ທຸລະກິດໜັງສືພິມ

ທຸລະກິດໜັງສືພິມ - 48 - ທຸລະກິດໜັງສືພິມ
ທຸລະກິດໜັງສືພິມ - Untitled design - ທຸລະກິດໜັງສືພິມ

ລູກເມືອງພວນ

ໃນຍຸກ ດີຈິຕອນນີ້, ໜັງສືພິມຫຼຸດລົງ, ການໂຄສະນາກໍຖືກແກ້ງແຍ້ງແຂ່ງຂັນຢ່າງໜັກຈາກບໍລິສັດຍັກໃຫ່ຍເຊັ່ນ ກູເກິນ, ເຟສບຸກ…ໜັງສືພິມພົບຄວາມຫຍຸ້ງຍາກໃນການຊອກຫາຊ່ອງທາງທຸລະກິດໃໝ່. NYT ໃຫ້ຮູ້ວ່າ ເສັ້ນທາງແຫ່ງການພັດທະນາທີ່ຫຼາຍສຳນັກຂ່າວໜັງສືພິມໃຫ້ຄວາມສົນໃຈໃນປັດຈຸບັນກໍຄື: ການຂຽນຂ່າວຕ້ອງມີຄຸນນະພາບສູງ, ສ້າງລາຍຮັບຈາກຜູ້ອ່ານ.

ປະລິນຍາເອກ ບຸ່ຍ ຈີ ຈຸງ ໃຫ້ຮູ້ວ່າ: ເສດຖະກິດໜັງສືພິມແມ່ນການເຄື່ອນໄຫວເສດຖະກິດຂອງບັນດາສຳນັກຂ່າວສານໃນຂະບວນວິວັດແຫ່ງການນຳໃຊ້ຄົນ, ພື້ນຖານວັດຖຸ, ເຕັກນິກ, ການເງິນ…ເພື່ອໃຫ້ໄດ້ມາໝາກຜົນສູງສຸດຂອງສຳນັກຂ່າວສານເວົ້າສະເພາະ, ອຸດສາຫະກຳໂທລະຄົມເວົ້າລວມ.

ຄວາມສຳນຶກກ່ຽວກັບການຈຳໜ່າຍໜັງສືພິມກໍຖືກປ່ຽນແປງໄປ. ການຈຳໜ່າຍໜັງສືພິມກ່ອນໜ້ານີ້ແມ່ນຂະບວນການນຳເອົາໜັງສືພິມຈາກໂຮງພິມໄປສູ່ຜູ້ອ່ານ(ອາດຈະສົ່ງໄປຕາມໂຮງໄປສະນີ, ຕາມຮ້ານຂາຍໜັງສືພິມ, ມີພະນັກງານນຳສົ່ງໃຫ້ເຖິງເຮືອນ…) ແຕ່ມາເຖິງປັດຈຸບັນນີ້ການຈຳໜ່າຍໜັງສືພິມແມ່ນໝາຍເຖິງການສົ່ງຂໍ້ມູນຂ່າວສານໄປເຖິງເພື່ອນຜູ້ອ່ານດ້ວຍສະພາບແວດລ້ອມດີຈິຕອນ ເຊັ່ນວ່າເຂົ້າຫາເວບໄຊ ເພື່ອອ່ານຂ່າວ ຫຼື ອາດຈະອ່ານຂ່າວຢູ່ໃນຄອມພິວເຕີໃນລັກສະນະຮູບພາບ, ສົ່ງເນື້ອຫາໂດຍຜ່ານທາງ ອີເມວ, ຂໍ້ຄວາມ…

ພາບລວມກ່ຽວກັບເສດຖະກິດໜັງສືພິມໃນທົ່ວໂລກໃນປັດຈຸບັນເວົ້າລວມແມ່ນບໍ່ມີອະນາຄົດສົດໃສປານໃດ. ອີງຕາມຂໍ້ມູນຂອງ ແພວ ໃຫ້ຮູ້ວ່າ ໃນໄລຍະ 10 ປີຫຼັງມານີ້, ຈຳນວນບຸກຄະລາກອນໃນຂົງເຂດໜັງສືພິມ ແລະ ຜະລິດສື່ໃນສະຫະລັດອາເມລິກາ(ໜັງສືພິມ, ວິທະຍຸກະຈາຍສຽງ, ໂທລິພາບ, ຈົດໝາຍເອເລັກໂຕຣນິກ…ນັບທັງຜູ້ສ້າງວີດິໂອ, ສ້າງຮູບເງົາ…)ຫຼຸດລົງ 28.000 ຄົນ, ຈາກ 114.000 ຄົນໃນປີ 2008ມາເປັນ 86.000ຄົນ ໃນປີ 2018.

ທຸລະກິດໜັງສືພິມ - Wave100S AD to Website 2020 0 - ທຸລະກິດໜັງສືພິມ

Douglas McLennan ແລະ Jack Miles ຜູ້ຂຽນບົດຂ່າວລົງໃນໜ້າໜັງສືພິມ Washington Post ໃນເດືອນມີນາ 2018 ໃຫ້ຮູ້ວ່າປະລິມານໜັງສືພິມຢູ່ໃນອັງກິດປີ 2018 ຫຼຸດລົງ 200 ສະບັບເມື່ອທຽບໃສ່ປີ 2005. ນັບແຕ່ປີ 2010-2018 ຢູ່ການາດາຈຳນວນນັກຂ່າວຫຼຸດລົງ 30% , ໜັງສືພິມລາຍວັນ27 ສະບັບຕ້ອງຢຸດຕິການພິມຈຳໜ່າຍ. ໃນເມື່ອກ່ອນລາຍຮັບຕົ້ນຕໍແມ່ນໄດ້ມາຈາກການໂຄສະນາ ແຕ່ມາບັດນີ້ ກຳລັງຖືກແຍ້ງຊີງຈາກສື່ສັງຄົມອອນລາຍ ອັນໄດ້ເຮັດໃຫ້ລາຍຮັບຈາກການໂຄສະນາຫຼຸດລົງຈາກ 2,9 ຕື້ ມາເປັນ1,75 ຕື້ໂດລາຕະຫຼອດໄລຍະ 8 ປີນັບແຕ່ປີ 2010 ເປັນຕົ້ນມາ.

ຕໍ່ໜ້າສະຖານະການດັ່ງກ່າວ, ຮູບແບບທຸລະກິດໜັງສືພິມແບບໃໝ່ກຳລັງໄດ້ຮັບການທົດລອງຢູ່ໃນທົ່ວໂລກ ນັ້ນກໍຄືການເກັບເງິນຈາກຜູ້ອ່ານ, ຈາກການໂຄສະນາ, ເຊື່ອມຈອດລະຫ່ວາງນັກທຸລະກິດກັບອົງການຈັດຕັ້ງຂອງລັດຖະບານ, ນັກກົດໝາຍ, ຈາກການໂຄສະນາຂາຍສິນຄ້າ…

ທຸລະກິດໜັງສືພິມ - WhatsApp Image 2020 05 27 at 5 - ທຸລະກິດໜັງສືພິມ
ທຸລະກິດໜັງສືພິມ - WhatsApp Image 2020 05 27 at 5 - ທຸລະກິດໜັງສືພິມ
error: Alert: ເນື້ອຫາຂ່າວມີລິຂະສິດ !!