ບໍລິສັດ ສາຍສະໄໝ ຂາອອກ-ຂາເຂົ້າ ເປີດລະດູການເກັບຊື້ມັນຕົ້ນແຫ້ງ

- 81401004 1057637204583505 1945094713019203584 o - ບໍລິສັດ ສາຍສະໄໝ ຂາອອກ-ຂາເຂົ້າ ເປີດລະດູການເກັບຊື້ມັນຕົ້ນແຫ້ງ
- Untitled design - ບໍລິສັດ ສາຍສະໄໝ ຂາອອກ-ຂາເຂົ້າ ເປີດລະດູການເກັບຊື້ມັນຕົ້ນແຫ້ງ

      ​ເມື່ອ​ທ້າຍ​ອາທິດ​ຜ່ານ​ມາ​ນີ້, ບໍລິສັດ ສາຍສະໄໝ ຂາອອກ-ຂາເຂົ້າ ຈໍາກັດຜູ້ດຽວ ຢູ່ບ້ານຫຼັກ 35 ເມືອງຈຳພອນ ແຂວງສະຫວັນນະເຂດ ​ໄດ້ເປີດລະດູການເກັບຊື້ມັນຕົ້ນແຫ້ງຈາ​ກຊາວ​ກະສິກອນ ​ເພື່ອສົ່ງອອກຕ່າງປະເທດ ໂດຍການເຂົ້າຮ່ວມຂອງທ່ານ ຄໍາລຸຍ ຍາດຕິວົງ ເຈົ້າເມືອງຈໍາພອນ ພ້ອມດ້ວຍ​ຊາວ​ກະສິກອນ ​ແລະ ຫ້ອງການ​ກ່ຽວຂ້ອງ​ຂອງ​ເມືອງ​ເຂົ້າຮ່ວມ.

- 81811294 1057637334583492 5813612008959901696 o - ບໍລິສັດ ສາຍສະໄໝ ຂາອອກ-ຂາເຂົ້າ ເປີດລະດູການເກັບຊື້ມັນຕົ້ນແຫ້ງ

      ທ່ານ ສີວິໄຊ ເກດແກ້ວສີວິໄລ ຜູ້ອໍານວຍການ ບໍລິສັດດັ່ງກ່າວ​ໃຫ້​ຮູ້​ວ່າ: ເປັນປີທໍາອິດທີ່ບໍລິສັດ​ໄດ້​ເລີ່​ມ​ເກັບຊື້ມັນຕົ້ນ​ແຫ້ງ​ຈາກ​ປະຊາຊົນຢູ່ 9 ເມືອງຄື: ເມືອງຈຳພອນ, ໄຊພູທອງ, ໄຊບູລີ, ສອງຄອນ, ອຸທຸມພອນ, ອາດສະພັງທອງ, ອາດສະພອນ, ຊົນນະບູລີ ແລະ ເມືອງທ່າປາງທອງ ​ໂດຍມີລານເກັບຊື້ມັນຕົ້ນຢູ່ 4 ຕົວເມືອງຄື: ເມືອງຈໍາພອນ, ໄຊພູທອງ, ໄຊບູລີ ແລະ ເມືອງສອງຄອນ ​ແລະ ແຜນການສົ່ງອອກປີນີ້ຄາດວ່າໃຫ້ບັນລຸໄດ້ 1 ແສນໂຕນ. ກ່ອນ​ໜ້າ​ນີ້ ບໍລິສັດໄດ້ຊຸກຍູ້ສົ່ງເສີມແນວພັນຂອງມັນຕົ້ນ, ສົ່ງເສີມການຕະຫຼາດໃຫ້ປະຊາຊົນແຕ່ລະເມືອງ, ພ້ອມ​ທັງ​ຮັບ​ຊື້​ໃນລາຄາ 1.350 ກີບຕໍ່​ກິ​ໂລ ​ເພື່ອສົ່ງຂາຍໃຫ້ໄທ ແລະ ຈີນ. ສ່ວນແຜນການຕໍ່ໜ້າແມ່ນຈະຂະຫຍາຍ​ເນື້ອທີ່​ປູກ​ມັນຕົ້ນຂອງ​ປະຊາຊົນ​ໃຫ້​ເພີ່ມ​ຂຶ້ນ, ພ້ອມ​ທັງ​ສະ​ເໜີ​ພາກ​ລັດ​ໃຫ້​ຊ່ວຍ​ສົ່ງ​ເສີມ​ປະຊາຊົນ​ປູກ​ມັນຕົ້ນ​ໃຫ້​ສາມາດ​ເຂົ້າ​ເຖິງ​ແຫ​ລ່ງທຶນ​ດອກ​ເບ້ຍ​ຕໍ່າ ​ເພາະວ່າ​ມັນຕົ້ນ​ແມ່ນ​ພື​ດກະສິກຳ​ປະ​ເພດ​ໜຶ່ງ​ທີ່​ສ້າງ​ລາຍ​ຮັບ​ດີ ​ແລະ ມີ​ຄວາມ​ຕ້ອງການ​​ໃນ​ຕະຫລາດ​ຕ່າງປະ​ເທດ​ຫລາຍ.

- Wave100S AD to Website 2020 0 - ບໍລິສັດ ສາຍສະໄໝ ຂາອອກ-ຂາເຂົ້າ ເປີດລະດູການເກັບຊື້ມັນຕົ້ນແຫ້ງ
- WhatsApp Image 2020 05 27 at 5 - ບໍລິສັດ ສາຍສະໄໝ ຂາອອກ-ຂາເຂົ້າ ເປີດລະດູການເກັບຊື້ມັນຕົ້ນແຫ້ງ
- WhatsApp Image 2020 05 27 at 5 - ບໍລິສັດ ສາຍສະໄໝ ຂາອອກ-ຂາເຂົ້າ ເປີດລະດູການເກັບຊື້ມັນຕົ້ນແຫ້ງ
error: Alert: ເນື້ອຫາຂ່າວມີລິຂະສິດ !!