ລາວສະເຫຼີມສະຫຼອງວັນເດັກສາກົນດ້ວຍບັນຍາກາດຟົດຟື້ນ

- Untitled design - ລາວສະເຫຼີມສະຫຼອງວັນເດັກສາກົນດ້ວຍບັນຍາກາດຟົດຟື້ນ

- Children Day 1 - ລາວສະເຫຼີມສະຫຼອງວັນເດັກສາກົນດ້ວຍບັນຍາກາດຟົດຟື້ນ

ງານສະເຫຼີມສະຫຼອງວັນເດັກສາກົນ 1 ມິຖຸນາ  ໄດ້ໄຂຂຶ້ນຢ່າງຝົດຟື້ນໃນວັນທີ 31 ພຶດສະພາ ນີ້. ທີ່ສູນການຄ້າລາວ-ໄອເຕັກ ໂດຍການໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ປະທານ ຄະນະກໍາມາທິການແຫ່ງຊາດ ເພື່ອຄວາມກ້າວໜ້າຂອງແມ່ ແລະເດັກ, ມີຜູ້ປົກຄອງ, ຄູ-ອາຈານ, ແລະນ້ອງນັກຮຽນຕົວແທນຈາກໂຮງຮຽນຕ່າງໆອ້ອມຂ້າງ ນະຄອນຫຼວງວຽງຈັນເຂົ້າຮ່ວມເປັນຈໍານວນຫຼາຍ.

ທ່ານ ສີຫຸນ ສິດທິລືໄຊ ຮອງເຈົ້າຄອງນະຄອນຫຼວງວຽງຈັນ, ປະທານຄະນະກໍາມາທິການເພື່ອຄວາມກ້າວໜ້າຂອງແມ່ ແລະເດັກ ນະຄອນຫຼວງວຽງຈັນໄດ້ກ່າວຄໍາປາໃສໃນງານດັ່ງກ່າວວ່າ: ງານສະເຫຼີມສະຫຼອງວັນເດັກສາກົນນີ້ ສະແດງໃຫ້ເຫັນວ່າ ບັນດາທ່ານໄດ້ມີຄວາມເອົາໃຈໃສ່ຢ່າງຈົດຈໍ່ ຕໍ່ວຽກງານແມ່ ແລະເດັກ ທີ່ເປັນອານາຄົດຂອງຊາດ ແລະເປັນການໃຫ້ໂອກາດແກ່ເດັກໄດ້ເຂົ້າມາຮ່ວມໃນການສະແດງດ້ານພອນສະຫວັນ, ຄວາມຮູ້-ຄວາມສາມາດ, ກ້າຄິດ ແລະກ້າສະແດງອອກ. ງານມື້ນີ້ ສຸດທີ່ມີຄວາມສໍາຄັນຫຼາຍ ຊຶ່ງເປັນໂອກາດໜຶ່ງ ຕິດພັນກັບວັນປູກຕົ້ນໄມ້ແຫ່ງຊາດ, ວັນສາກົນລຶບລ້າງການໃຊ້ແຮງງານເດັກ 12 ມິຖຸນາ ແລະສັບປະດາສັກຢາກັນພະຍາດສາກົນ ປີ 2017 ຊຶ່ງຄະນະກໍາມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ ແລະແມ່-ເດັກ ນະຄອນຫຼວງວຽງຈັນ ໄດ້ຮ່ວມກັບພະແນກ ແລະກະຊວງສາທາລະນະສຸກ ຈັດງານສະເຫຼີມສະຫຼອງ “ສັບປະດາສັກຢາກັນພະຍາດສາກົນ” ຂຶ້ນໃນວັນທີ 30 ພຶດສະພາ ຜ່ານມານີ້ ທີ່ບ້ານໜອງສອງຫ້ອງ ເມືອງ ໄຊທານີ. ດັ່ງພວກເຮົາຮູ້ນໍາກັນແລ້ວວ່າ: ຍາມໃດ ພັກ-ລັດຖະບານເຮົາກໍໄດ້ໃຫ້ຄວາມຫຼາຍສໍາຄັນຕໍ່ ວຽກງານພັດທະນາເດັກ, ຊຶ່ງເປັນລຸ້ນຄົນສືບທອດຊາດ ດັ່ງນັ້ນ, ການປົກປ້ອງສິດ ແລະຜົນປະໂຫຍດຂອງເດັກ ແມ່ນໜ້າທີ່ຂອງທຸກພາກສ່ວນ, ໃນການປະຕິບັດພັນທະຕໍ່ສົນທິສັນຍາສາກົນ ໂດຍສະເພາະ ແມ່ນສົນທິສັນຍາວ່າດ້ວຍການລົບລ້າງທຸກຮູບການທີ່ຈໍາແນກຕໍ່ແມ່ຍິງ ແລະສົນທິສັນຍາວ່າດ້ວຍສິດເດັກ ( ການຢູ່ລອດ, ການພັດທະນາ, ການປົກປ້ອງ ແລະການມີສ່ວນຮ່ວມ) ລວມທັງອະນຸສັນຍາສອງສະບັບກ່ຽວກັບເດັກ ແລະການຈັດຕັ້ງຜັນຂະຫຍາຍ ແຜນຍຸດທະສາດແຫ່ງຊາດ, ແຜນງານແຫ່ງຊາດ ກ່ຽວກັບວຽກງານ ແມ່ ແລະເດັກ 5 ປີ (2016-2020).

- Wave100S AD to Website 2020 0 - ລາວສະເຫຼີມສະຫຼອງວັນເດັກສາກົນດ້ວຍບັນຍາກາດຟົດຟື້ນ

ໃນໂອກາດດຽວກັນນີ້ ທ່ານຮອງນາຍົກລະຖະມົນຕີ ກໍໄດ້ເຂົ້າຮ່ວມງານວາງສະແດງເບ້ຍໄມ້, ເນື່ອງໃນວັນປູກຕົ້ນໄມ້ແຫ່ງຊາດ, ຊຶ່ງມີຫຼາຍພາກສ່ວນເຂົ້າຮ່ວມ ແລະມີເບ້ຍໄມ້ທີ່ມີລາຄາແພງຫຼາຍປະເພດມາວາງສະແດງໃນງານດັ່ງກ່າວນີ້ ແຕ່ວັນທີ 25 ພຶດສະພາ-4 ມິຖຸນາ 2017 ທີ່ສູນການຄ້າລາວ-ໄອເຕັກເຊັ່ນກັນ.

- WhatsApp Image 2020 05 27 at 5 - ລາວສະເຫຼີມສະຫຼອງວັນເດັກສາກົນດ້ວຍບັນຍາກາດຟົດຟື້ນ
- WhatsApp Image 2020 05 27 at 5 - ລາວສະເຫຼີມສະຫຼອງວັນເດັກສາກົນດ້ວຍບັນຍາກາດຟົດຟື້ນ
error: Alert: ເນື້ອຫາຂ່າວມີລິຂະສິດ !!