ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ

ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ - Baby - ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ
ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ - Untitled design - ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ

     ​ໃນ​ຍຸກ​ດີ​ຈີ​ຕອນ ​ເຊິ່ງລະບົບ​ສື່​ສັງຄົມ​ອອນ​ລາຍ​ໄດ້​ກາຍ​ເປັນ​ເຄື່ອງມື​ປາຍ​ແຫລມ​ເຈາະ​ເຂົ້າທຸກ​ກຸ່ມ​ຄົນ​ໄດ້​ນີ້, ຫລາຍ​ປະ​ເທດ​ມີ​ຄວາມ​ກັງວົນ​ໃຈ​ຕໍ່​ຜົນ​ກະທົບ​ທາງ​ລົບ​ຂອງ​ມັນ​ຕໍ່​ການ​ປະພຶດ​ຂອງ​ຄົນ​ເຮົາ ​ໂດຍ​ສະ​ເພາະ​ແມ່ນ​ເຍົາວະ​ຊົນ ກໍ​ຄື​ຄົນ​ໃນ​ເກນ​ອາຍຸ​ໄວ​ໜຸ່ມ.

     ຢູ່ ສປ ຈີນ, ຄວາມ​ກັງວົນ​ໃຈ​ດັ່ງກ່າວ​ໄດ້​ນຳ​ໄປ​ສູ່​ການ​ອອກ​ກົດໝາຍ​ສະ​ເພາະ ​ເພື່ອ​ຈຳກັດ​ເວລາ​ຂອງ​ເຍົາວະ​ຊົນ​ໃນ​ການ​ນຳ​ໃຊ້​ອິນ​ເຕີ​ເນັດ. ກົດໝາຍ​ສະບັບ​ທີ່​ວ່າ​ນີ້ ປະກາດ​ໃຊ້​ໃນຕົ້ນ​ເດືອນ​ພະຈິກ ປີ 2019 ຜ່ານ​ມາ. ການ​ບໍລິ​ໂພ​ກສື່​ສັງຄົມ​ອອນ​ລາຍ​ຂອງ​ເຍົາວະ​ຊົນ​ທີ່​ກົດໝາຍ​ຈີນ​ເລັ່ງ​ເປົ້າໝາຍ​ຄວບ​ຄຸມ​ນັ້ນ ກໍ​ຄື​ການ​ຫລິ້ນ​ເກ​ມ ​ເຊິ່ງ​ເປັນ​ໂປຣ​ແກຣມຍອດ​ນິຍົມ​ຂອງ​ເດັກນ້ອຍ​ທົ່ວໆ​ໄປ​ໃນ​ໂລກ. ກົດໝາຍ​ຄວບ​ຄຸມ​ເວລາ​ການ​ນຳ​ໃຊ້​ອິນ​ເຕີ​ເນັດ​ສຳລັບ​ເຍົາວະ​ຊົນ​ໃນ​ ສປ ຈີນ ນັ້ນ ກວມ​ເອົາ​ການ​ຫລິ້ນ​ເກ​ມອອນ​ລາຍ​ຂອງ​ເດັກ​ອາຍຸ​ຕໍ່າ​ກວ່າ 18 ປີ​ທັງ​ໝົດພາຍ​ໃນ​ປະ​ເທດ. ການ​ຈຳກັດ​ເວລາ​ສຳລັບ​ການ​ຫລິ້ນ​ເກ​ມຂອງ​ເດັກ​ໃນ​ໄວ​ນີ້​ແມ່ນ​ໄດ້​ກຳນົດ​ໃນ​ຮູບ​ແບບ​ການ​ລົງທະບຽນ​ຫລິ້ນ​ເກ​ມອອນ​ລາຍ​ດ້ວຍ​ຈຳນວນ​ເງິນ​ດັ່ງ​ນີ້: ສຳລັບ​ເດັກ​ອາຍຸ​ແຕ່ 8 ຫາ 15 ປີ ສາມາດ​ຕື່ມ​ເງິນ​ຫລິ້ນ​ເກ​ມ​ໄດ້​ສູງ​ສຸດ 200 ຢວນຕໍ່​ເດືອນ (ປະມານ 2 ​ແສນ​ປາຍ​ກີບ), ອາຍຸ​​ແຕ່ 16-18 ປີ ສາມາດ​ຕື່ມ​ເງິນ​ໄດ້​ບໍ່​ເກີນ 400 ຢວນ ຫລື ປະມານ 5 ​ແສນ​ກີບ​ຕໍ່​ເດືອນ. ດ້ວຍ​ຄວາມ​ສາມາດ​ຂອງ​ຈຳນວນ​ເງິນ​ສໍ່າ​ນີ້ ​ເວລາ​ສຳລັບ​ຫລິ້ນ​ເກ​ມອອນ​ລາຍ​ຂອງ​ເຍົາວະ​ຊົນ​ກໍ​ຈະ​ສັ້ນລົງ​ພໍດີ​ກັບ​ໄວ.

ລັດຖະບານ​ຈີນ​ຕັ້ງ​ໃຈ​ໃຫ້​ກົດໝາຍ​ສະບັບ​ນີ້​ເຮັດ​ໜ້າ​ທີ່​ຈັດ​ລະບຽບ​ການ​ໃຊ້​ອິນ​ເຕີ​ເນັດ​ສຳລັບ​ເດັກ​ເຍົາວະ​ຊົນ ​ແນ​ໃສ່​ປົກ​ປ້ອງ​ສະພາບ​ຮ່າງກາຍ ​ແລະ ຈິດ​ໃຈ​ຂອງ​ພວກ​ເຂົາ​​ເຈົ້າ. ອີກ​ກົດໝາຍ​ສະບັບ​ໜຶ່ງຂອງ ສປ ຈີນ ທີ່​ອອກ​ມາ​ໃນ​ໄລຍະ​ໄລ່​ເລ່ຍກັບ​ກົດໝາຍ​ທີ່​ກ່າວ​ມາ​ຂ້າງ​ເທິງ​ນີ້ ກໍ​ຄື​ກົດໝາຍ​ຫ້າມ​ນຳ​ໃຊ້​ໂປຣ​ແກຣມຕັດ​ຕໍ່​ພາບ ​ແລະ ສຽງ ​ເພື່ອ​ສ້າງ​ຂ່າວ-ພາບ​ທີ່​ເໝືອນ​ຈິງ ​ແຕ່​ເປັນ​ເລື່ອງ​ຂີ້​ຕົວະ, ຫລອກ​ລວງ. ກົດໝາຍ​ໄດ້​ກຳນົດ​ໂທດ​ທາງ​ອາຍາ​ຕໍ່​ຜູ້​ເຜີຍ​ແຜ່​ພາບ ​ແລະ ສຽງວີ​ດີ​ໂອ​ທີ່​ບໍ່​ມີ​ມູນ​ຄວາມ​ຈິງ ​ເຊິ່ງມີ​ເປົ້າໝາຍ​ກໍ່​ໃຫ້​ເກີດ​ຄວາມ​ເຂົ້າ​ໃຈ​ຜິດ. ສ່ວນ​ພາບ-ສຽງ​ທີ່​ຖືກ​ຜະລິດ​ດ້ວຍ​ເຕັກ​ໂນ​ໂລ​ຊີ​ໃຫ້​ເໝືອນ​ຈິງ (​ໃນ​ທາງ​ສ້າງສັນ-ບໍ່​ເປັນອັນຕະລາຍ) ນັ້ນກໍ​ຕ້ອງ​ໄດ້​ຕິດ​ຄຳ​ເຕືອນ​ໃຫ້​ຜູ້​ຊົມ​ໃຊ້​ຢ່າງ​ຈະ​ແຈ້ງວ່າ​ເປັນ​ພາບ​-ສຽງ​ທີ່​ປະດິດ​ຂຶ້ນ.

ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ - Wave100S AD to Website 2020 0 - ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ

     (ຂຽນ​ຕາມ​ຂໍ້​ມູນ​ຈາກ​ຂ່າວສານ​ຊິນ​ຮົວ)

ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ - WhatsApp Image 2020 05 27 at 5 - ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ
ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ - WhatsApp Image 2020 05 27 at 5 - ມາດ​ຕະການ​ຄວບ​ຄຸມ​ຜົນ​ກະທົບ​ຂອງ​ສື່​ອອນ​ລາຍ​ທີ່​ເປັນ​ອັນຕະລາຍ​ຕໍ່​ໄວ​ເດັກ
error: Alert: ເນື້ອຫາຂ່າວມີລິຂະສິດ !!