ສະພາບອາກາດຢູ່ປະເທດເຮົາຈະສືບເຢັນໄປຮອດກາງເດືອນມັງກອນນີ້

- 254 - ສະພາບອາກາດຢູ່ປະເທດເຮົາຈະສືບເຢັນໄປຮອດກາງເດືອນມັງກອນນີ້
- Untitled design - ສະພາບອາກາດຢູ່ປະເທດເຮົາຈະສືບເຢັນໄປຮອດກາງເດືອນມັງກອນນີ້

   ກົມອຸຕຸນິຍົມ ແລະ ທົກກະສາດ ຄາດຄະເນວ່າ: ​ໃນ​ໄລຍະ​ວັນ​ທີ 7-12 ມັງກອນນີ້, ຄວາມ​ກົດ​ດັນ​ສູງ​ຂອງ​ອາກາດ​ເຢັນ​ທີ່​ປະ​ເທດ​ຈີນ​ຈະ​ແຜ່​ລົງ​ມາ​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ​ເທດ​ລາວ​ດ້ວຍ​ກຳລັງ​ອ່ອນ​ຫາ​ປານ​ກາງ, ສົມທົບ​ກັບ​ກະ​ແສ​ລົມ​ຕາ​ເວັນ​ອອກ-ຕ​າ​ເວັນ​ອອກສຽງ​ເໜືອ​ພັດ​ປົກ​ຄຸມ, ​ເຊິ່ງຈະ​ເຮັດ​ໃຫ້​ອຸນຫະພູມ​ອາກາດ​ເຢັນ​ຫາ​ໜາວ​ເຢັນ, ພ້ອມ​ມີ​ໝອກ​​ປົກ​ຫຸ້ມ​ຢູ່​ທົ່ວ​ໄປ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ​​ໃນ​ຕອນ​ບ່າຍ​ອຸນຫະພູມ​ຈະ​ສູງ​ຂຶ້ນຢູ່​ທົ່ວ​ໄປ​ໃນ​ແຕ່​ລະ​ພາກ, ​ແຕ່​ອາກາດ​ຍັງ​ຈະ​ໜາວ​ເຢັນ​ຫາ​ໜາວ​ເຢັນ​ຫລາຍ ພ້ອມ​ມີ​ໝອກ​ໜາ​ປົກ​ຫຸ້ມ, ​ໂດຍ​ສະ​ເພາະ​ຢູ່​ເຂດ​ພູ​ສູງ, ຮ່ອມ​ພູ ​ແລະ ພູດ​ອຍ, ​ແຂວງ​ພາກ​ເໜືອ, ​ແຂວງ​ໄຊ​ສົມບູນ ​ແລະ ​​ເຂດ​ພູ​ພຽງ​ບໍລະ​ເວນ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ.

  ສໍາລັບສະພາບອາກາດໃນແຕ່ລະພາກມີດັ່ງນີ້: ພາກ​ເໜືອ​ດ້ານ​ຕາ​ເວັນ​ອອກ ​ແຂວງ​ຫົວພັນ ​ແລະ ຊຽງ​ຂວາງ ອາກາດ​ຈະ​ໜາວ​ເຢັນ ພ້ອມ​ມີ​ໝອກ​ໜາ​ປົກ​ຫຸ້ມ​ຢູ່​ທົ່ວ​ໄປ​ໃນ​ຕອນ​ກາງຄືນ​ຫາ​ຕອນ​ເຊົ້າ ແລະ ​ຈະ​ມີ​ລົມ​ພັດ​ແຮງ​ຢູ່​ບາງ​ທ້ອງ​ ອຸນຫະພູມ​ແຕ່ 9-25 ອົງສາ. ພາກ​ເໜືອ​ດ້ານ​ຕາ​ເວັນ​ຕົກ ອາກາດ​ຍັງ​ຈະ​ໜາວ​ເຢັນ, ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ​ແລະ ໝອກໜາ​ປົກ​ຫຸ້ມ​ຢູ່​ບາງ​ທ້ອງ​ຖິ່ນ ​ໂດຍ​ສະ​ເພາະ​ຢູ່​ເຂດ​ພູ​ສູງ, ພູດ​ອຍ ​ແລະ ຮ່ອມ​ພູ ​ແລະ ​ໃນ​ຕອນ​ບ່າຍ​ອາກາດ​ຈະ​ຮ້ອນ​ຂຶ້ນ, ອຸນຫະພູມ​ແຕ່ 12-31 ອົງສາ. ພາກ​ກາງ ອາກາດ​ຍັງ​ຈະ​ໜາວ​ເຢັນ ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ​ໃນ​ຕອນ​ບ່າຍ​ອາກາດ​ຮ້ອນ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ ​ໂດຍ​ສະ​ເພາະ​ທາງ​ດ້ານ​ຕາ​ເວັນ​ອອກ​ຂອງ​ພາກ. ອຸນຫະພູມ​ແຕ່ 14-33 ອົງສາ. ສະ​ເພາະ​ແຂວງ​ໄຊ​ສົມບູນ, ​ເຂດ​ຫລັກ 20, ​ເມືອງ​ວຽງ​ທອງ ​ແລະ ​ເມືອງ​ນາ​ກາຍ ອາກາດ​ຍັງ​ຈະ​ເຢັນ​ຫາ​ໜາວ​ເຢັນ​ຫລາຍ ພ້ອມ​ຈະ​ມີ​ໝອກ​ໜາ​ປົກ​ຫຸ້ມ​ຢູ່​ທົ່ວ​ໄປ ​ແລະ ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ. ອຸນຫະພູມ​ແຕ່ 7-25 ອົງສາ. ພາກ​ໃຕ້ ອາກາດ​ຍັງ​ຈະ​ເຢັນ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ ​ແລະ ​ໃນ​ຕອນ​ບ່າຍ​ອາກາດ​ຈະ​ຮ້ອນ​ຂຶ້ນ ອຸນຫະພູມແຕ່ 17-33 ອົງສາ. ສະ​ເ​ພາະ​ເຂດ​ພູ​ພຽງ​ບໍລະ​ເວນ ອາກາດ​ຍັງ​ຈະ​ໜາ​ວ​ເຢັນ​ຫາ​ໜາວ​ເຢັນ​ຫລາຍ, ພ້ອມ​ມີ​ໝອກ​ໜາ​ປົກ​ຫຸ້ມ​ຢູ່​ທົ່ວ​ໄປ ​ແລະ ຈະ​ມີ​ລົມ​ພັດ​ແຮງ​ຢູ່​ບາງ​ບໍລິ​ເວນ​ເປັນ​ບາງ​ໂອກາດ ອຸນຫະພູມແຕ່ 5-26 ອົງສາ.

  ສໍາລັບນະຄອນຫລວງ​ວຽງ​ຈັນ ອາກາດ​ຍັງ​ຈະ​ເຢັນ​ຫາ​ໜາວ​ເຢັນ ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ​ໃນ​ຕອນ​ບ່າຍອາກາດ​ຈະ​ຮ້ອນ​ຂຶ້ນ ພ້ອມ​ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ ອຸນຫະພູມ​ແຕ່ 19-33 ອົງສາ.

- Wave100S AD to Website 2020 0 - ສະພາບອາກາດຢູ່ປະເທດເຮົາຈະສືບເຢັນໄປຮອດກາງເດືອນມັງກອນນີ້
- WhatsApp Image 2020 05 27 at 5 - ສະພາບອາກາດຢູ່ປະເທດເຮົາຈະສືບເຢັນໄປຮອດກາງເດືອນມັງກອນນີ້
- WhatsApp Image 2020 05 27 at 5 - ສະພາບອາກາດຢູ່ປະເທດເຮົາຈະສືບເຢັນໄປຮອດກາງເດືອນມັງກອນນີ້
error: Alert: ເນື້ອຫາຂ່າວມີລິຂະສິດ !!