ອີຣານ ຕັ້ງຄ່າ​ຫົວ​ທ່ານ ທຣຳ 80 ລ້ານ​ໂດ​ລາ

- 11 1 - ອີຣານ ຕັ້ງຄ່າ​ຫົວ​ທ່ານ ທຣຳ 80 ລ້ານ​ໂດ​ລາ
- Untitled design - ອີຣານ ຕັ້ງຄ່າ​ຫົວ​ທ່ານ ທຣຳ 80 ລ້ານ​ໂດ​ລາ

      ອີຣານປະກາດ​ຕັ້ງຄ່າ​ຫົວປະທານາທິບໍດີ  ​ໂດ​ນັລ ທຣຳ 80 ລ້ານ​ໂດ​ລາ​ສະຫະລັດ ​ແລະ ຂູ່​ຈະ​ບຸກທຳລາຍ​ທຳນຽບຂາວ ລວມທັງ​ຈະ​ບໍ່​ປະຕິບັດ​ຕາມ​ຂໍ້​ກຳນົດ​ຈຳກັດ​ການ​ຄັດ​ແຍກ​ນິວ​ເຄຼຍອີກ​ຕໍ່​ໄປ.

      ​ໃນ​ກອງ​ປະຊຸມ​ສຸກ​ເສີນ​ຄະນະ​ລັດຖະບານ​ຂອງ​ອີຣານ ​ໃນ​ວັນ​ທີ 5 ມັງກອນ​ນີ້, ກອງ​ປະຊຸມ​ໄດ້​ຕົກລົງ​ເປັນ​ເອກະ​ພາບ​ວ່າ: ອີຣານຈະ​ບໍ່​ປະຕິບັດ​ຕາມ​ຂໍ້​ຕົກລົງ​ປີ 2015 ທີ່​ບັງຄັບ​ໃຫ້​ອີຣານຈຳກັດ​ການ​ເພີ່ມ​ສະມັດຖະພາບ​ນິວ​ເຄຼຍ ​ແລະ ຈະ​ເດີນ​ໜ້າ​ໂຄງການ​ອາວຸດ​ນິວ​ເຄຼຍຂອງ​ຕົນ​ເອງ​ຕໍ່​ໄປ ​ແລະ ມື້ດຽວ​ກັນ, ​ໃນ​ລະຫວ່າງ​ພິທີ​ສົບ​ຂອງ ພົນ​ຕີ ຄາເຊມ ​ໂຊ​ໄລ​ມາ​ນີ ​ຢູ່ເມືອງ​ມາ​ຊາດ ກຸ່ມ​ສະມາຊິກ​ລັດຖະສະພາ​ໄດ້​ຮຽກຮ້ອງ​ໃຫ້​ຊາວ​ອີຣານ ບໍລິຈາກ​ເງິນ​ຄົນ​ລະ 1 ​ໂດລາ ​ເພື່ອ​ໃຫ້​ຄົບ 80 ລ້ານ​ໂດ​ລາ​ ສຳລັບ​ເປັນ​ຄ່າ​ຫົວ ຖ້າ​ໃຜ​ສາມາດ​ຈັບ​ຕົວ​ປະທານາທິບໍດີ ​ໂດ​ນັລ ທຣຳ ບໍ່​ວ່າ​ເປັນ ຫລື ຕາຍ.

      ຂະນະ​ທີ່​ທ່ານ ອາ​ບູຟາ​ຊິ​ລ ອາ​ບູ​ໂຕຣາບີ ໜຶ່ງ​ໃນ​ສະມາຊິກ​ລັດຖະສະພາ​ປະກາດ​ວ່າ: ອີ​ຣານສາມາດ​ໂຈມ​ຕີ ​ແລະ ທຳລາຍ​ທຳນຽບຂາວ​ໄດ້ ພຽງ​ແຕ່​ລໍຖ້າ​ເວລາ​ທີ່​ເໝາະ​ສົມ.

- Wave100S AD to Website 2020 0 - ອີຣານ ຕັ້ງຄ່າ​ຫົວ​ທ່ານ ທຣຳ 80 ລ້ານ​ໂດ​ລາ

      ຂະນະ​ດຽວ​ກັນ, ປະທານາທິບໍດີ ​ໂດ​ນັລ ທຣຳ ຜູ້ນຳ​ອາ​ເມ​ລິ​ກາ ​ໄດ້​ກ່າວ​ວ່າ: ອາ​ເມ​ລິ​ກາ​ກຳລັງ​ເລັ່ງ​ເປົ້າ​ໂຈມ​ຕີ​ພື້ນທີ່ 52 ຈຸດ ທີ່​ເປັນ​ຜົນ​ປະ​ໂຫຍ​ດຂອງ​ອີຣານ ​ແລະ ການ​ໂຈມ​ຕີ​ຈະ​ເກີດ​ຂຶ້ນຢ່າງ​ວ່ອງ​ໄວ ​ແລະ ຮຸນ​ແຮງ ຖ້າ​ລັດຖະບານ​ເຕຮາ​ລານ​ໂຈມ​ຕີ​ພົນລະ​ເມື​ອງອາ​ເມ​ລິ​ກາ ຫລື ຜົນ​ປະ​ໂຫຍ​ດຂອງ​ຊາວ​ອາ​ເມ​ລິ​ກາ ​ເພື່ອ​ແກ້​ແຄ້ນ​ໃຫ້​ແກ່​ການ​ເສຍ​ຊີວິດ​ຂອງ ພົນ​ຕີ ຄາ​ເຊມ ​ໄຊ​ໂລມາ​ນີ ຜູ້​ບັນຊາ​ການ​ກອງ​ກຳລັງ​ຄຸດ​ຂອງ​ອີຣານ ລະຫວ່າງ​ປະຕິບັດ​ການ​ໂຈມ​ຕີ​ທາງ​ອາກາດ​ຂອງ​ອາ​ເມ​ລິ​ກາ ​ໃນ​ວັນ​ທີ 3 ມັງກອນ.

- WhatsApp Image 2020 05 27 at 5 - ອີຣານ ຕັ້ງຄ່າ​ຫົວ​ທ່ານ ທຣຳ 80 ລ້ານ​ໂດ​ລາ
- WhatsApp Image 2020 05 27 at 5 - ອີຣານ ຕັ້ງຄ່າ​ຫົວ​ທ່ານ ທຣຳ 80 ລ້ານ​ໂດ​ລາ
error: Alert: ເນື້ອຫາຂ່າວມີລິຂະສິດ !!