ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ

ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ - AMKA - ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ
ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ - Untitled design - ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ

     ສັນຍາ​ຊື້ຂາຍນ້ຳມັນ​ດິບ​ໃນ​ຕະຫລາດ​ໂລກ​ເພີ່ມ​ຂຶ້ນທັນທີ 4% ຫລັງ​ກອງທັບ​ອາ​ເມ​ລິ​ກາ​ປະຕິບັດ​ການ​ໂຈມ​ຕີ​ທາງ​ອາກາດ ສັງຫານ​ນາຍ​ພົນ​ສຳຄັນ​ຂອງ​ກອງ​ກຳລັງ​ພິທັກ​ປະຕິວັດ​ອີຣານ ​ແລະ ຮອງ​ຜູ້​ບັນຊາ​ການ​ກອງ​ກຳລັງ​ນັກຮົບ​ຊີ​ອະ​ໃນ​ອີຣັກ. ນອກຈາ​ກນີ້ ຜູ້ນຳ​ສູງ​ສຸດ​ຂອງ​ອີຣານປະກາດ “ລ້າງ​ແຄ້ນຢ່າງ​ສາ​ສົມ”.

     ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສັນຍາ​ຊື້-ຂາຍ​ນ້ຳມັນ​ດິບ​​ເບຣນທະ​ເລ​ເໜືອ​ລອນ​ດອນ​ປັບ​ເພີ່ມ​ຂຶ້ນ 3,98% ມາ​ຢູ່ 68,90 ​ໂດ​ລາ​ສະຫະລັດ​ຕໍ່ 1 ບາ​ເຣລ, ຂະນະ​ທີ່ ສັນຍາ​ຊື້-ຂາຍ​ນ້ຳມັນ​ດິບ​ເວສ​ເທ​ກຊັສອິນ​ເຕີ​ມີ​ດຽດ (WTI) ​ເພີ່ມ​ສູງ​ຂຶ້ນ 3,87% ມາ​ຢູ່ 63,55 ​ໂດ​ລາ​ສະຫະລັດ​ຕໍ່ 1 ບາ​ເຣລ.

     ການ​ເຄື່ອນ​ໄຫວ​ດັ່ງກ່າວ​ເກີດ​ຂຶ້ນພາຍ​ໃນ​ເວລາ​ທີ່​ວ່ອງ​ໄວ ຫລັງ​ກະຊວງ​ປ້ອງ​ກັນ​ປະ​ເທດ​ອ​າ​ເມ​ລິ​ກາ​ອອກ​ຖະ​ແຫລ​ງການ​ຢືນຢັນ​ເປັນ​ຜູ້​ປະຕິບັດ​ການ​ໂຈມ​ຕີ​ທາງ​ອາກາດ ສັງຫານ ພົນ​ຕີ ກັສ​ເຊັມ ​ໂຊ​ໄລ​ມາ​ນີ ຜູ້​ບັນຊາ​ການ​ກອງ​ກຳລັງ​ນັກຮົບ​ຄຸດ ​ເຊິ່ງ​ເປັນ​ໜ່ວຍ​ຮົບ​ພິ​ເສດ​ໃນ​ຕ່າງປະ​ເທດ​ຂອງ​ກອງ​ກຳລັງ​ພິທັກ​ປະຕິວັດ​ອີຣານ (IRGC) ​ເຊິ່ງຂຶ້ນກົງ​ກັບທ່ານ ​ຢາ​ຕໍ​ເລາະ ອາລີ ຄາ​ເມ​ເນ​ອີ ຜູ້ນຳ​ສູງ​ສຸດ​ຂອງ​ອີຣານ ​ແລະ ທ່ານ ອາ​ບູ ມາ​ດີ ອັລ-ມູຮັນ​ດິສ ຮອງ​ຜູ້​ບັນຊາ​ການກອງ​ກຳລັງ​ເຄື່ອນ​ໄຫວ​ປະຊາຊົນ ​ເຊິ່ງ​ເປັນ​ເຄືອ​ຂ່າຍ​ກອງ​ກຳລັງ​ນັກຮົບ​ຊີ​ອະ​ໃນ​ອີຣັກທີ່​ຈົງ​ຮັກ​ພັກດີ​ຕໍ່​ອີຣານ ​ໂດຍ​ຖະ​ແຫລ​ງການ​ຂອງ​ເພນ​ຕາກ​ອນລະບຸ​ວ່າ: ການ​ໂຈມ​ຕີ​ເປັນ​ໄປ​ຕາມ​ຄຳ​ສັ່ງ​ຂອງ​ປະທານາທິບໍດີ ​ໂດ​ນັລ ທຣຳ ​ເນື່ອງ​ຈາກ ພົນ​ຕີ ​ໂຊ​ໄລ​ມາ​ນີ ​ແລະ ກອງ​ກຳລັງ​ດຸດ​ຢູ່​ເບື້ອງຫລັງ​ການ​ໂຈມ​ຕີ​ນັກ​ການ​ທູດ ​ແລະ ທະຫານ​ອາ​ເມ​ລິ​ກາ​​ໃນ​ຕາ​ເວັນ​ອອກ​ກາງ “ຢ່າງ​ສະໝໍ່າສະ​ເໝີ”.

ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ - Wave100S AD to Website 2020 0 - ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ

     ນອກຈາກ​ນີ້ ​ເຫດການ​ຍັງ​ເກີດ​ຂຶ້ນພຽງ​ບໍ່​ເທົ່າ​ໃດ​ວັນ ຫລັງ​ປະຊາຊົນ​ຫລາຍ​ພັນ​ຄົນ​ບຸກທຳລາຍ​ສະຖານ​ເອກ​ອັກຄະລາຊະທູດ​ອາ​ເມ​ລິ​ກາ​ປະຈຳ​ນະຄອນຫລວງ​ແບັກ​ແດັດ ​ເພື່ອ​ປະ​ທ້ວງ​ທີ່​ກອງທັບ​ອາ​ເມ​ລິ​ກາ​ປະຕິບັດ​ການ​ໂຈມ​ຕີ​ທາງ​ອາກາດ​ໃນ​ອີຣັກ ​ແລະ ຊີຣີ ​ໃນ​ທ້າຍ​ປີ 2019 ສັງຫານ​ສະມາຊິກ​ກອງ​ກຳລັງ​ຄາ​ຕາ​ອິບ ​​ເຮັດ​ໂບລາ ຢ່າງ​ໜ້ອຍ 25 ຄົນ ​ເຊິ່ງລັດຖະບານ​ວໍ​ຊິງ​ຕັນ​ຢືນຢັນ​ວ່າ: “​ເປັນ​ການ​ປ້ອງ​ກັນ​ຕົນ​ເອງ” ຫລັງ​ເຈົ້າໜ້າ​ທີ່​ພົນລະ​ເຮືອນ​ຄົນ​ໜຶ່ງ​ເສຍ​ຊີວິດ​ຈາກ​ການ​ໂຈມ​ຕີ​ດ້ວຍ​ຈະ​ຫລວດ ທີ່​ຖານ​ທັບ​ໃນ​ເມືອງ​ເຄີ​ຄຸກ ທາງ​ເໜືອ​ຂອງ​ອີຣັກ.

ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ - WhatsApp Image 2020 05 27 at 5 - ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ
ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ - WhatsApp Image 2020 05 27 at 5 - ລາຄາ​ນ້ຳມັນ​ໂລກ​​​ເພີ່ມຂຶ້ນ ຫລັງ​ອາ​ເມ​ລິ​ກາສັງຫານ​ນາຍ​ພົນ​ໃຫຍ່​ອີຣານ
error: Alert: ເນື້ອຫາຂ່າວມີລິຂະສິດ !!