ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ

ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ - 85 - ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ
ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ - Untitled design - ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ

      ພາຍຫລັງລັດຖະບານ ໄດ້ອອກຂໍ້ຕົກລົງແບ່ງຕົວເລກລັດຖະກອນໃໝ່ ປະຈໍາປີ 2020 ຈໍານວນ 2.000 ຄົນຮຽບຮ້ອຍແລ້ວ ໂດຍແມ່ນກະຊວງ ສຶກສາທິການ ແລະ ກິລາ ແລະ ກະຊວງ ສາທາລະນະສຸກ ໄດ້ຮັບໂກຕ້າຫລາຍກ່ວາໝູ່.

​ ຕໍ່​ບັນຫາ​ດັ່ງກ່າວ​ນີ້, ທ່ານຫົວໜ້າກົມຄຸ້ມຄອງລັດຖະກອນ ກະຊວງພາຍໃນ ໃຫ້ຮູ້ວ່າ: ແຕ່ລະປີພາຍຫລັງລັດຖະບານໄດ້ອອກຂໍ້ຕົກລົງວ່າດ້ວຍການແບ່ງຕົວເລກລັດຖະກອນໃໝ່, ກະຊວງພາຍໃນ ໄດ້ອອກຄໍາແນະນໍາຈັດຕັ້ງປະຕິບັດເພື່ອເປັນບ່ອນອີງໃຫ້ບັນດາກະຊວງ, ອົງການລັດທຽບເທົ່າກະຊວງ ແລະ ອົງການປົກຄອງທ້ອງຖິ່ນຈັດຕັ້ງປະຕິບັດຕາມຮ່າງແຜນແຈກຢາຍ ແລະ ບັນຈຸລັດຖະກອນໃໝ່ໃຫ້ຖືກຕ້ອງ ແລະ ສອດຄ່ອງຕາມວິຊາສະເພາະ, ສ່ວນຂະບວນການສອບເສັງແມ່ນປະຕິບັດຕາມຄໍາແນະນໍາເລກທີ 11/ພນ, ລົງວັນທີ 7 ກັນຍາ 2016 ກ່ຽວກັບການສອບເສັງເຂົ້າເປັນລັດຖະກອນ ໂດຍປະຕິບັດຕາມຫລັກການ ແລະ ຂັ້ນຕອນ ເປັນຕົ້ນ: ແຕ່ງຕັ້ງຄະນະຊີ້ນໍາລວມ ແລະ ຄະນະວິຊາການຮັບຜິດຊອບການສອບເສັງ, ຄັດເລືອກລັດຖະກອນຂັ້ນກະຊວງ, ຂັ້ນແຂວງ ແລະ ຂັ້ນເມືອງ ເພື່ອຈັດຕັ້ງການສອບເສັງຕາມລະບຽບການ ນັບແຕ່ການປະກາດຮັບສະໝັກ, ການຄັດເລືອກຟອມສະໝັກ, ການຈັດການສອບເສັງ ແລະ ການພິຈາລະນາປະກາດຜົນການສອບເສັງ, ສ່ວນຢູ່ຂັ້ນທ້ອງຖິ່ນໄດ້ມອບໃຫ້ພະແນກພາຍໃນແຂວງເຂົ້າຮ່ວມ ແລະ ຕິດຕາມກວດກາຂະບວນການສອບເສັງ.

ພາຍຫລັງສອບເສັງຄັດເລືອກລັດຖະກອນໃໝ່ສໍາເລັດ, ປະຫວັດລັດຖະກອນໃໝ່ທຸກຂະແໜງການ ຕ້ອງມາຜ່ານກະຊວງ ພາຍໃນ ເພື່ອກວດກາຄືນວ່າການບັນຈຸສັບຊ້ອນຖືກຕາມວິຊາສະເພາະຫລືບໍ່. ຄຽງ​ຄູ່​ກັນນັ້ນ ກໍ​ເຫັນ​ວ່າ​ຍັງ​ພົບຂໍ້ຫຍຸ້ງຍາກໃນການຕິດຕາມກວດກາການຄັດເລືອກລັດຖະ ກອນໃໝ່ຄື: ກົມຄຸ້ມຄອງລັດຖະກອນເຮັດໜ້າທີ່ຄຸ້ມຄອງມະຫາພາກ ​ແລະ ມີ​ບຸກຄະລາ​ກອນ​ຈຳກັດ ຈິ່ງເຮັດໃຫ້ບໍ່ສາມາດສົ່ງພະນັກງານລົງໄປຕິດຕາມກວດກາ ຫລື ເປັນຄະນະກໍາມະການຕົວຈິງໃນການສອບເສັງຄັດເລືອກລັດຖະກອນໃໝ່ຂອງບັນດາກະຊວງ-ອົງການ ແລະ ທ້ອງຖິ່ນໄດ້ ຈຶ່ງ​ເຮັດ​ໃຫ້​ເກີດມີສຽງຈົ່ມວ່າຈາກສັງຄົມກ່ຽວກັບການຄັດເລືອກລັດຖະກອນໃໝ່ວ່າບໍ່ໂປ່ງໃສ ແລະ ບໍ່ຍຸຕິທໍາ, ຜູ້ທີ່ເສັງໄດ້ ແລະ ໄດ້ເຮັດວຽກນໍາລັດສ່ວນຫລາຍແມ່ນລູກຫລານພະນັກງານການນໍາ ແລະ ຜູ້ມີເງິນ, ສ່ວນລູກຫລານປະຊາຊົນ, ຜູ້ທຸກຍາກບໍ່ໄດ້ເຮັດວຽກນໍາລັດ, ມີນັກສຶກສາຮຽນຈົບມາຈໍານວນຫລາຍໃນແຕ່ລະປີບໍ່ມີວຽກເຮັດ ເຮັດໃຫ້ເກີດປະກົດການຫຍໍ້ທໍ້ໃນສັງຄົມ.

ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ - Wave100S AD to Website 2020 0 - ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ

ສະນັ້ນ ເພື່ອຮັບປະກັນໃຫ້ວຽກງານຄຸ້ມຄອງລັດຖະກອນຖືກຕ້ອງຕາມຫລັກການ, ສະເໝີພາບ, ໂປ່ງໃສ ແລະ ຍຸຕິທໍາ, ຫລີກເວັ້ນການສອບເສັງແບບຮູບການ, ຈຸ້ມເຈື້ອ, ຊື້ຈ້າງ, ວິ່ງເຕັ້ນໃຫ້ເຂົ້າເປັນລັດຖະກອນ ແລະ ອື່ນໆ ຄະນະພັກ, ຄະນະນໍາແຕ່ລະຂັ້ນຕ້ອງເພີ່ມທະວີຄວາມຮັບຜິດຊອບ ແລະ ເປັນເຈົ້າການຊີ້ນໍາ, ນໍາພາ ແລະ ຕິດຕາມຂະບວນການສອບເສັງລັດຖະ ກອນໃໝ່ໃຫ້ຖືກຕ້ອງຕາມລະບຽບການທຸກຢ່າງ, ການບັນຈຸລັດຖະກອນໃໝ່ຂອງບັນດາຂະແໜງການຕ້ອງຜ່ານຂະ ບວນການສອບເສັງ, ເລືອກເຟັ້ນເອົາຜູ້ມີເງື່ອນໄຂ, ມີຄວາມຮູ້ຄວາມສາມາດທີ່ສົມຄູ່ກັບຕໍາແໜ່ງງານ, ສອດຄ່ອງກັບວິຊາສະເພາະ ແລະ ສອດຄ່ອງກັບລະບຽບກົດໝາຍທີ່ກໍານົດໄວ້ທຸກຢ່າງ ແລະ ອື່ນໆ.

ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ - WhatsApp Image 2020 05 27 at 5 - ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ
ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ - WhatsApp Image 2020 05 27 at 5 - ຮຽກຮ້ອງ​ໃຫ້​ທຸກຂະ​ແໜງ​ສອບ​ເສັງຄັດເລືອກລັດຖະກອນໃໝ່ດ້ວຍ​ຄວາມ​ໂປ່​ງ​ໃສ ​ແລະ ຍຸຕິ​ທຳ
error: Alert: ເນື້ອຫາຂ່າວມີລິຂະສິດ !!