​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່

​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່ - 24 2 - ​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່
​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່ - Untitled design - ​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່

     ​ໄຂ່ ນອກຈາກ​ຈະ​ມີ​ໂປຣຕິນທີ່​ມີ​ປະ​ໂຫຍ​ດຕໍ່​ຄົນ​ແລ້ວ ຍັງ​ເປັນ​ປະ​ໂຫຍ​ດຕໍ່​ກັບ​ພືດ​ນຳ​ອີກ ​ເພາະ​ເວລາ​ໃດ​ທີ່​ເຮົາ​ນຳ​ໄຂ່​ມາ​ເຂົ້າຂະ​ບວນການ​ໝັກ​ຈະ​ກໍ່​ໃຫ້​ເກີດ​ການ​ປົດ​ປ່ອຍ ຫລື ຍ່ອຍ​ສະຫລາຍ​ໂປຣຕິນ ​ເຮັດ​ໃຫ້​ມີ​ຫົວໜ່ວຍ​ທີ່​ຂະໜາດ​ນ້ອຍ​ທີ່​ສຸດ​ທີ່​ພືດ​ສາມາດ​ດູດ​ຊຶມ​ໄປ​ໃຊ້​ປະ​ໂຫຍ​ດ​ໄດ້. ຮໍ​ໂມນ​ທີ່​ໄດ້​ຈາກ​ນ້ຳໝັກ​ໄຂ່​ແມ່ນ​ມີ​ປະ​ໂຫຍ​ດຊ່ວຍ​ກະ​ຕຸ້ນ​ຕາດ​ອກ, ​ເພີ່ມ​ຈຸລິນ​ຊີ​ໃນ​ດິນ, ຊ່ວຍ​ຍ່ອຍ​ອິນ​ຊີ​ວັດຖຸ​ໃນ​ດິນ, ​ເຮັດ​ໃຫ້​ດິນ​ຜຸ​ຜຸ່ຍ​ເກັບ​ຮັກສາ​ນ້ຳ​ໄດ້​ດີ ​ແລະ ​ເຮັດ​ໃຫ້​ອາກາດ​ຖ່າຍ​ເທ​ໄດ້​ສະດວກ ​ເຊິ່ງການ​ປູກ​ພືດ, ຜັກ, ໝາກ​ໄມ້, ​ເຂົ້າ ຫລື ດອກ​ໄມ້​ຕ່າງໆ ຫາກ​ບໍ່​ມີ​ການ​ບຳລຸງ​ແລ້ວ ສ່ວນ​ຫລາຍ​ມັກ​ຈະ​ບໍ່​ຕິດ​ດອກ ​ແລະ ບໍ່​ຕິດ​ໝາກ ​ເຮັດ​ໃຫ້ການ​ປູກ​ບໍ່​ໄດ້​ຮັບ​ຜົນ. ສະນັ້ນ ຮໍ​ໂມນ ຫລື ປຸ໋ຍ ຈຶ່ງ​ມີ​ຄວາມ​ຈຳ​ເປັນ​ຢ່າງ​ຍິ່ງ​ຕໍ່​ຊາວ​ກະສິກອນ ​ເຊິ່ງຖ້າ​ຫາກ​ຊາວ​ກະສິກອນ​ຊື້ຮໍ​ໂມນ​ສຳ​ເລັດ​ຮູບ ກໍ​ອາດ​ຈະ​ເພີ່ມ​ຄ່າ​ໃຊ້​ຈ່າຍ​ຫລາຍ​ຂຶ້ນ ອາດ​ຈະ​ສົ່ງ​ຜົນ​ຕໍ່​ຜົນ​ກຳ​ໄລ​ທີ່​ຈະ​ເກີດ​ຂຶ້ນ​ໄດ້ ​ເຊິ່ງ​ເຕັກນິກ​ໃນ​ການ​ເຮັດ​ນ້ຳໝັກ​ສູດ​ຮໍ​ໂມນ​ໃນ​ສູດ​ນີ້ ນອກຈາກ​ຊາວ​ກະສິກອນ​ຈະ​ສາມາດ​ຜະລິດ​ໄວ້​ໃຊ້​ດ້ວຍ​ຕົນ​ເອງ​ແລ້ວ ວັດຖຸ​ດິບ​ອຸປະກອນ​ຍັງ​ຫາ​ໄດ້​ງ່າຍ, ປະຢັດ ​ແລະ ມີ​ຂັ້ນຕອນ​ການ​ເຮັດ​ທີ່​ບໍ່​ຫຍຸ້ງຍາກ​ດັ່ງ​ຕໍ່​ໄປ​ນີ້:

​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່ - fertilizer hormone eggs and eggshell 1 e1538111202924 - ​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່

     ຂັ້ນຕອນ​ການ​ກະກຽມ​ອຸປະກອນ ​ແລະ ວັດຖຸ​ດິບ: ​ໄຂ່​ໄກ່ 5 ກິ​ໂລກຣາມ (​ໃຊ້​ໄຂ່​ເປັດ​ແທນ​ໄດ້), ກາກ​ນ້ຳຕານ 3 ກິ​ໂລກຣາມ, ​ແປ້ງ​ເຫລົ້າຫວານ 1 ກ້ອນ, ນົມສົ້ມ (​ໂຢ​ເກີດ) 10 ປ໋ອງ, ຖັງ​ປລາສະຕິກ​ມີ​ຝາ​ປິດ 1 ຖັງ ພ້ອມ​ໄມ້​ສຳລັບ​ໄວ້​ຄົນ.

     ຂັ້ນຕອນ​ໃນ​ການ​ເຮັດ: ຕົ້ມນ້ຳ​ໃຫ້​ຟົດ​ເພື່ອ​ລວກ​ໄຂ່​ໄກ່​ທີ່​ກຽມ​ໄວ້​ໃນ​ໝໍ້​ປະມານ 5 ວິນາທີ ​ແລ້ວ​ຖອກ​ນ້ຳຖິ້ມ​ເພື່ອ​ບໍ່​ໃຫ້​ໄຂ່​ໄກ່​ມີ​ກິ່ນ​ຄາວ, ທຸບ​ໄຂ່​ໄກ່​ໃສ່​ໝໍ້​ທີ່​ກຽມ​ໄວ້ ​ໃຊ້​ບ່ວງ​ຕີ​ໄຂ່​ໃຫ້​ແຕກ, ຕຳ​ເປືອກ​ໄຂ່​ທີ່​ເຫລືອ​ໃຫ້​ແຕກ ​ໃສ່​ແປ້ງ​ເຫລົ້າຫວານ​ແລ້ວ​ຕຳ​ໃຫ້​ເຂົ້າກັນ, ຈາກ​ນັ້ນນຳ​ໄປ​ປະສົມ​ໃສ່​ໄຂ່​ທີ່​ຕີ​ໄວ້, ​ເຖນົມສົ້ມ ​ແລະ ກາກ​ນ້ຳຕານ​ລົງ​ໄປ ​ແລ້ວ​ຄົນ​ສ່ວນ​ປະສົມ​ທັງ​ໝົດ​ໃຫ້​ເຂົ້າກັນ, ຈາກ​ນັ້ນປິດ​ຝາ​ຖັງ​ໄວ້, ໝັກ​ໄວ້ 15 ມື້ ​ໂດຍ​ໝັ່ນ​ເປີດ​ຝາ​ຖັງ ​ແລະ ຄົນ​ທຸກໆ​ມື້, ມື້ລະ 100 ຮອບ. ​ເມື່ອ​ຄົບ 15 ມື້ ​ໃຫ້​ໃຊ້​ຜ້າ​ຂາວ​ບາງ​ຕອງ​ກາກ​ອອກ ​ເອົາ​ແຕ່​ນ້ຳ​ແລ້​ວບັນຈຸ​ໃສ່​ຕຸກ ​ແລະ ວາງ​ຕຸກ​ໃຫ້​ຫ່າງ​ກັນ 3-5 ຊັງ​ຕີ​ແມັດ, ​ແລ້ວ​ປິດ​ຝາ​ນຳ​ໄປ​ເກັບ​ໄວ້​ໃນ​ບ່ອນ​ຮົ່ມ​ບໍ່​ໃຫ້​ຖືກ​ແສງ​ແດດ ສາມາດ​ເກັບ​ໄວ້ 6 ​ເດືອນ.

​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່ - Wave100S AD to Website 2020 0 - ​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່

       ປະ​ໂຫຍ​ດ ​ແລະ ການ​ນຳ​ໃຊ້​ນ້ຳໝັກ​ສູດ​ຮໍ​ໂມນ​ໄຂ່: ການ​ສີດ​ພົ່ນ​ຮໍ​ໂມນ​ແມ່ນ​ໃຫ້​ສີດ​ໃນ​ໄລຍະ​ທີ່​ມີ​ແດດ​ອ່ອນໆ​ໃນ​ຕອນ​ເຊົ້າ ຫລື ຕອນ​ແລງ​ທີ່​ແດດ​ບໍ່​ແຮງ, ​ໃຊ້​ນ້ຳໝັກ​ຮໍ​ໂມນ​ໄຂ່ 1 ບ່ວງ​ແກງ​ຕໍ່​ນ້ຳ 15-20 ລິດ ສີດ​ພົ່ນ​ພືດ​ທີ່​ກຳລັງ​ຢູ່​ໃນ​ໄລຍະ​ອອກດອກ ຈະ​ເຮັດ​ໃຫ້ການ​ຕິດ​ດອກ​ດີ ​ແລະ ​ເຮັດ​ໃຫ້​ມີ​ການ​ແຕກ​ດອກ​ໄດ້​ຫລາຍ​ຂຶ້ນ ​ໂດຍ​ໃຫ້​ບາ​ມື້ສີດ, ​ໃຊ້​ນ້ຳໝັກ​ຮໍ​ໂມນ​ໄຂ່ 1 ບ່ວງ​ແກງ​ຕໍ່​ນ້ຳ 15-20 ລິດ ສີ​ພົ່ນ​ຕົ້ນ​ເຂົ້າ​ໃນ​ໄລຍະ​ກຳລັງ​ມານ ຈະ​ເຮັດ​ໃຫ້​ເຂົ້າອອກ​ຮວງ​ໄດ້​ດີ, ​ເມັດ​ເຂົ້າຕຶ່ງ​ເຕັມ​ເມັດ, ​ໄດ້​ນ້ຳໜັກ ​ແລະ ​ໃຫ້​ຜົນ​ຜະລິດ​ສູງ, ​ໃຊ້​ນ້ຳໝັກ​ຮໍ​ໂມນ​ໄຂ່ 1 ບ່ວງ​ແກງ​ຕໍ່​ນ້ຳ 15-20 ລິດ ສີດ​ພົ່ນ​ໄມ້​ໃຫ້​ໝາກ​ໄລຍະ​ກຳລັງ​ຕິດ​ໝາກ ​ເຮັດ​ໃຫ້​ໝາກ​ໄມ້​ມີ​ລົດ​ຊາດ​ແຊບ​ດີ, ນ້ຳໜັກ​ດີ ​ແລະ ​ໃຫ້​ຜົນ​ຜະລິດ​ສູງ.

​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່ - WhatsApp Image 2020 05 27 at 5 - ​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່
​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່ - WhatsApp Image 2020 05 27 at 5 - ​ເຕັກນິກ​ການ​ເຮັດ​ນ້ຳໝັກ​ສູດ​ຮໍ​ໂມນ​ໄຂ່
error: Alert: ເນື້ອຫາຂ່າວມີລິຂະສິດ !!