ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ

ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ - 80668927 830974890684643 6461062974323818496 o - ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ
ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ - Untitled design - ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ

      ກອງປະຊຸມລິເລີ່ມການຈັດຕັ້ງປະຕິບັດໂຄງການສົ່ງເສີມລະບົບຕ່ອງໂສ້ການຜະລິດກະສິກໍາເປັນສິນຄ້າທີ່ເປັນມິດກັບສິ່ງແວດລ້ອມ (ຄສກສ) ໄດ້ຈັດຂຶ້ນໃນວັນທີ 30 ທັນວານີ້ ທີ່ພະແນກກະສິກໍາ-ປ່າໄມ້ແຂວງເຊກອງ ໂດຍການເປັນປະທານຂອງທ່ານ ເຫຼັກໄຫຼ ສີວິໄລ ຮອງເຈົ້າແຂວງເຊກອງ, ປະທານຊີ້ ນໍາໂຄງການດັ່ງກ່າວຂັ້ນແຂວງ ​ແລະ ມີຜູ້ປະສານງານໂຄງການຈາກ 5 ແຂວງຄື: ນະຄອນຫຼວງວຽງຈັນ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກເຂົ້າຮ່ວມນຳ​ດ້ວຍ.

ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ - 81037115 830974987351300 8124791961715474432 o - ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ

      ຜູ້ປະສານງານໂຄງການ ຄສກສ ແຂວງເຊກອງ ກ່າວ​ໃນ​ກອງ​ປະຊຸມວ່າ: ໂຄງການນີ້ເປັນອີກໂຄງການໜຶ່ງທີ່ໄດ້ຮັບທຶນຊ່ວຍເຫຼືອລ້າຈາກທະນາຄານພັດທະນາອາຊີ (ADB) ຊຶ່ງຈະໄດ້ຈັດຕັ້ງປະຕິບັດຢູ່ 6 ແຂວງຄື: ນະຄອນຫຼວງວຽງຈັນ, ຄໍາມ່ວນ, ສະຫວັນນະເຂດ, ສາລະວັນ, ຈໍາປາສັກ ແລະ ແຂວງເຊກອງ ​ເພື່ອຊ່ວຍສະໜັບສະໜູນການຈັດຕັ້ງປະຕິບັດແຜນຍຸດທະສາດກະສິກໍາ ແລະ ປ່າໄມ້ຮອດປີ 2025 ແລະ ວິໃສທັດ 2030 ເປັນຕົ້ນແມ່ນສົ່ງເສີມການປັບປຸງຂອດການຜະລິດເຂົ້າ ແລະ ພືດຜັກເປັນສິນຄ້າ ໂດຍມີເປົ້າໝາຍແນໃສ່ພັດທະນາການຜະລິດຕາມລະບົບຕ່ອງໂສ້ໃຫ້ມີຄວາມຫຼາກຫຼາຍ ສາມາດຕອບສະໜອງໄດ້ຕາມຄວາມຕ້ອງການ ແລະ ແຜນງານຜະລິດສິນຄ້າຂອງລັດຖະບານວາງ​ອອກ ​ແນ​ໃສ່ປັບປຸງພື້ນຖານໂຄງລ່າງດ້ານກະສິກໍາໃຫ້ມີຄວາມທົນທານຕໍ່ສະພາບການປ່ຽນແປງດິນຟ້າອາກາດ; ໃຫ້ຄວາມຊ່ວຍເຫຼືອໃນການສ້າງຄວາມອາດສາມາດກ່ຽວກັບການປຸງແຕ່ງ, ການເກັບຮັກສາ, ການກວດກາຄຸນນະພາບການຜະລິດກະສິກໍາ, ສົ່ງເສີມການນໍາໃຊ້ຝຸ່ນຊີວະພາບ ແລະ ການຜະລິດກະສິກໍາອິນຊີ; ສ້າງຄວາມເຂັ້ມແຂງໃຫ້ວິຊາການ ແລະ ອົງການຈັດຕັ້ງທີ່ກ່ຽວຂ້ອງກັບການຜະລິດກະສິກໍາ, ພ້ອມສ້າງສະພາບແວດລ້ອມທີ່ອໍານວຍໃຫ້ແກ່ທຸລະກິດກະສິກໍາທີ່ເປັນມິດກັບສິ່ງແວດລ້ອມ ເພື່ອສົ່ງເສີມການປົກປັກຮັກສາສິ່ງແວດລ້ອມ, ເພີ່ມລາຍໄດ້ໃຫ້ແກ່ຊາວກະສິກອນ ແລະ ຜູ້ປະກອບການທາງດ້ານທຸລະກິດກະສິກໍາໃຫ້ມີຄວາມຍືນຍົງ.

     ທ່ານ ບຸນສົ່ງ ລໍາມະຍົດ ຜູ້​ປະສານ​ງານ​ໂຄງການ​ແຂວງ​ເຊ​ກອງ ໃຫ້ຮູ້ອີກວ່າ: ສະເພາະແຂວງເຊກອງ ແມ່ນໄດ້ກໍານົດເອົາ 2 ເມືອງ 24 ບ້ານຄື: ເມືອງທ່າແຕງ 9 ບ້ານ, ເມືອງດາກຈຶງມີ 15 ບ້ານ.

ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ - Wave100S AD to Website 2020 0 - ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ
ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ - WhatsApp Image 2020 05 27 at 5 - ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ
ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ - WhatsApp Image 2020 05 27 at 5 - ເລີ່ມປະຕິບັດໂຄງການສົ່ງເສີມລະບົບຕ່ອງໂສ້ ການຜະລິດກະສິກໍາເປັນສິນຄ້າ
error: Alert: ເນື້ອຫາຂ່າວມີລິຂະສິດ !!