ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ

ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ - ODX - ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ
ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ - Untitled design - ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ

   ເມື່ອບໍ່ດົນມານີ້, ສະຫາຍ ບຸນ​ທອງ ຈິດ​ມະນີ ກໍາ​ມະ​ການ​ກົມ​ການເມືອງສູນ​ກາງ​ພັກ, ຮອງ​ນາຍົກລັດຖະມົນຕີ, ປະທານ​ຄະນະ​ກວດກາ​ສູນ​ກາງ​ພັກ,ປະທານ​ອົງການ​ກວດກາ​ລັດຖະບານ ແລະຫົວໜ້າ​ອົງການ​ຕ້ານ​ການ​ສໍ້​ລາດ​ບັງ​ຫຼວງ​ຂັ້ນ​ສູນ​ກາງ, ໄດ້​ໄປ​ຢ້ຽມຢາມ ແລະ ຊຸກຍູ້​ວຽກ​ງານການ​ກະກຽມ​ກອງ​ປະຊຸມ​ໃຫຍ່ 3 ຂັ້ນ​ຂອງ​ພັກແລະ ວຽກງານ​ກໍ່ສ້າງ​ທາງ​ລົດໄຟລາວ​-​ຈີນຢູ່ແຂວງອຸດົມ​ໄຊ.

​ທ່ານຮອງນາຍົກ​ໄດ້​ຮັບ​ຟັງ​ການ​ລາຍ​ງານສະພາບ​ການ​ພັດທະນາ​ເສດ​ຖະ​ກິດ​-​ສັງຄົມ, ສະພາບ​ການ​ກະ​ກຽມ​ດໍາ​ເນີນກອງ​ປະຊຸມ​ໃຫຍ່ 3 ຂັ້ນຈາກ​ເຈົ້າແຂວງ​ອຸດົມ​ໄຊ​ວ່າ:ການ​ກະກຽມກອງ​ປະຊຸມ​ໃຫຍ່ 3 ຂັ້ນ​ຂອງ​ແຂວງອຸດົມ​ໄຊໄດ້ສໍາເລັດແລ້ວໂດຍພື້ນຖານ, ພ້ອມສຸມໃສ່ດໍາ​ເນີນ​ກອງ​ປະຊຸມ​ໃຫຍ່ອົງຄະ​ນະພັກ​ເມືອງ ທັງ​ໝົດ 7 ເມືອງຄື: ເມືອງຫລາ, ເມືອງ​ໄຊ,ເມືອງ​ປາກ​ແບງ, ເມືອງ​ແບງ, ເມືອງ​ຮຸນ, ເມືອງ​ງາ ແລະ ເມືອງ​ນາ​ໝໍ້.

  ສ່ວນ​ໂຄງການ​ກໍ່ສ້າງ​ທາງ​ລົດໄຟ​ລາວ​-​ຈີນ ມີ​ຄວາມ​ຍາວ​ທັງ​ໝົດ 409 ກິໂລແມັດ, ໃນນັ້ນ​ຜ່ານ​ແຂວງ​ອຸດົມ​ໄຊມີ 126,6 ກິໂລແມັດ​ປະກອບ​ມີ 9 ສະຖາ​ນີ້, ແຕ່​ໄລຍະ​ທໍາ​ອິດ​ແມ່ນ​ກໍ່ສ້າງ​ພຽງ 3 ສະຖາ​ນີ​ຄື: ສະຖານີ​ເມືອງ​ນາ​ໝໍ້, ສະຖານີ​ເມືອງ​ໄຊ ແລະ ເມືອງ​ງາ, ກໍ່ສ້າງ ຂົວໃໝ່ 60 ແຫ່ງ, ຄວາມ​ຍາວ​ລວມກວ່າ 12 ກິໂລແມັດ, ກວມ 10,02 % ​ຂອງຄວາມຍາວຜ່ານ​ແຂວງ​ອຸດົມ​ໄຊ, ມີ​ອຸ​ໂມງ 32ແຫ່ງ, ​ຍາວກວ່າ84 ກິໂລແມັດ, ກວມ 67,03% ຄວາມ​ຍາວ​ຜ່ານ​ແຂວງ​ອຸດົມ​ໄຊ.​ມາ​ຮອດ​ປັດຈຸ​ບັນ, ​ສາມາດ​ປະຕິບັດ​ໄດ້ 84,40%. ສາລັບວຽກການ​ໄກ່​ເກ່ຍ​ແກ້​ໄຂ​ບັນຫາ​ຂອງ​ໂຄງການໄດ້ສຳເລັດຟດຍພື້ນຖານ.

​  ໃນໂອກາດນີ້, ທ່ານ​ຮອງ​ນາຍົກລັດຖະມົນຕີ ໄດ້ໃຫ້​ກຽດ​ໂອ້​ລົມ​ຊີ້​ນຳ​ຕໍ່​ຄະນະ​ພັກ​-​ຄະ​ນະ​ນໍາຂອງ​ແຂວງທີ່​ໄດ້​ມີ​ຄວາມ​ຕັດສິນ​ໃຈ​ສູງ​ໃນ​ການ​ຊີ້​ນຳ​-​ນຳພາ​ວຽກງານ​ຮອບດ້ານ ໂດຍ​ສະເພາະ​ແມ່ນ​ຈັດ​ຕັ້ງ​ປະຕິບັດ​ແຜນ​ພັດທະນາ​ເສດ​ຖະ​ກິດ​-​ສັງຄົມ ແລະການ​ກະກຽມ​ກອງ​ປະຊຸມ ໃຫຍ່ 3 ຂັ້ນ, ນອກຈາກ​ນີ້​ກໍໄດ້​ເນັ້ນ​ໃຫ້​ອົງການ​ປົກຄອງ​ແຕ່​ລະ​ຂັ້ນ​ຈົ່ງພ້ອມ​ກັນ​ສືບຕໍ່​ນຳ​ພາ​ການ​ພັດທະ​ນາ​ຕາມ​ຂອບ​ເຂດ​ຄວາມ​ຮັບຜິດຊອບ​ຂອງ​ຕົນໃຫ້​ມີ​ຄວາມ​ກ້າວໜ້າ​ຢ່າງ​ເປັນ​ຮູບ​ປະ​ທຳ. ຕໍ່​ກັບ​ການ ກະກຽມ​ກອງ​ປະຊຸມ 3 ຂັ້ນ​ແມ່ນ​ໃຫ້​ສຸມໃສ່​ສາມ​ວຽກ​ໃຫຍ່​ຄື: ໜຶ່ງວຽກ​ງານ​ຊຸກຍູ້​ຂະບວນ​ການ​ແມ່ນໃຫ້​ຕິດ​ພັນກັບ​ຂະ ບວນ​ການ​ແຂ່ງຂັນ​ຮັກ​ຊາດແລະ ພັດທະນາ​ ໂດຍ​ສະເພາະ​ແມ່ນ​ການ​ແຂ່ງຂັນ​ລຶບ​ລ້າງຄວາມທຸກຍາກ​ຂອງ​ປະຊາຊົນ, ສໍາ​ລັບ​ອົງການ​ລັດ​ແມ່ນສ້າງ​ຂະບວນ​ການ​ປະຕິບັດ​ລະບຽບ​ກົດໝາຍ, ການ​ແຂ່ງຂັນກັນ​ປະຕິບັດ​ໜ້າທີ່​ວິຊາ​ສະເພາະ ແລະ ຄາດໝາຍ​ສູ້​ຊົນ.ສອງດ້ານ​ເນື້ອ​ໃນ​ຕ້ອງ​ກະກຽມ ບົດ​ລາຍ​ງານການເມືອງ, ແຜນ​ພັດທະນາ​ເສດ​ຖະ​ກິດ​-​ສັງຄົມ, ບົດ​ສຳຫຼວດ​ການ​ນຳພາ​ລວມ​ຂອງ​ຄະນະພັກ​ຕ້ອງ​ຕີ​ລາຄາ​ໃຫ້​ຖືກຕ້ອງ ແລະວາງ​ທິດ​ທາງ​ຕໍ່ໜ້າ​ໃຫ້​ແທດ​ຕົວ​ຈິງ​ຂອງ​ແຂວງ.ສາມການ​ກະກຽມ​ບຸກ​ຄະລາ​ກອນ​ຕ້ອງໄດ້​ມີ​ການ​ດຳເນີນ​ຊີວິດ​ການເມືອງ​ສຳຫຼວດ​ກວດກາ ສະມາຊິກ​ພັກ, ພະນັກງານ​ໃຫ້​ເລິກເຊິ່ງ​ຕິດ​ພັນ​ກັບຄວາມ​ຮັບຜິດຊອບ​ຂອງ​ສະມາຊິກ​ພັກ​ແຕ່​ລະສະ​ຫາຍ; ໂຄງ​ປະກອບ​ຂອງ​ບຸກ​ຄະ​ລາ​ກອນໃຫ້​ຮັບປະກັນ​ທາງ​ດ້ານ​ມາດຖານ, ເງື່ອນໄຂ ແລະປະຕິບັດ​ຕາມ​ທິດ​ຫັນ​ເປັນ​ໜຸ່ມ, ເພດ, ເຜົ່າໃຫ້​ສົມສ່ວນ​ໃນ​ແຕ່​ລະ​ຂົງເຂດ​ວຽກ​ງານ.ພ້ອມ​ກັນ​ນີ້​ໃຫ້​ຮີບ​ຮ້ອນ​ປະ​ເມີນ​ການຈັດຕັ້ງ​ປະຕິບັດ​ກົດ​ລະບຽບ​ຂອງ​ພັກ​ສະໄໝ​ທີ X ແລ້ວ​ລາຍ​ງານ​ຕໍ່​ສູນ​ກາງ​ໃຫ້​ຮັບ​ຊາບ.

ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ - Wave100S AD to Website 2020 0 - ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ

       ສ່ວນ​ການ​ກໍ່ສ້າງ​ທາງ​ລົດໄຟ​ລາວ​-​ຈີນທ່ານ​ໄດ້​ເນັ້ນ​ໜັກ​ໃຫ້​ຄະນະ​ຮັບຜິດຊອບ​ເອົາໃຈໃສ່ໃນ​ການ​ຄົ້ນຄວ້າ​ເບິ່ງ​ຄວາມ​ເໝາະ​ສົມ​ໃນ​ການ​ສະໜອງ​ເນື້ອທີ່​ກໍ່ສ້າງ​ສະຖານີທັງ 3 ແຫ່ງ (ສະຖານີ​ນາ​ໝໍ້, ສະຖານີ​ເມືອງ​ງາ, ສະຖານີ​ເມືອງ​ໄຊ)ໃຫ້​ເໝາະ​ສົມ ໂດຍ​ສະເພາະ​ສະຖານີ ເມືອງ​ໄຊ ແລະ ນາ​ໝໍ້ແລ້ວ​ລາຍ​ງານ​ໃຫ້​ຂັ້ນ​ເທິງ​ເພື່ອ​ພິຈາລະນາ; ຮີບ​ຮ້ອນ​ຄົ້ນຄວ້າ​ການ​ຊົດ​ເຊີຍ​ຕໍ່​ປະຊາຊົນ​ຜູ້​ທີ່ໄດ້​ຮັບ​ຜົນ​ກະທົບ​ໃນ​ບັນດາ​ຈຸດ​ທີ່​ຍັງ​ຄ້າງ​ຄາໃຫ້​ເໝາະ​ສົມ​ກັບ​ຄວາມ​ເປັນ​ຈິງເພື່ອ​ໃຫ້​ໂຄງການ​ສາ​ມາດ​ດໍາ​ເນີນ​ໄປ​ຢ່າງ​ສະດວກ ແລະ ຕໍ່່​ເນື່ອງ.
   ໂອກາດ​ນີ້​, ທ່ານ​ຮອງ​ນາຍົກລັດຖະມົນຕີໄດ້​ເດີນທາງ​ຢ້ຽມຢາມກວດກາ​ການ​ກໍ່ສ້າງ​ຕົວ​ຈິງ​ຢູ່​ສະຖານີ​ນາ​ໝໍ້ ແລະສະຖານີ​ເມືອງ​ໄຊ​ອີກດ້ວຍ.

ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ - WhatsApp Image 2020 05 27 at 5 - ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ
ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ - WhatsApp Image 2020 05 27 at 5 - ສະຫາຍ ບຸນທອງ ຈິດມະນີ ເຄື່ອນໄຫວຊີ້ນໍາວຽກງານຢູ່ແຂວງອຸດົມໄຊ
error: Alert: ເນື້ອຫາຂ່າວມີລິຂະສິດ !!