ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ

ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ - 47 2 - ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ
ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ - Untitled design - ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ

      ​ໃນ​ປັດຈຸບັນ ວຽກ​ງານ​ທ່ອງ​ທ່ຽວ​ຢູ່​ໃນ​ໂລກ​ໄດ້​ແຕກ​ກ້ານ​ບານ​ໃບ​ອອກ​ຈົນ​ນຳ​ເກືອບ​ບໍ່​ທັນ ຈາກ​ຮູບ​ແບບ​ການທ່ອງທ່ຽວ ​ເພື່ອ​ຮຽນ​ຮູ້​ວັດທະນະທຳ-ປະຫວັດສາດ ​ແລະ ຊົມ​ຄວາມ​ງາມ​ທາງ​ທຳ​ມະ​ຊາດ ​ເຊິ່ງ​ແຕ່ລະ​ປະ​ເທດ​ຖື​ເປັນ​ເປົ້າໝາຍ​ຕົ້ນຕໍ​ໃນ​ການ​ດຶງ​ດູດ​ນັກ​ທ່ອງ​ທ່ຽວ​ແລ້ວ, ມາ​ດຽວ​ນີ້ ການທ່ອງທ່ຽວ​ທາງ​ການ​ແພດ (Medical Tourism) ​ໄດ້​ກາຍ​ເປັນ​ກະ​ແສ​ໃໝ່​ທີ່​ເອີ້ນ​ວ່າ​ມາ​ແຮງ​ເປັນ​ພິ​ເສດ ​ເຊິ່ງພາກພື້ນອາຊີ​ຂອງ​ພວກ​ເຮົາ​ພວມ​ອອກ​ໜ້າ​ພາ​ທາງ​ໃນ​ຂະ​ແໜງ​ທ່ອງ​ທ່ຽວ​ນີ້. ການທ່ອງທ່ຽວ​ທາງ​ການ​ແພດ​ນັ້ນ ຖ້າ​ຕີ​ຄວາມ​ໝາຍ​ໃຫ້​ຈະ​ແຈ້ງ ກໍ​ຄື​ການທ່ອງທ່ຽວ​ເພື່ອ​ເປົ້າໝາຍ​ປິ່ນປົວ​ພະຍາດ, ​ເພື່ອ​ຮັກສາ​ສຸຂະພາບ ​ແລະ ​ເພື່ອ​ເສີມ​ຄວາມ​ງາມ​ດ້ານ​ເຕັກ​ໂນ​ໂລ​ຊີ​ແຫ່ງ​ຍຸກ ຫລື ດ້ວຍ​ວິທີ​ການ​ບຳບັດ​ແບບ​ພື້ນ​ເມືອງ​ທີ່​ອາຊີ​ມີ​ທາງ​ເລືອກ​ຫລາຍ​ທີ່​ສຸດ.

     ຫວ່າງ​ປີຜ່ານມາ ຜູ້​ຂຽນ​ໄດ້​ອ່ານ​ບົດ​ຄວາມ​ຕ່າງປະ​ເທດ​ທີ່​ເວົ້າກ່ຽວ​ກັບ​ຄວາມ​ໝາຍ​ໝັ້ນຂອງ​ຫຽດນາມ​ທີ່​ຈະ​ພັດທະນາ​ການທ່ອງທ່ຽວ​ທາງ​ການ​ແພດ​ໃຫ້​ກ້າວ​ສູ່​ລະດັບ​ແຖວ​ໜ້າ​ຂອງ​ອາຊີ ​ໂດຍ​ໄດ້​ກຳນົດ​ເອົາ​ພາກ​ໃຕ້​ຂອງ​ປະ​ເທດ​ເປັນ​ເຂດ​ທົດ​ລອງ ດ້ວຍ​ວິທີ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ແພດ​ທີ່​ທັນ​ສະ​ໄໝ ປະສົມ​ປະສານ​ກັບ​ການ​ປິ່ນປົວ-ບຳບັດ​ແບບ​ພື້ນ​ເມືອງ ດ້ວຍ​ພູມ​ປັນຍາ​ຂອງ​ຊາວບ້ານ​ທີ່​ມີ​ມູນ​ເຊື້ອມາ​ແຕ່​ດົນ​ນານ​ແລ້ວ. ຂ່າວ​ບອກ​ວ່າ: ຫວຽດນາມ​ມີ​ຄວາມ​ສາມາດ​ພຽງພໍ​ທີ່​ຈະ​ຍາດ​ສ່ວນ​ແບ່ງ​ຂອງ​ຕະຫລາດ​ການທ່ອງທ່ຽວ​ທາງ​ການ​ແພດ​ນີ້​ໄດ້.

      ໜັງສືພິມ​ວຽງ​ຈັນທາ​ມ ສະບັບ​ວັນ​ທີ 31 ​ເດືອນ​ຕຸລາ​ປີ​ນີ້ ​ໄດ້​ລົງ​ບົດ​ຕ່າງປະ​ເທດ​ທີ່​ເວົ້າກ່ຽວ​ກັບ​ກະ​ແສ​ການທ່ອງທ່ຽວ​ທາງ​ການ​ແພດ​ວ່າ: ອາຊີ​ໄດ້​ກາຍ​ເປັນ​ແມ່​ແຮງ​ໃນ​ຂະ​ແໜງ​ການທ່ອງທ່ຽວ​ປະ​ເພດ​ນີ້ ​ໂດຍ​ໄດ້​ຈັດ​ລຳດັບ​ບັນດາ​ປະ​ເທດ​ທີ່​ມີ​ທ່າ​ແຮງ​ດ້ານ​ນີ້ ​ເຊິ່ງລວມມີ​ໄທ, ອິນ​ເດຍ, ສິງກະ​ໂປ, ມາ​ເລ​ເຊຍ ​ແລະ ສ.​ເກົາຫລີ. ສຳລັບ​ປະ​ເທດ​ໄທ​ນັ້ນ ລັດຖະບານ​ໄດ້​ມີ​ຄວາມ​ພະຍາຍາມ​ແຕ່​ປີ 2003 ​ເພື່ອ​ເຮັດ​ໃຫ້​ປະ​ເທດ​ກາຍ​ເປັນ​ສູນ​ກາງ​ການທ່ອງທ່ຽວ​ທາງ​ການ​ແພດ​ຂອງ​ໂລກ. ​ໃນ​ປີ 2017 ນັກ​ທ່ອງ​ທ່ຽວ​ຕ່າງປະ​ເທດ​ຈຳນວນ 3,3 ລ້ານ​ຄົນ ​ໄດ້​ເຂົ້າ​ໄປ​ທ່ອງ​ທ່ຽວ​ໄທ ​ເພື່ອ​ຮັບ​ການ​ບໍລິການ​ທາງ​ການ​ແພດ. ຈຸດ​ແຂງ​ຂອງ​ໄທ​ແມ່ນ​ຄຸນ​ນະພາ​ບ​ໃນ​ການ​ຕ້ອນຮັບ​ແຂກ, ຄວາມ​ຊຳນານ​ຂັ້ນສູງ​ຂອງ​ພະນັກງານ​ແພດ ​ແລະ ຮູບ​ການ​ບໍລິການ​ສະ​ເພາະ​ກິດ. ​ໃນ​ປີ 2017 ນັກ​ທ່ອງ​ທ່ຽວ​ເພື່ອ​ຮັບ​ການ​ບໍລິການ​ທາງ​ການ​ແພດ​ເຂົ້າ​ໄປ​ອິນ​ເດຍນັ້ນມີ​ຈຳນວນ 495.056 ຄົນ, ​ແຕ່​ອິນ​ເດຍມີ​ທ່າ​ແຮງ​ເພື່ອ​ພັດທະນາ​ການທ່ອງທ່ຽວ​ຂະ​ແໜງ​ນີ້ ​ເພາະ​ມີ​ລະບົບ​ໃຫ້​ວີ​ຊາ​ທາງ​ອອນ​ລາຍ​ກັບ 150 ປະ​ເທດ ​ແລະ ມີ​ລະບົບ​ໃຫ້​ວີ​ຊາ​ພິ​ເສດສະ​ເພາະ​ຜົວ-​ເມຍ ຫລື ຜູ້​ຕິດຕາມ​ຂອງ​ນັກ​ທ່ອງ​ທ່ຽວ​ອີກ​ດ້ວຍ. ​ໃນ​ປີ 2017 ມາ​ເລ​ເຊຍ​ໄດ້​ຕ້ອນຮັບ​ນັກ​ທ່ອງ​ທ່ຽວ​ເພື່ອ​ເປົ້າໝາຍ​ທາງ​ການ​ແພດ​ຈຳນວນ 1 ລ້ານ​ຄົນ. ຈຸດ​ແຂງ​ຂອງ​ມາ​ເລ​ເຊຍ​ກໍ​ຄື​ລາຄາ​ປິ່ນປົວ​ຖືກ, ມີ​ລະບົບ​ຄວບ​ຄຸມ​ໂຮງໝໍ​ເອກະ​ຊົນ​ບໍ່​ໃຫ້​ເອົາ​ປຽບ​ລູກ​ຄ້າ​ດ້ານ​ລາຄາ. ນອກຈາກ​ນັ້ນ ມາ​ເລ​ເຊຍ​ຍັງ​ມີ​ເປົ້າໝາຍ​ດຶງ​ດູດ​ນັກ​ທ່ອງ​ທ່ຽວ​ທາງ​ການ​ແພດສະ​ເພາະ​ຈາກ​ອິນ​ໂດ​ເນ​ເຊຍ​ໃຫ້​ໄດ້ 1 ລ້ານ​ຄົນ ພາຍ​ໃນ​ປີ 2020. ສິງກະ​ໂປ​ເປັນ​ປະ​ເທດ​ແຖວ​ໜ້າ​ໝູ່​ດ້ານ​ການ​ບໍລິການ​ການ​ແພດ​ໃຫ້​ນັກ​ທ່ອງ​ທ່ຽວ ​ໂດຍ​ໄດ້​ສ້າງ​ໂຮງໝໍ​ສະ​ເພາະ 15 ​ແຫ່ງ ​ໄວ້​ໃຫ້​ບໍລິການ. ນອກ​ນັ້ນ ຍັງ​ມີ​ລະບົບ​ເຕັກ​ໂນ​ໂລ​ຊີ​ລ້ຳຍຸກ​ເຂົ້າຊ່ວຍ ບວກ​ກັບ​ຄວາມ​ຊຳນານ​ເປັນ​ເລີດ​ຂອງ​ແພດ​ໝໍ​, ​ແຕ່​ລາຄາ​ປິ່ນປົວ​ນັ້ນ​ແພງ​ຫລາຍ. ສ.​ເກົາຫລີ ​ເນັ້ນການທ່ອງທ່ຽວ​ທາງ​ການ​ແພດ​ດ້ານ​ເສີມ​ຄວາມ​ງາມ​ເປັນ​ພິ​ເສດ. ​ໃນ​ປີ 2016 ນັກ​ທ່ອງ​ທ່ຽວ​ທີ່​ເຂົ້າ​ໄປ ສ.​ເກົາຫລີ ​ເພື່ອ​ຮັບ​ບໍລິການ​ດ້ານ​ການ​ແພດ​ນັ້ນມີ​ສູງ​ເຖິງ 364.000 ຄົນ ສ່ວນ​ໃຫຍ່​ແມ່ນ​ນັກ​ທ່ອງ​ທ່ຽວ​ຖົງ​ເງິນ​ໃຫຍ່​ຈາກ ສ.​ອາ​ເມ​ລິ​ກາ, ຍີ່ປຸ່ນ, ກາ​ນາ​ດາ, ສະຫະພາບ ອາຣັບ ​ເອ​ເມ​ເຣັດ ​ແລະ ສປ ຈີນ.

ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ - Wave100S AD to Website 2020 0 - ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ

      ມາ​ຮອດ​ນີ້, ຜູ້​ຂຽນ​ຂໍ​ປິດ​ທ້າຍ​ວ່າ: ລາວ​ເຮົາ​ກໍ​ສາມາດ​ດຶງ​ດູດ​ນັກ​ທ່ອງ​ທ່ຽວ​ທີ່​ຕ້ອງການ​ສົ່ງ​ເສີມ​ສຸຂະພາບ​ໄດ້​ຄື​ກັນ ​ໂດຍ​ເນັ້ນອາຫານ​ປອດ​ສານພິດ, ອາກາດ​ສົດ​ໃສ​ໄຮ້​ມົນ​ລະ​ພິດ, ບໍ່​ນ້ຳຮ້ອນ​ກະ​ຕຸ້ນ​ພະລັງ​ຂອງ​ຮ່າງກາຍ ​ແລະ ພືດ​ພັນ​ເປັນ​ຢາ​ເຕັມ​ປ່າດົງ ຂໍ​ພຽງ​ແຕ່​ໃຫ້​ພວກ​ເຮົາ “​ເຢີ​ກ !” ​ແທ້ໆ.

ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ - WhatsApp Image 2020 05 27 at 5 - ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ
ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ - WhatsApp Image 2020 05 27 at 5 - ການທ່ອງທ່ຽວ​ທາງ​ການ​ແພດກະ​ແສ​ໃໝ່​ທີ່​ບໍ່​ຄວນ​ແນມ​ກາຍ
error: Alert: ເນື້ອຫາຂ່າວມີລິຂະສິດ !!