ຫລາຍ​ຝ່າຍ​ກັງວົນ​ບັນຫາ​ຕາ​ເວັນ​ອອກ​ກາງ

- 27 - ຫລາຍ​ຝ່າຍ​ກັງວົນ​ບັນຫາ​ຕາ​ເວັນ​ອອກ​ກາງ
- Untitled design - ຫລາຍ​ຝ່າຍ​ກັງວົນ​ບັນຫາ​ຕາ​ເວັນ​ອອກ​ກາງ

      ​ເຫດການ​ສັງຫານ​ຜູ້​ບັນຊາ​ການ​ທະຫານ​ອີຣານ ​ເຮັດ​ໃຫ້​ຫລາຍ​ຝ່າຍ​ກັງວົນ​ວ່າ ສະຖານະ​ການ​ໃນ​ຕາ​ເວັນ​ອອກ​ກາງ​ຈະ​ທະວີ​ຄວາມ​ເຄັ່ງ​ຕຶງ​ໜັກ​ຂຶ້ນ.

      ທ່ານ ອັນ​ໂຕ​ນິ​ໂອ ກູ​ເຕີ​ເຣັສ ​ເລຂາທິການ​ສະຫະ​ປະຊາ​ຊາດ ຮຽກຮ້ອງ​ໃຫ້​ທຸກ​ຝ່າຍ​ໃຊ້​ຄວາມ​ອົດ​ກັ້ນຢ່າງ​ເຕັມທີ່ ​ເຊັ່ນ​ດຽວ​ກັບ​ທ່ານ ​ເຢນ ສະ​ໂຕ​ລ​ເຕ​ນ​ເບິ​ກ ​ເລຂາທິການ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ ຫລື ນາ​ໂຕ ຮຽກຮ້ອງ​ໃຫ້​ທຸກ​ຝ່າຍ​ໃຊ້​ຄວາມ​ອົດ​ກັ້ນ ​ແລະ ຫາ​ທາງ​ແກ້​ໄຂ​ຄວາມ​ເຄັ່ງ​ຕຶງ. ຂະນະ​ທີ່ ທູດ​ຈີນ​ປະຈຳ UN ກ່າວ​ວ່າ: ຈີນ​ຄັດຄ້ານ​ການ​ໃຊ້​ກຳລັງ​ທາງ​ທະ​ຫານ​ຕໍ່ສູ້​ກັບ​ອີຣານ ​ແລະ ການ​ກະທຳ​ຂອງ​ອາ​ເມ​ລິ​ກາລະ​ເມີດ​ກົດ​ເກນພື້ນຖານ​ຂອງ​ການ​ພົວພັນ​ລະຫວ່າງ​ປະ​ເທດ​ຢ່າງ​ຈະ​ແຈ້ງ ​ແລະ ນຳ​ໄປ​ສູ່​ການ​ເກີດ​ຄວາມ​ຂັດ​ແຍ່ງ. ​ເຫດການ​ສັງຫານ​ນາຍ​ພົນ ກັສ​ເຊັມ ​ໂຊ​ໄລ​ມາ​ນີ ຜູ້​ບັນຊາ​ການ​ທະຫານ​ອີຣານ ​ເຮັດ​ໃຫ້ການ​ພົວພັນ​ລະຫວ່າງ ອາ​ເມ​ລິ​ກາ​ກັບ​ອີຣັກ ​ເຄັ່ງ​ຕຶງ​ໄປ​ນຳ.

​ໃນ​ວັນ​ທີ 5 ມັງກອນ, ລັດຖະສະພາ​ອີຣັກຮຽກຮ້ອງ​ໃຫ້​ລັດຖະບານ​ຂັບ​ໄລ່ກອງ​ກຳລັງ​ຂອງ​ຕ່າງປະ​ເທດ​ທັງ​ໝົດ​ອອກ​ຈາກ​ອີຣັກ ​ແລະ ​ໃນ​ວັນ​ທີ 6 ມັງກອນ, ​ໄດ້​ເກີດ​ຄວາມ​ສັບສົນ​ຂຶ້ນ ​ເມື່ອ​ກະຊວງ​ປ້ອງ​ກັນ​ປະ​ເທດ​ອາ​ເມ​ລິ​ກາຍ​ອມຮັບ​ວ່າ​ມີ​ການ​ສົ່ງ​ຈົດໝາຍ​ແຈ້ງ​ໄປ​ຫາ​ລັດຖະບານ​ອີຣັກວ່າ​ອາ​ເມ​ລິ​ກາ​ຈະ​ຖອນ​ທະຫານ​ອອກ​ຈາກ​ອີຣັກ, ​ແຕ່​ທາງ​ການ​ອາ​ເມ​ລິ​ກາ​ປະຕິ​ເສດ​ວ່າການ​ສົ່ງ​ຈົດໝາຍ​ດັ່ງກ່າວ​ເປັນຄວາມ​ຜິດພາດ ​ແລະ ຈົດໝາຍ​ທີ່​ສົ່ງ​ໄປ​ນັ້ນ​ເປັນ​ພຽງ​ສະບັບ​ຮ່າງ ​ແລະ ຍັງ​ບໍ່​ມີ​ການ​ລົງ​ນາມ. ຂະນະ​ທີ່​ທ່ານ ມາກ ​ເອສ​ເປີ ລັດຖະມົນຕີ​ປ້ອງ​ກັນ​ປະ​ເທດ ຢືນຢັນ​ວ່າ: ປັດຈຸບັນ​ຍັງ​ບໍ່​ມີ​ການ​ຕັດສິນ​ໃຈ​ເລື່ອງ​ການ​ຖອນ​ທະຫານອອກ​ຈາກ​ອີຣັກ, ສ່ວນ​ສົບ​ຂອງ​ນາຍ​ພົນ ​ໂຊ​​ໄລ​ມາ​ນີ ຫລ້າ​ສຸດ​ໄດ້​ຖືກ​ສົ່ງ​ເຖິງ​ເມືອງ​ເຄີມານ ​ເຊິ່ງ​ເປັນ​ບ້ານ​ເກີດ​ແລ້ວ ​ໃນ​​ວັນ​ທີ 7 ມັງກອນ ​ເພື່ອ​ກຽມ​ຈັດ​ພິທີ​ຝັງ​ຕໍ່​ໄປ.

- Wave100S AD to Website 2020 0 - ຫລາຍ​ຝ່າຍ​ກັງວົນ​ບັນຫາ​ຕາ​ເວັນ​ອອກ​ກາງ
- WhatsApp Image 2020 05 27 at 5 - ຫລາຍ​ຝ່າຍ​ກັງວົນ​ບັນຫາ​ຕາ​ເວັນ​ອອກ​ກາງ
- WhatsApp Image 2020 05 27 at 5 - ຫລາຍ​ຝ່າຍ​ກັງວົນ​ບັນຫາ​ຕາ​ເວັນ​ອອກ​ກາງ
error: Alert: ເນື້ອຫາຂ່າວມີລິຂະສິດ !!