ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ

ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ - lao - ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ
ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ - Untitled design - ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ

     ລັດຖະມົນຕີ​ກະຊວງ​ພະລັງງານ ​ແລະ ບໍ່​ແຮ່ ຢັ້ງຢືນ​ວ່າ: ຈະ​ເພີ່ມ​ທະວີ​ການ​ກວດກາ ​ແລະ ຄຸ້ມ​ຄອງ​ບັນດາ​ເຂື່ອນ​ພາຍ​ໃນ​ປະ​ເທດ​ໃຫ້​ຮັບປະກັນ​ດ້ານ​ຄຸນ​ນະພາ​ບ, ມີຄວາມ​ປອດ​ໄພ ​ແລະ ມີ​ປະສິດທິ​ຜົນ​ສູງ​ສຸດ ​ເຊິ່ງປັດຈຸບັນ​ໄດ້​ແຕ່ງຕັ້ງຄະນະ​ກຳມະການ​ຄຸ້ມ​ຄອງ​ຄວາມ​ປອດ​ໄພ​ຂອງ​ເຂື່ອນ ​ເຊິ່ງປະກອບ​ມີ​ຕົວ​ແທນ​ຈາກ​ຫລາຍ​ຂະ​ແໜງ​ ​ເພື່ອ​ຕິດຕາມ​ກວດກາ​ການ​ກໍ່ສ້າງ​ເຂື່ອນ ນັບ​ແຕ່​ຂອດ​ການ​ສຶກສາ​ສຳ​ຫລວດ, ການ​ອອກ​ແບບ, ກວດກາ​ບັນດາ​ເອກະສານ​ໂຄງການ, ກວດກາ​ພາກ​ສະໜາມ​ຢ່າງ​ເປັນ​ລະບົບ​ຄົບ​ຊຸດ ພ້ອມ​ທັງ​ສະ​ເໜີ​ວິທີ​ແກ້​ໄຂ​ໃນ​ກໍລະນີ​ທີ່​ພົບ​ເຫັນ​ບັນຫາ​ຕ່າງໆໃຫ້​ທັນ​ການ, ພ້ອມ​ທັງ​ປັບປຸງ​ກົນ​ໄກ​ການ​ຄຸ້ມ​ຄອງ​ດ້ານ​ຄວາມ​ປອດ​ໄພ​ຂອງ​ເຂື່ອນ​ໃຫ້​ມີ​ຄວາມ​ໜາ​​ແໜ້ນ ​ແລະ ຮັບປະກັນ​ຄຸນ​ນະພາ​ບ ​ແນ​ໃສ່​ສ້າງ​ມາດຕະຖານ​ດ້ານ​ຄວາມ​ປອດ​ໄພ​ໃຫ້​ຕິດ​ພັນ​ກັບ​ຄວາມ​ຍືນ​ຍົງ​ໃນ​ການ​ພັດທະນາ​ຂະ​ແໜງ​ພະລັງງານ​ໄຟຟ້າ​ຢູ່​ປະ​ເທດ​ເຮົາ.

     ທ່ານ​ລັດຖະມົນຕີ​ກະຊວງ​ດັ່ງກ່າວ ​ໃຫ້​ຮູ້​ວ່າ: ປັດຈຸບັນ ທົ່ວ​ປະ​ເທດ​ມີ​ເຂື່ອນ​ທີ່​ດຳ​ເນີນ​ການ​ຜະລິດ​ກະ​ແສ​ໄຟ 73 ​ແຫ່ງ ລວມມີ​ກໍາລັງ​ຕິດຕັ້ງ 9.531 ​ເມ​ກາ​ວັດ, ສາມາດ​ຜະລິດ​ກະ​ແສ​ໄຟຟ້າ​ໄດ້​ຫລາຍ​ກວ່າ 50 ຕື້ກິ​ໂລ​ວັດ​ໂມງ​ຕໍ່​ປີ ​ໃນ​ນີ້​ສົ່ງ​ຂາຍ​ໃຫ້​ຕ່າງປະ​ເທດ​ເກືອບ 6.000 ​ເມ​ກາ​ວັດ. ສະ​ເພາະ​ປີ​ນີ້​ມີ 12 ​ເຂື່ອນ​ໄດ້​ຮັບ​ການ​ກໍ່ສ້າງ​ສຳ​ເລັດ ​ແລະ ສາມາດ​ຜະລິດ​ກະ​ແສ​ໄຟຟ້າ​ໄດ້​ແລ້ວ ​ເປັນຕົ້ນ​ເຂື່ອນ​ໄຟຟ້າ​ນ້ຳຂອງ​​ໄຊ​ຍະ​ບູລີ, ​ເຂື່ອນ​ນ້ຳງຽບ 1, ​ເຊ​ປຽນ-​ເຊ​ນ້ຳນ້ອຍ, ດອນ​ສະ​ຮົງ ​ແລະ ​ໂຄງການ​ອື່ນໆ. ພ້ອມນີ້ຍັງ​ມີ 27 ​ແຫ່ງ​ພວມ​ດຳ​ເນີນ​ການ​ກໍ່ສ້າງ ​ເຊິ່ງຄາດ​ວ່າ​ຈະ​ສຳ​ເລັດ​ໃນ​ປີ 2020-2021 ນີ້.

ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ - Wave100S AD to Website 2020 0 - ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ
ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ - WhatsApp Image 2020 05 27 at 5 - ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ
ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ - WhatsApp Image 2020 05 27 at 5 - ລາວ​ຈະ​ເອົາ​ໃຈ​ໃສ່​ຄຸ້ມ​ຄອງ​ເຂື່ອນ​ໃຫ້​ມີ​ປະສິດທິ​ຜົນກວ່າ​ເກົ່າ
error: Alert: ເນື້ອຫາຂ່າວມີລິຂະສິດ !!