ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ

ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ - 22 - ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ
ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ - Untitled design - ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ

ບໍລິສັດ ລ້ານຊ້າງ ມີເນໂຣນລີມິເຕັດ ບໍ່ຄຳ-ທອງ ເຊໂປນ ໄດ້ມອບເງິນອາກອນກຳໄລລ່ວງໜ້າ ສົກປີ 2019 ຈໍານວນ 2 ລ້ານໂດລາສະຫະລັດ ໃຫ້ລັດຖະບານລາວ ເພື່ອເປັນການປະກອບ ສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດ, ເຊິ່ງຕາມສັນຍານັ້ນ ອາກອນກຳໄລດັ່ງກ່າວແມ່ນຈະໄດ້ມອບໃຫ້ລັດ ໃນເດືອນມີນາ 2020. ຊຶ່ງ

    ພິທີມອບ-ຮັບ ໄດ້ຈັດຂຶ້ນໃນວັນທີ 31 ທັນວາ 2019 ຜ່ານມານີ້ ລະຫວ່າງ ທ່ານ ສະໝານ ອະເນກາ ຜູ້ອຳນວຍການໃຫຍ່ ບໍລິສັດດັ່ງກ່າວ ແລະ ທ່ານ ກົງຄຳ ສິດທິວໍລະດາ ຮອງຫົວໜ້າກົມສ່ວຍສາອາກອນ ກະຊວງການເງິນ.

ນັບແຕ່ໄດ້ເລີ່ມດຳເນີນງານໃນປີ 2002 ເປັນຕົ້ນມາ, ບໍລິສັດ ໄດ້ມອບພັນທະຫລາຍກວ່າ 1,4 ຕື້ໂດລາສະຫະລັດ ໃຫ້ແກ່ລັດຖະບານ ຊຶ່ງເປັນລາຍຮັບໂດຍກົງໃນຮູບແບບພາສີ-ອາກອນ, ຄ່າຊັບ ພະຍາກອນແຮ່ທາດ, ເງິນຄັງສຳຮອງນ້ຳມັນ ແລະ ເງິນປັນຜົນ ແລະ ໃນສົກປີ 2019 ນີ້, ບໍລິສັດ ໄດ້ຜະລິດແຜ່ນທອງໄດ້ຫລາຍກວ່າ 72.000 ໂຕນ ຊຶ່ງລື່ນຄາດໝາຍທີ່ໄດ້ຕັ້ງໄວ້.

ທ່ານ ສະໝານ ອະເນກາ ກ່າວວ່າ: ບໍລິສັດ ຍຶດໝັ້ນເປັນຄູ່ຮ່ວມມື-ສະໜັບສະໜູນລັດຖະ ບານ ແລະ ມີຄວາມພາກພູມໃຈເປັນຢ່າງຍິ່ງ ທີ່ໄດ້ປະກອບສ່ວນຕໍ່ການພັດທະນາເສດຖະກິດ-ສັງຄົມຂອງລາວ. ນອກນີ້ບໍລິສັດ ຍັງໄດ້ເປັນຄູ່ຮ່ວມງານທີ່ໃກ້ຊິດກັບຊຸມຊົນທ້ອງຖິ່ນ ເພື່ອການພັດທະນາ ໂດຍຜ່ານການສ້າງວຽກເຮັດງານທໍາ ແລະ ການຝຶກອົບຮົມ, ການພັດທະນາພື້ນຖານໂຄງລ່າງ, ການພັດທະນາທຸລະກິດທ້ອງຖິ່ນ ກໍຄື ການພັດທະນາຊຸມຊົນ.

ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ - Wave100S AD to Website 2020 0 - ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ

    ຜ່ານມາ, ບໍລິສັດ ຍັງໄດ້ລົງທຶນປະມານ 50 ລ້ານໂດລາສະຫະລັດ ເຂົ້າໃນການພັດທະນາໂຄງລ່າງພື້ນຖານແຫ່ງຊາດ ແລະ ທ້ອງຖິ່ນ, ລົງທຶນ 48 ລ້ານໂດລາສະຫະລັດ ເຂົ້າໃສ່ການເກັບກູ້ລະເບີດທີ່ບໍ່ທັນແຕກ ແລະ ອີກຫລາຍລ້ານໂດລາສະຫະລັດ ເຂົ້າໃສ່ວຽກງານປົກປັກຮັກສາມໍລະດົກວັດທະນະທຳ ແລະ ແຜນງານສະໜັບສະໜູນດ້ານສັງຄົມອື່ນໆ ແລະ ໃນຕໍ່ໜ້ານີ້ບໍລິສັດ ມີແຜນໃນການຫັນປ່ຽນ ຈາກການຂຸດຄົ້ນ-ຜະລິດທອງ ສູ່ການຂຸດຄົ້ນ-ຜະລິດຄຳ, ເຊິ່ງຈະນຳອະນາຄົດອັນສົດໃສມາໃຫ້ແກ່ຜູ້ມີສ່ວນຮ່ວມທຸກພາກສ່ວນ.

ການຜະລິດຄຳ ຈະສືບຕໍ່ສ້າງວຽກເຮັດງານທຳແກ່ພະນັກງານ ແລະ ສ້າງລາຍໄດ້ ກໍຄື ການປັບປຸງຊີວິດການເປັນຢູ່ຂອງຊຸມຊົນ, ຊຶ່ງທາງບໍລິສັດຈະສືບຕໍ່ປະກອບສ່ວນໃສ່ການພັດທະນາເສດຖະກິດ-ສັງຄົມ ຂອງລາວ ໄປອີກຢ່າງຕໍ່າ 7 ປີ, ໂດຍຄາດວ່າຈະຜະລິດຄໍາແທ່ງໄດ້ປີລະປະມານ 200.000 ອອນ, ພ້ອມທັງຈະລົງທຶນເພີ່ມຂຶ້ນ ໃສ່ການສຳຫລວດເພື່ອຂະຫຍາຍອາຍຸການຂຸດຄົ້ນບໍ່ແຮ່ ໃຫ້ຍືນຍາວໄປອີກຢ່າງນ້ອຍ 10 ປີ.

ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ - WhatsApp Image 2020 05 27 at 5 - ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ
ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ - WhatsApp Image 2020 05 27 at 5 - ບໍລິສັດ ລ້ານຊ້າງ ມີເນໂຣນ ມອບອາກອນກຳໄລລ່ວງໜ້າ 2 ລ້ານໂດລາ ໃຫ້ລັດຖະບານ
error: Alert: ເນື້ອຫາຂ່າວມີລິຂະສິດ !!