ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ

ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - 55 2 - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ
ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - Untitled design - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ

       ໂດຍຕອບສະໜອງຕາມຄຳເຊີນຂອງ ສະຫາຍ ຟ້າມ ບິ່ງ ມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ, ສະຫາຍ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ພ້ອມດ້ວຍພັນລະຍາ ແລະ ຄະນະ ໄດ້ໄປຢ້ຽມຢາມ ສສ. ຫວຽດນາມ ຢ່າງເປັນທາງການ  ​ແລະ ເຂົ້າຮ່ວມກອງປະຊຸມປຶກສາຫາລືດ້ານການເມືອງ ຂັ້ນລັດຖະມົນຕີ ລະຫວ່າງ ສອງກະຊວງການຕ່າງປະເທດ ລາວ-ຫວຽດນາມ ຄັ້ງທີ 6 ປະຈໍາປີ 2019 ແລະ ເຂົ້າຮ່ວມກອງປະຊຸມສະໄໝສາມັນ ຄັ້ງທີ 29 ຂອງຄະນະຜູ້ແທນຊາຍແດນ ລາວ-ຫວຽດນາມ ປະຈຳປີ 2019 ທີ່ ສສ. ຫວຽດນາມ ໃນລະຫວ່າງວັນທີ 23-27 ທັນວານີ້ ເພື່ອເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ-ຫວຽດນາມ ໃຫ້ແຕກດອກອອກຜົນຍິ່ງໆຂຶ້ນ.

ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - 80619999 2380036038973610 1082812395497193472 o - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ

         ກອງປະຊຸມປຶກສາຫາລືດ້ານການເມືອງຂັ້ນລັດຖະມົນຕີການຕ່າງປະເທດ ລາວ-ຫວຽດນາມ ຄັ້ງທີ 6 ໄດ້ຈັດຂຶ້ນໃນວັນທີ 25 ທັນວາ ທີ່ ແຂວງກວາງນິ່ງ ສສ. ຫວຽດນາມ, ໂດຍການເປັນປະທານຮ່ວມຂອງ ສະຫາຍ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ແລະ ສະຫາຍ ຟ້າມ ບິ່ງ ມິງ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ແຫ່ງ ສສ.ຫວຽດນາມ ໂດຍມີຄະນະຜູ້ແທນຈາກບັນດາກົມກ່ຽວຂ້ອງຂອງສອງກະຊວງການຕ່າງປະເທດເຂົ້າຮ່ວມ. ກອງປະຊຸມສອງຝ່າຍໄດ້ຮ່ວມກັນທົບທວນຄືນການຮ່ວມມືສອງຝ່າຍໃນທຸກຂົງເຂດໃນໄລຍະຜ່ານມາ, ການຮ່ວມມືລະຫວ່າງສອງກະຊວງການຕ່າງປະເທດ ແລະ ແລກປ່ຽນທັດສະນະກ່ຽວກັບສະພາບການພາກພື້ນ ແລະ ສາກົນທີ່ສອງຝ່າຍມີຄວາມສົນໃຈ.

ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - 80979939 2380036245640256 1766701936414818304 o - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ
ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - 81038003 2380036258973588 3355287434421075968 o - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ

      ສອງຝ່າຍໄດ້ຕີລາຄາສູງ​ໃນຕະຫຼອດ 1 ປີຜ່ານມາ ​ເຫັນ​ວ່າສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ-ຫວຽດນາມ ທີ່ໄດ້ຮັບການເສີມຂະຫຍາຍຢ່າງບໍ່ຢຸດຢັ້ງໃນທຸກຂົງເຂດວຽກງານ ໂດຍສະເພາະການພົວພັນດ້ານການເມືອງ, ການປ້ອງກັນຊາດ-ປ້ອງກັນຄວາມສະຫງົບ, ດ້ານການຄ້າ-ການລົງທຶນ, ດ້ານພະລັງງານ ແລະ ບໍ່ແຮ່, ວັດທະນະທຳ-ສັງຄົມ, ການແລກປ່ຽນການຢ້ຽມຢາມຂອງການນຳຂັ້ນສູງສອງປະເທດ ທັງສູນກາງ ແລະ ທ້ອງຖິ່ນ ໄດ້ມີຂຶ້ນຢ່າງເປັນປົກກະຕິ, ການປະຕິບັດບັນດາຂໍ້ຕົກລົງ ແລະ ການຕົກລົງສອງຝ່າຍໄດ້ຮັບການເອົາໃຈໃສ່ຢ່າງເປັນຮູບປະທຳ ແລະ ນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດຢ່າງແທ້ຈິງ. ການລົງທຶນຂອງຫວຽດນາມຢູ່ລາວແມ່ນຢູ່ໃນອັນດັບທີ 3 ຂອງບັນດາປະເທດທີ່ມາລົງທຶນຢູ່ລາວ, ນັກລົງທຶນຂອງລາວເອງກໍມີຄວາມສົນໃຈທີ່ຈະໄປລົງທຶນຢູ່ຫວຽດນາມ ​ແລະ ໃນຕໍ່ໜ້າ ສອງຝ່າຍຈະໄດ້ສຸມໃສ່ຊຸກຍູ້ການຮ່ວມມືດ້ານເສດຖະກິດລະຫວ່າງສອງປະເທດໃຫ້ນັບມື້ເພີ່ມຂຶ້ນທັງປະລິມານ ແລະ ຄຸນນະພາບ.

ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - 80797893 2380036285640252 4782035974848774144 o - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ

         ນອກນີ້, ສອງຝ່າຍຍັງໄດ້ຕີລາຄາສູງ ແລະ ທົບທວນຄືນຜົນການຮ່ວມມື ລະຫວ່າງສອງກະຊວງການຕ່າງປະເທດ ໃນຊຸມປີຜ່ານມາ ໂດຍສະເພາະແມ່ນການເປັນເສນາທິການໃຫ້ແກ່ຂັ້ນເທິງໃນການພົວພັນສອງຝ່າຍ, ເປັນໃຈກາງສຳຄັນໃນການຊຸກຍູ້ການຈັດຕັ້ງປະຕິບັດບັນດາຂໍ້ຕົກລົງຂອງການນຳຂັ້ນສູງຕ່າງໆໃຫ້ປາກົດຜົນເປັນຈິງ ເພື່ອຜົນປະໂຫຍດຂອງປະຊາຊົນສອງຊາດ, ສອງຝ່າຍຕີລາຄາສູງການຮ່ວມມືດ້ານວຽກງານຊາຍແດນທີ່ສອງຝ່າຍ ໄດ້ເອົາໃຈໃສ່ຮ່ວມມືກັນຢ່າງແໜ້ນແຟ້ນ ແລະ ຮອບດ້ານ ເພື່ອເຮັດໃຫ້ເຂດຊາຍແດນ ລາວ-ຫວຽດນາມ ເປັນຊາຍແດນແຫ່ງສັນຕິພາບ, ມີການພັດທະນາແບບຮອບດ້ານ ແລະ ຍືນຍົງ ກໍຄືການຮ່ວມກັນແກ້ໄຂບັນຫາຄົງຄ້າງຕ່າງໆ ແລະ ໃນວັນທີ 26 ທັນວາ ສອງຝ່າຍໄດ້ຈັດກອງປະຊຸມສາມັນປະຈໍາປີ ຄັ້ງທີ 29 ຂອງຄະນະຜູ້ແທນຊາຍແດນ ລາວ-ຫວຽດນາມ ເພື່ອສະຫຼຸບການປະຕິບັດວຽກງານຊາຍແດນໃນໜຶ່ງປີຜ່ານມາ ກໍຄືການ​ແກ້​ໄຂ​ບັນຫາການເຄື່ອນຍ້າຍ ແລະ ແຕ່ງດອງບໍ່ຖືກຕ້ອງຕາມລະບຽບກົດໝາຍຢູ່ຕາມບໍລິເວນຊາຍແດນ. ນອກນີ້, ສອງຝ່າຍກໍຍັງໄດ້ຮ່ວມກັນຈັດກອງປະຊຸມສໍາມະນາໃນຫົວຂໍ້ “ວຽກງານການທູດເສດຖະກິດຂອງ ຫວຽດນາມ-ລາວ ພາຍໃຕ້ສະພາບການໃໝ່” ແລະ ໄດ້ຮ່ວມກັນລົງນາມໃນແຜນປະຕິບັດງານຮ່ວມມືດ້ານການທູດເສດຖະກິດ ໄລຍະປີ 2020-2025 ຊຶ່ງຈະເປັນພື້ນຖານອັນດີໃຫ້ແກ່ການຮ່ວມມື ລະຫວ່າງສອງກະຊວງການຕ່າງປະເທດ ລາວ-ຫວຽດນາມ ໃນໄລຍະໃໝ່.

ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - Wave100S AD to Website 2020 0 - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ

        ໃນໄລຍະການຢ້ຽມຢາມຄັ້ງນີ້, ສະຫາຍ ສະເຫຼີມໄຊ ກົມມະສິດ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງວຽນ ຊວັນ ຟຸກ ນາຍົກ ລັດຖະມົນຕີ ແລະ ເຂົ້າຢ້ຽມຂໍ່ານັບ ສະຫາຍ ນາງ ຫງວຽນ ທິ ກິມ ເງິນ ປະທານສະພາແຫ່ງຊາດ ຊຶ່ງການນຳຂັ້ນສູງຂອງຫວຽດນາມໄດ້ຕີລາຄາສູງ ແລະ ຍ້ອງຍໍຊົມເຊີຍບົດບາດຂອງສອງກະຊວງການຕ່າງປະເທດທີ່ໄດ້ເອົາໃຈໃສ່ເຮັດວຽກຮ່ວມກັນຢ່າງໃກ້ຊິດ ປະກອບສ່ວນສຳຄັນໃຫ້ແກ່ການເສີມຂະຫຍາຍສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ ແລະ ຫວຽດນາມ ຕະຫຼອດໄລຍະຜ່ານມາ​ໃຫ້​ນັບ​ມື້​ແໜ້ນ​ແຟ້ນຍິ່ງ​ຂຶ້ນ.

ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - WhatsApp Image 2020 05 27 at 5 - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ
ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ - WhatsApp Image 2020 05 27 at 5 - ລາວ-ຫວຽດນາມ ເພີ່ມທະວີການພົວພັນຮ່ວມມືສອງຝ່າຍ
error: Alert: ເນື້ອຫາຂ່າວມີລິຂະສິດ !!