແລວເລີຍຕັນຕຶ້ງ
ເຖິງແມ່ນມີປີໜ້າ      ປີຮືຍັງຄືເກົ່າ
ແຖມຊິນູມເນົ່າຊໍ້າ       ບໍ່ມີມື້ສວ່າງ ແທ້ໄດ໋

ປີໃໝ່ ຄັນຫາກໃຈບໍ່ສູ້    ຄູ້ເຄົ່າຄືຄາວຫລັງ
ຍັງເປັນຄົນໂລເລ        ຫລອກລວງລວນຫລິ້ນ
ກິນດື່ມຟູມເຟືອຍໃຊ້     ຫາໄວຮີບຈ່າຍ
ປີໃໝ່ມາຫລາຍໝື່ນຄັ້ງ   ບໍ່ຫວັງໄດ້ໃໝ່ຄົນ 
ປີໃໝ່ ເປັນພຽງຕົວເລກຕັ້ງ  ສັກກະຫລາດລະດູການ
ສຳຄັນຄືໃຈຈິດ             ຄິດຄະເນແນໄວ້
ປີໃໝ່ມີເປັນປີກ້າວ         ການງານເດີນສະດວກ
ບວກຕື່ມຄູນເພີ່ມຂຶ້ນ       ໃຫ້ດີໄດ້ລື່ນຫລັງ ນັ້ນຖ້ອນ

ຊິໄປໜ້າໃຫ້ແລຫຼັງ - Wave100S AD to Website 2020 0 - ຊິໄປໜ້າໃຫ້ແລຫຼັງ
ຊິໄປໜ້າໃຫ້ແລຫຼັງ - WhatsApp Image 2020 05 27 at 5 - ຊິໄປໜ້າໃຫ້ແລຫຼັງ
ຊິໄປໜ້າໃຫ້ແລຫຼັງ - WhatsApp Image 2020 05 27 at 5 - ຊິໄປໜ້າໃຫ້ແລຫຼັງ
error: Alert: ເນື້ອຫາຂ່າວມີລິຂະສິດ !!