ຄັ້ງທຳອິດ ! ສະຫະພັນກິລາເພາະກາຍແຫ່ງຊາດລາວ ໄດ້ຮັບກຽດເປັນເຈົ້າພາບ ເພາະກາຍຊິງແຊ້ມອາຊຽນ 2020

- Lpn4       - ຄັ້ງທຳອິດ ! ສະຫະພັນກິລາເພາະກາຍແຫ່ງຊາດລາວ ໄດ້ຮັບກຽດເປັນເຈົ້າພາບ ເພາະກາຍຊິງແຊ້ມອາຊຽນ 2020
- Untitled design - ຄັ້ງທຳອິດ ! ສະຫະພັນກິລາເພາະກາຍແຫ່ງຊາດລາວ ໄດ້ຮັບກຽດເປັນເຈົ້າພາບ ເພາະກາຍຊິງແຊ້ມອາຊຽນ 2020

ສະຫະພັນເພາະກາຍອາຊຽນ ໄດ້ອະນຸມັດມອບໝາຍໃຫ້ສະຫະພັນເພາະກາຍແຫ່ງຊາດລາວ ເປັນເຈົ້າພາບຈັດການແຂ່ງຂັນເພາະກາຍຊິງແຊ້ມອາຊຽນ ຄັ້ງທີ 17 (South East Asian 17th Bodybuilding and Physique Sport Championships) ຈະຈັດຂຶ້ນໃນລະຫວ່າງວັນທີ 11-16 ມິຖຸນາ ປີ 2020 ທີ່ນະຄອນຫຼວງວຽງຈັນ.

ການອະນຸມັດຄັ້ງນີ້ ຜ່ານການຕົກລົງເຫັນດີເປັນເອກະສັນ ໃນກອງປະຊຸມໃຫຍ່ປະຈຳປີຂອງສະຫະພັນເພາະກາຍອາຊີ (Asian Bodybuilding and Physique Sport Federation) ທີ່ບາຕໍ້າ, ປະເທດອິນໂດເນເຊຍ ເມື່ອເດືອນກັນຍາປີ 2019 ຜ່ານມາ ແລະເປັນຄັ້ງທຳອິດທີ່ ສປປ ລາວ ກໍຄືສະຫະພັນເພາະກາຍແຫ່ງຊາດລາວ ຈະໄດ້ຮັບກຽດເປັນເຈົ້າພາບງານຊິງແຊ້ມລະດັບອາຊຽນ ຫລັງປະສົບຜົນສຳເລັດການແຂ່ງຂັນພາຍໃນທີ່ມີມາດຖານລະດັບສາກົນ ລວມເຖິງມີຜົນງານການເຂົ້າຮ່ວມແຂ່ງຂັນລະດັບນາໆຊາດຫລາຍລາຍການ.

ເປັນໂອກາດທີ່ດີທີ່ ສປປ ລາວ ກໍຄືພາກສ່ວນທີ່ກ່ຽວຂ້ອງຈະໄດ້ສະແດງສັກກະຍະພາບ ແລະ ຄວາມສາດມາດໃນການເປັນເຈົ້າພາບງານນີ້ ເພື່ອຕໍ່ຍອດສູ່ການຊິງສິດເປັນເຈົ້າພາບງານລະດັບທະວີບ ແລະ ລະດັບໂລກຕໍ່ໄປໃນອະນາຄົດ.

  ການເປັນເຈົ້າພາບງານຄັ້ງນີ້ ຈະເປັນປະໂຫຍດຢ່າງຍິ່ງໃນການຊຸກຍູ້-ສົ່ງເສີມບຸກຄະລາກອນເພາະກາຍລາວ ເປັນຕົ້ນຄູຝຶກ, ນັກກິລາ, ກຳມະການຕັດສິນ ແລະ ວິຊາການດ້ານຕ່າງໆ ເພື່ອຍົກລະດັບ ແລະ ບົດບາດຂອງຕົນເອງໃນເວທີພາກພື້ນ ແລະ ສາກົນ. ນອກຈາກນີ້ ຍັງເປັນການຊຸກຍູ້ການທ່ອງທ່ຽວ ສປປ ລາວ ສ້າງລາຍຮັບໃຫ້ແກ່ປະຊາຊົນຜູ້ປະກອບການທຸລະກິດຕ່າງໆ.

- Wave100S AD to Website 2020 0 - ຄັ້ງທຳອິດ ! ສະຫະພັນກິລາເພາະກາຍແຫ່ງຊາດລາວ ໄດ້ຮັບກຽດເປັນເຈົ້າພາບ ເພາະກາຍຊິງແຊ້ມອາຊຽນ 2020

ສຳລັບການແຂ່ງຂັນເພາະກາຍຊິງແຊ້ມອາຊຽນຄັ້ງຜ່ານມາ ປີ 2019 ປະເທດມຽນມາ ເປັນເຈົ້າພາບ ຢູ່ນະຄອນຢາງກຸ້ງ ໃນລະຫວ່າງວັນທີ 16-21 ພຶດສະພາ 2019 ຊຶ່ງຜົນງານຂອງນັກກິລາລາວສົ່ງເຂົ້າ 2 ຄົນ: ນາງ ກອງແພງ ຂຸນວິໄນ ອາຍຸ 28 ປີ ລົງແຂ່ງຂັນໃນປະເພດຍິງຫຸ່ນງາມ (Model physique) ຄວາມສູງບໍ່ເກີນ 160 cm ຊຶ່ງເປັນການເຂົ້າຮ່ວມລະດັບອາຊຽນຄັ້ງທຳອິດຂອງ ກອງແພງ ສາມາດຜ່ານຮອບຄັດເລືອກ ເຂົ້າສູ່ຮອບ 5 ຄົນສຸດທ້າຍ ຫລື ຮອບຊິງຊະນະເລີດ ໄດ້ອັນດັບ 5 ມາຄອງ ຖືວ່າເປັນຜົນງານທີ່ໜ້າພໍໃຈ ຂະນະທີ່ ທ້າວ ນັນທະລັກ ສຸນາເຄນ ອາຍຸ 31 ປີ ລົງແຂ່ງຂັນໃນປະເພດຊາຍຫຸ່ນງາມ (Men sport physique) ຄວາມສູງບໍ່ເກີນ 170 cm ເປັນອີກໜຶ່ງນັກກິລາໜ້າໃຫມ່ ເຖິງວ່າບໍ່ຜ່ານຮອບຄັດເລືອກ ແຕ່ເປັນປະສົບການທີ່ດີຂອງ ນັນທະລັກ ເພື່ອພັດທະນາຕົນເອງຕໍ່ໄປ.

- WhatsApp Image 2020 05 27 at 5 - ຄັ້ງທຳອິດ ! ສະຫະພັນກິລາເພາະກາຍແຫ່ງຊາດລາວ ໄດ້ຮັບກຽດເປັນເຈົ້າພາບ ເພາະກາຍຊິງແຊ້ມອາຊຽນ 2020
- WhatsApp Image 2020 05 27 at 5 - ຄັ້ງທຳອິດ ! ສະຫະພັນກິລາເພາະກາຍແຫ່ງຊາດລາວ ໄດ້ຮັບກຽດເປັນເຈົ້າພາບ ເພາະກາຍຊິງແຊ້ມອາຊຽນ 2020
error: Alert: ເນື້ອຫາຂ່າວມີລິຂະສິດ !!