5 ອັນຕະລາຍ ຢືນ – ຍ່າງ – ນັ່ງ – ຫລັງກົ່ງ

5 ອັນຕະລາຍ ຢືນ - ຍ່າງ - ນັ່ງ - ຫລັງກົ່ງ - 023012 2019 - 5 ອັນຕະລາຍ ຢືນ – ຍ່າງ – ນັ່ງ – ຫລັງກົ່ງ
5 ອັນຕະລາຍ ຢືນ - ຍ່າງ - ນັ່ງ - ຫລັງກົ່ງ - Untitled design - 5 ອັນຕະລາຍ ຢືນ – ຍ່າງ – ນັ່ງ – ຫລັງກົ່ງ

     ຕັ້ງແຕ່ນ້ອຍຈົນໃຫຍ່ ພໍ່ແມ່ ແລະ ຄູອາຈານມັກຕັກເຕືອນເດັກນ້ອຍກ່ຽວກັບການນັ່ງຫລັງຊື່ສະເໝີ, ແຕ່ຫລາຍຄົນກໍເຜີ ປ່ອຍໂຕເອງໃຫ້ນັ່ງຫລັງກົ່ງຢູ່ສະເໝີ. ບໍ່ພຽງແຕ່ການນັ່ງຢ່າງດຽວ, ການຍ່າງ ແລະ ການຢືນແບບຫລັງກົ່ງ ກໍສ້າງບັນຫາກັບສຸຂະພາບຫລັງບໍ່ຕ່າງກັນ. ຫລັງທີ່ຢຽດຊື່ ຫລື ກົ່ງງໍ ມີຜົນຕໍ່ສຸຂະພາບຫຍັງແດ່ ມາເບິ່ງກັນເລີຍ.

     1. ສຸຂະພາບຂອງໝອນຮອງກະດູກ : ທຸກມື້ນີ້ຫລາຍຄົນເຮັດວຽກຢູ່ໜ້າຈໍຄອມພິວເຕີຕັ້ງແຕ່ເຊົ້າຈົນຄໍ່າ ບາງຄົນຕ້ອງນັ່ງຂັບລົດຜ່ານການຈະລາຈອນຕິດຂັດ ທັງເຊົ້າ ແລະ ແລງ. ການນັ່ງຫລັງກົ່ງງໍຈະເຮັດໃຫ້ເພີ່ມແຮງກົດຢູ່ໝອນຮອງກະດູກສົ່ງຜົນໃຫ້ກ້າມຊີ້ນ ແລະ ເອັນຈັບ ເສື່ອມໄວຂຶ້ນ ເປັນທີ່ມາຂອງອາການປວດຫລັງ ແລະ ອາດຮຸນແຮງໄປເຖິງຂັ້ນເປັນພະຍາດໝອນຮອງ ກະດູກທັບເສັ້ນປະສາດ ສ້າງຄວາມເຈັບປວດທີ່ຊຳ້ເຮື້ອ, ທໍລະມານຫລາຍ ຫາກປ່ອຍໄວ້ດົນ ເສັ້ນປະສາດຈະເສຍຫາຍ ບໍ່ສາມາດແກ້ໃຫ້ກັບຄືນມາປົກກະຕິໄດ້. ການນັ່ງຫລັງຊື່ຈະຫລຸດບັນຫາ ແລະ ຄວາມສ່ຽງເຫລົ່ານີ້ໄດ້.

     2. ບັນຫາພະຍາດຂໍ້ : ການຢູ່ໃນທ່າທີ່ຫລັງກົ່ງ ຫລື ຄົດງໍດົນໆ ຈະເຮັດໃຫ້ກ້າມຊີ້ນຢູ່ກະໂພກຫົດ ແລະ ຫົດຢືດໜ້ອຍລົງ ຕາມມາດ້ວຍອາການປວດຂໍ້ກະໂພກໄດ້ ທັງນີ້ ການນັ່ງຫຍໍ້ບ່າໄຫລ່ຈະເຮັດໃຫ້ປວດຂໍ້ ແລະ ກ້າມຊີ້ນບ່າໄຫລ່ ປ່ອຍໄວ້ດົນອາດຊຳ້ເຮື້ອຈົນກາຍເປັນພະຍາດຂໍ້ໄດ້ໃນທີ່ສຸດ.

     3. ເຈັບຫົວ ບັນຫາທີ່ບໍ່ຄວນເກີດຂຶ້ນ : ການນັ່ງ – ຢືນ ຫລື ຍ່າງຫລັງກົ່ງຈະເຮັດໃຫ້ກ້າມຊີ້ນຄໍ ແລະ ເສັ້ນປະສາດບໍລິເວນງ່ອນຖືກຖ່ວງດຶງ ທັງຍັງເຮັດໃຫ້ການໄຫລວຽນຂອງເລືອດໄປລ້ຽງສະໝອງໄດ້ບໍ່ດີ ຈຶ່ງເກີດອາການເຈັບຫົວຕາມມາໄດ້, ແຕ່ການນັ່ງຫລັງຊື່ຈະຊ່ວຍຫລຸດບັນຫາເຫລົ່ານີ້.

5 ອັນຕະລາຍ ຢືນ - ຍ່າງ - ນັ່ງ - ຫລັງກົ່ງ - Wave100S AD to Website 2020 0 - 5 ອັນຕະລາຍ ຢືນ – ຍ່າງ – ນັ່ງ – ຫລັງກົ່ງ

     4. ອາລົມໝົ່ນໝອງ ເຄັ່ງຄຽດງ່າຍ : ຄົນຢືນ – ຍ່າງ ຫລື ນັ່ງຫລັງກົ່ງມັກເປັນຄົນຂີ້ຫງຸດຫງິດ ຍ້ອນອະໄວຍະວະໃນຮ່າງກາຍ ໂດຍສະເພາະສະໝອງບໍ່ໄດ້ຮັບອົກຊີແຊນຢ່າງເຕັມທີ່ ເຮັດໃຫ້ບໍ່ສົດຊື່ນ, ບໍ່ຮູ້ສຶກຄ່ອງແຄ້ວ ແລະ ເກີດອາການເຄັ່ງຕາມພາກສ່ວນຕ່າງໆຂອງຮ່າງກາຍ ແລະ ເສຍພະລັງໃນການຖ່ວງດຶງຄວາມເຄັ່ງນັ້ນ ຈຶ່ງເມື່ອຍງ່າຍ ແລະ ເຄັ່ງຄຽດງ່າຍກ່ວາປົກກະຕິ. ນອກຈາກນີ້ ການຍ່າງຫຍໍ້ບ່າໄຫລ່ ເຮັດໃຫ້ກະດູກຂ້າງທາງໜ້າກົດທັບປອດ, ການຮັບອົກຊີແຊນເຂົ້າສູ່ຮ່າງກາຍຈຶ່ງເຮັດໄດ້ບໍ່ເຕັມທີ່ຄືກັນ ຮ່າງກາຍຂອງຄົນທີ່ມີທ່າທາງແບບຫລັງກົ່ງ ຈຶ່ງມັກເມື່ອຍງ່າຍ, ເຄັ່ງຄຽດ ແລະ ໝົ່ນໝອງງ່າຍກ່ວາຄົນ ຫລັງຊື່.

     5. ລະບົບຍ່ອຍອາຫານເຮັດວຽກບໍ່ປົກກະຕິ : ການນັ່ງຫລັງກົ່ງຫລັງຈາກກິນເຂົ້າແລ້ວ ຈະເຮັດໃຫ້ກ້າມຊີ້ນທ້ອງເຄັ່ງຍິ່ງຂຶ້ນ ສົ່ງຜົນໃຫ້ນຳ້ຍ່ອຍລົ້ນຈາກກະເພາະອາຫານມາຫາຫລອດອາຫານ ເກີດເປັນອາການກົດໄຫລຍ້ອນໄດ້ງ່າຍ, ແຕ່ການຍ່າງ ຫລື ນັ່ງຫລັງຊື່ຫລັງຈາກກິນເຂົ້າອີ່ມແລ້ວ ຊຳ້ພັດຊ່ວຍໃຫ້ການເຮັດວຽກຂອງລະບົບຍ່ອຍດີຂຶ້ນ ທັງຍັງຫລຸດບັນຫາກົດໄຫລຍ້ອນໄດ້ຢ່າງເຫັນຜົນ.

5 ອັນຕະລາຍ ຢືນ - ຍ່າງ - ນັ່ງ - ຫລັງກົ່ງ - WhatsApp Image 2020 05 27 at 5 - 5 ອັນຕະລາຍ ຢືນ – ຍ່າງ – ນັ່ງ – ຫລັງກົ່ງ
5 ອັນຕະລາຍ ຢືນ - ຍ່າງ - ນັ່ງ - ຫລັງກົ່ງ - WhatsApp Image 2020 05 27 at 5 - 5 ອັນຕະລາຍ ຢືນ – ຍ່າງ – ນັ່ງ – ຫລັງກົ່ງ
error: Alert: ເນື້ອຫາຂ່າວມີລິຂະສິດ !!