ລວມ 10 ສະຖິຕິ​ໃໝ່​ໃນ​ປີ 2019

ລວມ 10 ສະຖິຕິ​ໃໝ່​ໃນ​ປີ 2019 - 69 2 - ລວມ 10 ສະຖິຕິ​ໃໝ່​ໃນ​ປີ 2019
ລວມ 10 ສະຖິຕິ​ໃໝ່​ໃນ​ປີ 2019 - Untitled design - ລວມ 10 ສະຖິຕິ​ໃໝ່​ໃນ​ປີ 2019

      ສຳນັກ​ຂ່າວ​ເອ​ເອັຟພີ​ຮວບ​ຮວມ 10 ສະຖິຕິ​ໂລກ​ທີ່​ເກີດ​ຂຶ້ນ​ໃໝ່​ໃນ​ປີ 2019 ມີ​ທັງ​ເດືອນ​ທີ່​ຮ້ອນ​ທີ່​ສຸດ, ​ແລ່ນ​ມາລາ​ທອນ​ໄວ​ທີ່​ສຸດ ​ໄປ​ຈົນ​ເຖິງ​ລາຄາ​ປະມູນ​ສູງ​ສຸດ.

      ຮ້ອນ​ທີ່​ສຸດ: ​ເດືອນ​ກໍລະກົດ​ປີ​ນີ້ ອຸນຫະພູມ​ໂລກ​ສ້າງ​ສະຖິຕິ​ຮ້ອນ​ທີ່​ສຸດ​ເທົ່າ​ທີ່​ເຄີຍ​ມີ​ການ​ບັນທຶກ​ມາ ສະ​ເລ່ຍ 16,75 ອົງສາ ສະ​ເພາະ​ຢູ່​ເອີຣົບຄື້ນຄວາມ​ຮ້ອນ​ເຮັດ​ໃຫ້​ຝຣັ່ງຮ້ອນ​ເປັນ​ປະ​ຫວັດ​ສາດ 42,6 ອົງສາ, ​ເຢຍລະ​ມັນ 41,5 ອົງສາ ​ແລະ ອັງກິດ 38,7 ອົງສາ. ສ່ວນ​ວັນ​ທີ 19 ທັນວາ ​ເປັນ​ວັນ​ຮ້ອນ​ທີ່​ສຸດ​ຂອງ​ອົດ​ສະຕຣາລີ ອຸນຫະພູມ​ສະ​ເລ່ຍທົ່ວ​ປະ​ເທດ 41,9 ອົງສາ.

      ປັບ​ໄໝ​ໜັກ​ທີ່​ສຸດ: ​ເຟສບຸກຖືກ​ຄະນະ​ກຳມາ​ທິການ​ການ​ຄ້າ​ແຫ່ງ​ຊາດ​ຂອງ​ອາ​ເມ​ລິ​ກາ ສັ່ງ​ປັບ​ໄໝ​ໃນ​ເດືອນ​ກໍລະກົດ​ເປັນ​ເງິນ 5.000 ລ້ານ​ໂດ​ລາ​ສະຫະລັດ ​ໂທດ​ຖານ​ລະ​ເມີດ​ຄວາມ​ເປັນ​ສ່ວນ​ຕົວ​ຜູ້​ໃຊ້​ງານ ສູງ​ທີ່​ສຸດ​ເທົ່າ​ທີ່​ບໍລິສັດ​ເອກະ​ຊົນ​ໃນ​ໂລກ​ນີ້​ເຄີຍ​ຖືກ​ປັບ​ໄໝ​ມາ.

     ຍອດ​ຂາຍ​ຫລາຍ​ທີ່​ສຸດ: ອາລີ​ບາ​ບາ ອີ​ຄອມ​ເມີດ ຍັກ​ໃຫຍ່​ຂອງ​ຈີນສ້າງ​ສະຖິຕິ​ຍອດ​ຂາຍ​ໃນ​ວັນ​ຄົນ​ໂສດ 11 ພະຈິກ ວັນ​ດຽວ 38.300 ລ້ານ​ໂດ​ລາ​ສະຫະລັດ ທຸບ​ສະຖິຕິ​ໃນ​ປີ​ກ່ອນ ​ເພາະ​ເພີ່ມ​ຂຶ້ນ​ເຖິງ 26%.

      ລາຄາ​ປະມູນ​ສູງ​ສຸດ: ປະຕິມາ​ກຳ​ສະ​ແຕນ​ເລ​ສຮູບ​ກະຕ່າຍ​ອາຍຸ 33 ປີ​ຂອງ ​ເຈັຟ ຄູນ ສິລະ​ປິນຊາວ​ອາ​ເມ​ລິ​ກາ ກາຍ​ເປັນ​ຜົນງານ​ຂອງ​ສິລະ​ປິນທີ່​ຍັງ​ມີ​ຊີວິດ​ຢູ່​ທີ່​ມີ​ຄົນ​ປະມູນ​ໄປ​ໃນ​ລາຄາ​ສູງ​ທີ່​ສຸດ​ເຖິງ 91,1 ລ້ານ​ໂດ​ລາ​ສະຫະລັດ ​ໃນ​ເດືອນ​ພະຈິກ.

     ມາລາ​ທອນ​ໄວ​ທີ່​ສຸດ: ​ເອລຽດ ຄິບ​ເຊ​ໂກ ນັກ​ແລ່ນ​ມາລາ​ທອນ​ຊາວ​ເກນ​ຢາ​ໄວ 35 ປີ ​ເປັນ​ຄົນ​ທຳ​ອິດ​ໃນ​ໂລກ​ທີ່​ໃຊ້​ເວລາ​ບໍ່​ຮອດ 2 ຊົ່ວ​ໂມງ ​ເຂົ້າ​ເສັ້ນ​ໄຊ​ມາລາ​ທອນ ລົບ​ສະຖິຕິ​ຕົນ​ເອງ​ດ້ວຍ​ການ​ສ້າງ​ສະຖິຕິ​ໃໝ່ 1 ຊົ່ວ​ໂມງ 59 ນາທີ 40,2 ວິນາທີ ​ໃນ​ການ​ແຂ່ງຂັນ​ແລ່ນ​ມາລາ​ທອນ ຢູ່​ນະຄອນຫລວງ​ວຽນ​ນາ ຂອງ​​ໂອ​ຕຣິດ ​ໃນ​ເດືອນ​ຕຸລາ.

ລວມ 10 ສະຖິຕິ​ໃໝ່​ໃນ​ປີ 2019 - Wave100S AD to Website 2020 0 - ລວມ 10 ສະຖິຕິ​ໃໝ່​ໃນ​ປີ 2019

      ປີນເຂົາ​ໄວ​ທີ່​ສຸດ: ນີມັລ ປູ​ຈາ ນັກ​ໄຕ​ເຂົາ​ຊາວ​ເນ​ປານ​ໄວ 36 ປີ ປີນ​ເຂົາສູງ​ທີ່​ສຸດ​ໃນ​ໂລກ​ຄົບ​ທັງ 14 ຍອດ​ໃນ​ເວລາ​ພຽງ 6 ​ເດືອນ 6 ວັນ ທຸບ​ສະຖິຕິ​ແຊ້ມ​ເກົ່າ​ຊາວ ສ.​ເກົາຫລີ ທີ່​ໃຊ້​ເວລາ​ເກືອບ 8 ປີກ​ວ່າ​ຈະ​ຄົບ.

     ຖ້ຽວ​ບິນ​ໄກ​ທີ່​ສຸດ: ສາຍ​ການບິນ​ແຄວນ​ຕັສທົດ​ລອງ​ຖ້ຽວ​ບິນ​ກົງ​ແບບ​ບໍ່​ຢຸດ​ພັກ​ຈາກ​ນະຄອນ​ນິວຢ໋ອກຂອງ​ອາ​ເມ​ລິ​ກາ​ໄປ​ນະຄອນ​ຊິດ​ນີຂອງ​ອົດ​ສະຕຣາລີ​ສຳ​ເລັດ​ໃນ​ເດືອນ​ຕຸລາ ​ໃຊ້​ເວລາ​ທັງ​ໝົດ 19 ຊົ່ວ​ໂມງ 16 ນາທີ ບິນ​ເປັນ​ໄລຍະ​ທາງ​ຫລາຍ​ກວ່າ 16.000 ກິ​ໂລ​ແມັດ.

     ​ເດັກນ້ອຍ​ທີ່​ສຸດ: ນາງ ​ເຊ​ບີ ມືນ​ຕາ​ເບິ່ງ​ໂລ​ກກ່ອນ​ກຳນົດ​ໃນ​ເດືອນ​ທັນວາ​ປີ​ກ່ອນ ດ້ວຍ​ນ້ຳໜັກ​ພຽງ 245 ກຣາມ ຊໍ່າກັບ​ໝາກ​ແອັບ​ເປິ້ນໜຶ່ງ​ໜ່ວຍ ​ແລະ ຕ້ອງ​ຢູ່​ໃນ​ການ​ເບິ່ງ​ແຍງ​ເປັນ​ພິ​ເສດຫລາຍ​ເດືອນ ຈົນ​ໂຮງໝໍ​ເມືອງ​ແຊນ​ດີ​ເອ​ໂກ ລັດ​ກາ​ລິ​ຟໍ​ເນຍ ປະກາດ​ຢືນຢັນ​ໃນ​ເດືອນ​ພຶດສະພາ​ປີ​ນີ້​ວ່າ: ​ນາງ​ນ້ອຍ​ເປັນ​ເດັກ​ຕົວ​ນ້ອຍ​ທີ່​ສຸດ​ທີ່​ມີ​ຊີວິດ​ລອດ​ມາ​ໄດ້.

       ບ່ອນ​ຈອດ​ລົດ​ລາຄາ​ແພງ​ທີ່​ສຸດ: ບ່ອນ​ຈອດ​ສຳລັບ​ລົດ​ໜຶ່ງ​ຄັນ​ໃນ​ອາຄານ​ດາດ​ຟ້າ​ເດິ​ເຊັນ​ເຕີ​ຂອງ​ຮົງ​ກົງ​ມີ​ຄົນ​ຊື້​ໄປ​ໃນ​ເດືອນ​ຕຸລາ ລາຄາ 7,6 ລ້ານ​ໂດ​ລາ​ຮົງ​ກົງ.

ລວມ 10 ສະຖິຕິ​ໃໝ່​ໃນ​ປີ 2019 - WhatsApp Image 2020 05 27 at 5 - ລວມ 10 ສະຖິຕິ​ໃໝ່​ໃນ​ປີ 2019
ລວມ 10 ສະຖິຕິ​ໃໝ່​ໃນ​ປີ 2019 - WhatsApp Image 2020 05 27 at 5 - ລວມ 10 ສະຖິຕິ​ໃໝ່​ໃນ​ປີ 2019
error: Alert: ເນື້ອຫາຂ່າວມີລິຂະສິດ !!