ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ

ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ - Lpn4 - ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ
ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ - Untitled design - ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ

   ກະຊວງແຮງງານ ແລະ ສະຫວັດດີການ ໃຫ້ຮູ້ວ່າ: ໃນຕົ້ນປີນີ້, ຂະແໜງການຂອງຕົນຈະຮ່ວມມືກັບພາກສ່ວນກ່ຽວຂ້ອງຕ່າງໆທັງພາກລັດ ແລະ ເອກະຊົນ ເພື່ອຈັດຕັ້ງການແຂ່ງຂັນສີມືແຮງງານແຫ່ງຊາດຄັ້ງທີ 4 ເພື່ອແນໃສ່ຄັດເລືອກເອົາຜູ້ມີສີມືແຮງງານທີ່ດີເປັນຕົວແທນປະເທດເຂົ້າຮ່ວມການແຂ່ງຂັນສີມືແຮງງານລະດັບອາຊຽນຄັ້ງທີ 13 ຊຶ່ງຈະຈັດ​ໃນຂຶ້ນໃນລະຫວ່າງວັນທີ 21-31 ກໍລະກົດ 2020 ທີ່ປະ​ເທດສິງກະ​ໂປ ແລະ ກອງ​ປະຊຸມ​ຂອງ​ຄະນະ​ກຳມະການເຕັກນິກ​ຮັບຜິດຊອບການ​ແຂ່ງຂັນສີມືແຮງງານອາຊຽນຄັ້ງທີ 13 (13th ASEAN Skills Competition) ໄດ້ຈັດຂຶ້ນໃນລະຫວ່າງ​ວັນ​ທີ 9-12 ທັນ​ວາ 2019 ຜ່ານມາ ທີ່ປະ​​ເທດສິງກະ​ໂປ, ໂດຍໄດ້ທົບ​ທວນ​ຄວາມ​ພ້ອມດ້ານຕ່າງໆ ແລະ ກໍານົດ​ເອົາລະບຽບ, ກົດກະຕິກາຂອງການແຂ່ງຂັນ ແລະ ຮັບຮອງເອົາ 20 ສາຂາຊ່າງ ເຂົ້າໃນການແຂ່ງຂັນ ລວມມີ: ໄອທີ (IT) ມີ 5 ສາຂາ, ວິສະວະກໍາ 8 ສາຂາ, ບໍລິການ 4 ສາຂາ, ສິລະ​ປະ ​ແລະ ປະຍຸກ 2 ສາຂາ​, ການ​ຂົນ​ສົ່ງ 1 ສາຂາ​ ແລະ 2 ສາຂາຊ່າງທີ່ເປັນ​ການ​ສາທິດ​ຄື: ຊ່າງຄວບ​ຄຸມ​ລະບົບ​ເຕັກນິກ​ໃນ​ອຸດສາຫະກຳ ​ແລະ ​ຊ່າງ​ຄວບ​ຄຸມ​ລະບົບ​ການ​ຂົນ​ສົ່ງ. ໃນ​ນັ້ນ, ສປປ ລາວ ໄດ້ສະ​ເໜີ​ເອົາ 6 ສາຂາ​ຊ່າງ ເພື່ອ​ສົ່ງ​ເຂົ້າຮ່ວມ​ແຂ່ງຂັນຄື: ຊ່າງຕິດຕັ້ງ​ໄຟຟ້າ, ​ປຸງ​ແຕ່ງອາຫານ, ອອກ​ແບບ ​ແລະ ຕັດຫຍິບ​ເຄື່ອງນຸ່ງ, ອອກ​ແບບກຣາບຟິກ, ອອກແບບເວັບໄຊ ແລະ ຊ່າງຫຸ່ນຍົນເຄື່ອນທີ່, ​ເຊິ່ງ​ໄລຍະ​ຜ່ານ​ມາ, ສປປ ລາວ ​ໄດ້ເຂົ້າຮ່ວມການແຂ່ງຂັນສີມືແຮງງານອາຊຽນ ​ແລະ ສາມາດຍາດໄດ້ຫລຽນເງິນ ເຊິ່ງເປັນຫລຽນປະຫວັດສາດໃນສາຂາອາຊີບຕິດຕັ້ງໄຟຟ້າໃນອາຄານໃນການແຂ່ງຂັນສີມືແຮງງານອາຊຽນຄັ້ງທີ 10 ໃນປີ 2014 ທີ່ ສສ.ຫວຽດນາມ ແລະ ສາມາດຍາດໄດ້ໃບຢັ້ງຢືນສີມືດີເດັ່ນ 20 ຄົນ ທີ່ສາມາດນຳໄປຜັນຂະຫຍາຍ ແລະ ຖ່າຍທອດເຂົ້າໃນການພັດທະນາສີມືແຮງງານລາວໃຫ້ນັບມື້ດີຂຶ້ນ.  

   ນອກນີ້, ກອງປະຊຸມໄດ້ຮັບຟັງການ​ຢືນຢັນຂອງປະເທດຟິລິບປິນ ໃນການ​ເປັນ​ເຈົ້າພາບ​ຈັດການ​ແຂ່ງຂັນ​ສີມື​ແຮງ​ງານ​ອາ​ຊຽນຄັ້ງທີ 14 ໃນເດືອນກໍລະກົດ ປີ 2022. ສ່ວນການ​ແຂ່ງຂັນ​ສີມື​ແຮງ​ງານ​ອາ​ຊຽນຄັ້ງທີ 15 ທີ່ປະເທດສະມາຊິກອາຊຽນໄດ້ສະເໜີໃຫ້ ສປປ ລາວ ຮັບເປັນເຈົ້າພາບ​ໃນ​ປີ 2024, ກະຊວງແຮງງານ ແລະ ສະຫວັດດີການສັງຄົມ ຈະພິຈະລະນາເງື່ອນໄຂ ແລະ ຄວາມພ້ອມ, ເຊິ່ງຈະແຈ້ງຕໍ່ປະເທດສະມາຊິກອາຊຽນຮັບຊາບກ່ອນວັນທີ 1 ພຶດສະພາ 2020 ນີ້.

  ກະຊວງແຮງງານ ແລະ ສະຫວັດດີການສັງຄົມ ໃຫ້ຮູ້ວ່າ: ການແຂ່ງຂັນສີມືແຮງງານ ເປັນອົງປະກອບໜຶ່ງຂອງລະບົບພັດທະນາສີມືແຮງງານ ເພື່ອສ້າງຂະບວນການພັດທະນາສີມືແຮງງານໃຫ້ມີຂະບວນຝົດຟື້ນ, ສ້າງໃຫ້ສັງຄົມຫັນມາສົນໃຈການຝຶກວິຊາອາຊິບໃຫ້ຫລາຍຂຶ້ນ, ທັງເປັນເວທີເພື່ອເປີດໂອກາດໃຫ້ບັນດາຊາວໜຸ່ມໄດ້ນຳໃຊ້ຄວາມຮູ້, ຄວາມສາມາດ ແລະ ຄຸນສົມບັດເຂົ້າໃນການແຂ່ງຂັນ ເພື່ອສົ່ງເສີມ ແລະ ຍົກລະດັບສີມືແຮງງານໃຫ້ທຽບທັນພາກພື້ນ ແລະ ສາກົນ.

ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ - Wave100S AD to Website 2020 0 - ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ
ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ - WhatsApp Image 2020 05 27 at 5 - ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ
ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ - WhatsApp Image 2020 05 27 at 5 - ລາວກຽມ​ຈັດແຂ່ງຂັນສີມືແຮງງານລະດັບຊາດໃນຕົ້ນປີນີ້ເພື່ອຫາຜູ້ມີສີມືດີໄປແຂ່ງລະດັບພາກພື້ນ
error: Alert: ເນື້ອຫາຂ່າວມີລິຂະສິດ !!