ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ

ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ - 690 - ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ
ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ - Untitled design - ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ

ປີ 2019 ເປັນປີທີ່ມີເຫດການໄພພິບັດເກີດຂຶ້ນຢ່າງໜັກໜ່ວງ ໃນຂອບເຂດທົ່ວປະເທດເປັນຕົ້ນ ໄພນໍ້າຖ້ວມ, ລົມພະຍຸ, ດິນເຈື່ອນ, ໄພແຫ້ງແລ້ງ, ໄຟໄໝ້, ແຜ່ນດິນໄຫວ, ການລະບາດຂອງພະຍາດສັດ ແລະ ສັດຕູພືດທໍາລາຍ ເຊິ່ງໄດ້ສົ່ງຜົນກະທົບໂດຍກົງຕໍ່ສຸຂະພາບ, ຊີວິດ ແລະ ຊັບສິນຂອງປະຊາຊົນທັງໝົດ 13 ແຂວງ.

    ອີງຕາມບົດລາຍງານຈາກຄະນະກໍາມະການປ້ອງກັນ ແລະ ຄວບຄຸມໄພພິບັດແຫ່ງຊາດ, ກະຊວງແຮງງານ ແລະ ສະຫວັດດີການສັງຄົມ ລະບຸວ່າ: ນັບແຕ່ເດືອນ ມັງກອນ ຫາ ພະຈິກ ປີ 2019 ທີ່ຜ່ານມາ ໄພພິບັດທາງທຳມະຊາດ ໄດ້ສົ່ງຜົນກະທົບໂດຍກົງຕໍ່ປະຊາຊົນ 163.000 ກວ່າຄອບຄົວ ໃນ 1.961 ບ້ານ, 128 ເມືອງຂອງ 13 ແຂວງ ຄື: ແຂວງຜົ້ງສາລີ, ຫົວພັນ, ຊຽງຂວາງ, ອຸດົມໄຊ, ບໍ່ແກ້ວ, ໄຊຍະບູລີ, ຫລວງພະບາງ, ຄໍາມ່ວນ, ສະຫວັນນະເຂດ, ສາລະວັນ, ເຊກອງ, ຈໍາປາສັກ ແລະ ອັດຕະປື ເຮັດໃຫ້ມີຜູ້ເສຍຊີວິດ 27 ຄົນ, ສູນຫາຍ 7 ຄົນ ແລະ ບາດເຈັບ 16 ຄົນ, ໄດ້ສ້າງຄວາມເສຍຫາຍຕໍ່ໂຄງລ່າງພື້ນຖານເສດຖະກິດ-ສັງຄົມຂອງລາວເຮົາປະມານ 1.560 ຕື້ກີບ.

    ເຫດການທີ່ໜັກໜ່ວງ ແລະ ໄດ້ສ້າງຄວາມເສຍຫາຍຢ່າງຫລວງຫລາຍແມ່ນ ໄພນໍ້າຖ້ວມທີ່ເກີດຂຶ້ນໃນລະຫວ່າງທ້າຍເດືອນກໍລະກົດ ຫາ ເດືອນກັນຍາ ໂດຍມີລົມພະຍຸດິເປຣຊັນ, ພະຍຸໂພດູ ແລະ ຄາຈິກີ ໄດ້ພັດຜ່ານເຂົ້າມາ ສປປ ລາວ ເຮັດໃຫ້ 7 ແຂວງ ໄດ້ຮັບຜົນກະທົບຢ່າງໜັກໜ່ວງຄື: ແຂວງຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ, ອັດຕະປື ແລະ ແຂວງ ຫລວງພະບາງ ໄດ້ສົ່ງຜົນກະທົບໂດຍກົງຕໍ່ສຸຂະພາບ, ຊີວິດ, ຊັບສິນຂອງປະຊາຊົນ ໃນຈໍານວນ 45 ເມືອງ, 1.534 ບ້ານ, 154.359 ຄອບຄົວ, ໃນນັ້ນມີຜູ້ເສຍຊີວິດ 19 ຄົນ ແລະ ສູນຫາຍ 1 ຄົນ ແລະມີມູນຄ່າເສຍຫາຍປະມານ 1.458 ຕື້ກີບ.

ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ - Wave100S AD to Website 2020 0 - ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ

    ຂະນະດຽວກັນກໍມີເຫດການແຜ່ນດິນໄຫວເກີດຂຶ້ນຢູ່ ແຂວງໄຊຍະບູລີ ໃນເດືອນພະຈິກຜ່ານມານີ້ມີຄວາມແຮງສັ່ນສະເທືອນ 6,4 ຣິກເຕີ ເຊິ່ງໄດ້ສ້າງຄວາມເສຍຫາຍຢູ່ 4 ເມືອງຄື: ເມືອງໄຊສະຖານ, ເມືອງພຽງ, ເມືອງໄຊຍະບູລີ ແລະ ເມືອງຫົງສາ ລວມມີ 30 ບ້ານ, 321 ຄອບຄົວ, ວັດ 12 ແຫ່ງ, ໂຮງຮຽນ 15 ແຫ່ງ, ໂຮງໜໍຊຸມຊົນ ແລະ ໂຮງໝໍນ້ອຍ 7 ແຫ່ງ, ສໍານັກງານລັດ 15 ແຫ່ງໃນນັ້ນ ມີຜູ້ບາດເຈັບ 10 ຄົນ ລວມມູນຄ່າເສຍຫາຍທັງໝົດ 1,8 ຕື້ກີບ ແລະ ຍັງມີເຫດການລະບາດຂອງພະຍາດສັດ ແລະ ການທໍາລາຍຂອງສັດຕູພືດເຊັ່ນ: ການລະບາດຂອງພະຍາດ ອະຫິວາໝູອາຟຣິກາ ໃນ 100 ກວ່າບ້ານຂອງ 42 ຕົວເມືອງ ລວມມີໝູຕາຍ ແລະ ໄດ້ຂ້າທໍາລາຍຖິ້ມ 14.200 ກວ່າໂຕ, ການລະບາດຂອງບົ້ງຝູງສາລີຢູ່ 692 ກວ່າບ້ານຂອງ 59 ເມືອງ ເຊິ່ງມີເນື້ອທີ່ປູກສາລີ 104.730 ເທົ່າກັບ 83% ຂອງເນື້ອທີ່ທັງໝົດຖືກທຳລາຍ ໃນນັ້ນ 40.755 ເຮັກຕາໄດ້ຮັບຜົນກະທົບ, ການລະບາດຂອງຕັກແຕນຝູງຢູ່ 5 ແຂວງພາກເໜືອ ໄພແຫ້ງແລ້ງຢູ່ແຂວງບໍ່ແກ້ວ ແລະ ຜົ້ງສາລີ ສົ່ງຜົນກະທົບຕໍ່ 5 ເມືອງ, 67 ບ້ານ ລວມມີມູນຄ່າເສຍຫາຍ 1 ຕື້ກວ່າກີບ.

ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ - WhatsApp Image 2020 05 27 at 5 - ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ
ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ - WhatsApp Image 2020 05 27 at 5 - ໄພພິບັດໃນປີ 2019 ສົ່ງຜົນໃຫ້ມີຜູ້ເສຍຊີວິດ 27 ຄົນ
error: Alert: ເນື້ອຫາຂ່າວມີລິຂະສິດ !!