ບໍລິສັດ ທາງລົດໄຟ ລາວ-ຈີນ ສະຫລຸບວຽກງານໜຶ່ງປີຜ່ານມາ

- 22 2 - ບໍລິສັດ ທາງລົດໄຟ ລາວ-ຈີນ ສະຫລຸບວຽກງານໜຶ່ງປີຜ່ານມາ
- Untitled design - ບໍລິສັດ ທາງລົດໄຟ ລາວ-ຈີນ ສະຫລຸບວຽກງານໜຶ່ງປີຜ່ານມາ

ໃນວັນທີ 6​ ມັງກອນ ນີ້, ບໍລິສັດ ທາງລົດໄຟ ລາວ-ຈີນ ຈຳກັດ ໄດ້ຈັດກອງປະຊຸມສະຫລຸບວຽກງານໜຶ່ງປີຜ່ານມາ ແລະ ວາງແຜນການວຽກງານໃນ ປີ 2020, ພ້ອມທັງໄດ້ມອບໃບຍ້ອງຍໍໃຫ້ພະນັກງານດີເດັ່ນໃນການປະຕິບັດວຽກງານຜ່ານມາ.

ໂອກາດນີ້, ທ່ານ ຄຳປ່ຽນ ອິນທະລືຊາ ຮອງຫົວໜ້າຄະນະຄຸ້ມຄອງໂຄງການທາງລົດໄຟ ລາວ-ຈີນ ກ່າວວ່າ: ໂຄງການກໍ່ສ້າງທາງລົດໄຟ ລາວ-ຈີນ ແມ່ນໂຄງການຮ່ວມມື ລະຫວ່າງລັດຖະບານຂອງສອງປະເທດ ລາວ-ຈີນ ເຊິ່ງເປັນສັນຍາລັກແຫ່ງສາຍພົວພັນທີ່ເປັນມູນເຊື້ອ ແລະ ຄູ່ຮ່ວມຍຸດທະສາດຮອບດ້ານ, ໝັ້ນຄົງ ແລະ ຍາວນານ, ທັງເປັນການຈັດຕັ້ງປະຕິບັດຍຸດທະສາດຂອງ ສປປ ລາວ ໃນການຫັນປະເທດທີ່ບໍ່ມີຊາຍແດນຕິດກັບທະເລ ແລະ ປະຕິບັດຍຸດທະສາດຂອງ ສປ ຈີນ “ໜຶ່ງແລວ ໜຶ່ງເສັ້ນ ທາງ”. ສະນັ້ນ, ໂຄງການນີ້ຈຶ່ງມີຄວາມໝາຍດ້ານປະຫວັດສາດ ແລະ ຍຸດທະສາດຂອງສອງປະເທດ ລາວ-ຈີນ. ການດຳເນີນການກໍ່ສ້າງທາງລົດໄຟ ລາວ-ຈີນ ແມ່ນມີຄວາມຈຳເປັນຕ້ອງຮັບປະກັນໃຫ້ໄດ້ຄາດໝາຍທາງດ້ານຄຸນນະພາບ, ສຳເລັດຕາມແຜນການ,​ ມີຄວາມສະຫງົບປອດໄພ ແລະ ປອດໃສສະອາດ.

    ມາຮອດວັນທີ 30 ພະຈິກ 2019, ຄະນະກຳມະການໄກ່ເກ່ຍຂັ້ນແຂວງ ແລະ ນະຄອນຫລວງວຽງຈັນ ສາມາດມອບພື້ນທີ່ໃຫ້ແກ່ການກໍ່ສ້າງໄດ້ທັງໝົດ 406,8 ກິໂລແມັດ ເທົ່າກັບ 99,59% ຂອງແລວທາງທັງໝົດ ຈຳນວນ 409 ກິໂລແມັດ. ວຽກກໍ່ສ້າງປະຕິບັດໄດ້ສຳເລັດ 83% ຂອງວຽກກໍ່ສ້າງພື້ນຖານໂຄງລ່າງທາງລົດໄຟທັງໝົດ, ການຊົດເຊີຍສິ່ງກີດຂວາງ ແມ່ນນຳໃຊ່ຮ່ວງເງິນຂອງບໍລິສັດ ທາງລົດໄຟ ລາວ-ຈີນ ມູນຄ່າ 416,83 ຕື້ກີບ ແລະ ຮ່ວງເງິນລັດຖະບານລາວ ມູນຄ່າ 249,​98 ຕື້ກີບ ລວມມູນຄ່າການເບີກຈ່າຍ ທັງໝົດ 666,81 ຕື້ກີບ.

    ທ່ານ ຫລີ ປີ້ງສວນ ຜູ້ອຳນວຍການໃຫຍ່ ບໍລິສັດ ທາງລົດໄຟ ລາວ-ຈີນ ຈຳກັດ ກ່າວວ່າ: ພະນັກງານບໍລິສັດ ທາງລົດໄຟ ລາວ-ຈີນ ຈຳກັດ ມີຄວາມພາກພູມໃຈ ແລະ ເຊື່ອວ່າ ໂຄງການທາງລົດໄຟ ລາວ-ຈີນ ຈະສາມາດບັນລຸເປົ້າໝາຍ ແລະ ໄດ້ຮັບໝາກຜົນໃນປີໃໝ່ນີ້. ໃນປີ 2019, ໂຄງການທາງລົດໄຟ ລາວ-ຈີນ ໄດ້ສຳເລັດການລົງທຶນປະຈຳປີ ຈຳນວນ 6,8 ຕື້ຢວນ ກວມເອົາ 49,8% ຂອງການລົງທຶນທັງໝົດ. ການຊີເຈາະອຸໂມງໄດ້ສໍາເລັດແລ້ວ 170 ກວ່າກິໂລແມັດ, ກວມເອົາ 86,5% ຂອງການອອກແບບ. ໃນນັ້ນ, ໄດ້ສຳເລັດຊີເຈາະແລ້ວ 52 ອຸໂມງ ຂອງທັງໝົດ 75 ອຸໂມງ), ລວມເຖິງອຸໂມງທີ່ຍາວທີ່ສຸດ ກໍຄື ອຸໂມງພູຜາງ່າມຍາວ 9.384​ ແມັດ, ເຊິ່ງສຳເລັດກ່ອນແຜນການ 7 ເດືອນ.​ ການກໍ່ສ້າງຂົວສຳເລັດທັງໝົດ 36 ກວ່າກິໂລແມັດ ກວມເອົາ 59,3% ຂອງການອອກແບບ, ວຽກດິນຈົກດິນຖົມ ປະຕິບັດໄດ້ 97,3%, ວຽກເດີ່ນໜ້າສະຖານນີໄດ້ສຳເລັດແລ້ວ 78,7% ແລະ ການເຊື່ອມຈອດລາງລົດໄຟ ຍາວ 500​ ແມັດທໍາອິດ ໄດ້ສໍາເລັດໃນວັນທີ 2 ທັນວາ.

- Wave100S AD to Website 2020 0 - ບໍລິສັດ ທາງລົດໄຟ ລາວ-ຈີນ ສະຫລຸບວຽກງານໜຶ່ງປີຜ່ານມາ

    ໃນປີ 2020, ບໍລິສັດ ຈະສຸມໃສ່ໃຫ້ບັນລຸເປົ້າໝາຍການລົງທຶນປະຈຳປີ ແລະ ໃຫ້ສຳເລັດເປົ້າ  ໝາຍຄຸນນະພາບ, ຄວາມປອດໄພ, ຄວາມຄືບໜ້າ, ການລົງທຶນ ແລະ ສິ່ງແວດລ້ອມ.

- WhatsApp Image 2020 05 27 at 5 - ບໍລິສັດ ທາງລົດໄຟ ລາວ-ຈີນ ສະຫລຸບວຽກງານໜຶ່ງປີຜ່ານມາ
- WhatsApp Image 2020 05 27 at 5 - ບໍລິສັດ ທາງລົດໄຟ ລາວ-ຈີນ ສະຫລຸບວຽກງານໜຶ່ງປີຜ່ານມາ
error: Alert: ເນື້ອຫາຂ່າວມີລິຂະສິດ !!