ຊາວ​ອິນ​ໂດ​ເນ​ເຊຍ​ກຽມ​ຮັບ​ມື​ຝົນຕົກ​ໜັກ​ຮອບ​ໃໝ່ຍອດ​ຜູ້​ເສຍ​ຊີວິດ​ເພີ່ມ​ເປັນ 66 ຄົນ

- 04 - ຊາວ​ອິນ​ໂດ​ເນ​ເຊຍ​ກຽມ​ຮັບ​ມື​ຝົນຕົກ​ໜັກ​ຮອບ​ໃໝ່ຍອດ​ຜູ້​ເສຍ​ຊີວິດ​ເພີ່ມ​ເປັນ 66 ຄົນ
- Untitled design - ຊາວ​ອິນ​ໂດ​ເນ​ເຊຍ​ກຽມ​ຮັບ​ມື​ຝົນຕົກ​ໜັກ​ຮອບ​ໃໝ່ຍອດ​ຜູ້​ເສຍ​ຊີວິດ​ເພີ່ມ​ເປັນ 66 ຄົນ

      ຊາວ​ອິນ​ໂດ​ເນ​ເຊຍ​ກຽມ​ຮັບ​ມືຝົນຕົກ​ໜັກ​ຮອບ​ໃໝ່ ຫລັງ​ຈາກ​ເກີດ​ຝົນຕົກ​ໜັກ, ນ້ຳຖ້ວມ ​ແລະ ດິນ​ເຈື່ອນ​ໃນ​ອາທິດ​ກ່ອນ ​ເຊິ່ງທາງ​ການ​ລະບຸ​ ຈຳນວນ​ຜູ້​ເສ​ຍຊີວິດທັງ​ໃນ ​ແລະ ອ້ອມຮອບ​ນະຄອນຫລວງ​ຈາ​ກາ​ຕາ​ເພີ່ມ​ເປັນ​ຢ່າງ​ໜ້ອຍ 66 ຄົນ​ແລ້ວ.

       ນະຄອນຫລວງ​ຈາ​ກາ​ຕາ ​ເຊິ່ງມີ​ປະຊາກອນ​ປະມານ 30 ລ້ານ​ຄົນ ຜະ​ເຊີນ​ຝົນຕົກ​ໜັກ​ນ້ຳຖ້ວມ​ຄັ້ງ​ໃຫຍ່​ໃນ​ອາທິດ​ຜ່ານ​ມາ ​ເຮັດ​ໃຫ້​ປະຊາຊົນ​ຫລາຍ​ໝື່ນ​ຄົນ​ຕ້ອງ​ອົບ​ພະຍົບ​ໄປ​ອາ​ໄສ​ຢູ່​ບ່ອນ​ພັກ​ຊົ່ວຄາວ. ຫລ້າ​ສຸດ ສຳນັກ​ອຸຕຸນິຍົມ​ວິທະຍາ​ອິນ​ໂດ​ເນ​ເຊຍ​ປະກາດ​ເຕືອນ​ໃນ​ວັນ​ທີ 6 ມັງກອນ​ນີ້ ​ໃຫ້​ປະຊາຊົນ​ກຽມພ້ອມ​ຮັບ​ມື ​ແລະ ຂົນ​ຍ້າຍ​ຊັບ​ສິນ​ກ່ອນ​ຈະ​ມີ​ພາຍຸ​ພັດ​ຖະຫລົ່ມ​ເຂົ້າມາ​ໃນ​ອີກ​ບໍ່​ເທົ່າ​ໃດ​ອາທິດ​ຕໍ່ໜ້າ. ນ້ຳຖ້ວມ​ທີ່​ຜ່ານ​ມາ​ຖື​ເປັນນ້ຳຖ້ວມ​ຄັ້ງ​ໃຫຍ່​ທີ່​ສຸດ​ຂອງ​ນະຄອນຫລວງ​ຈາ​ກາ​ຕາ ນັບ​ແຕ່​ເລີ່​ມມີ​ການ​ບັນທຶກ​ສະຖິຕິ​ໃນ​ຄຣິສຕະວັດ​ທີ 19.

      ທາງ​ການ​ອິນ​ໂດ​ເນ​ເຊຍ​ຖະ​ແຫລ​ງ ຈຳນວນ​ຜູ້​ເສຍ​ຊີວິດ​ຈາກ​ນ້ຳຖ້ວມ​ຫລ້າ​ສຸດ​ເພີ່ມ​ເປັນ 66 ຄົນ ​ແລະ ມີ​ລາຍ​ງານ​ຜູ້​ສູນຫາຍ​ອີກ 2 ຄົນ​ໃນ​ພື້ນທີ່​ທາງ​ຕາ​ເວັນ​ຕົກ​ຂອງ​ນະຄອນຫລວງ​ຈາ​ກາ​ຕາ. ລາຍ​ງານ​ລະບຸ​ວ່າ: ມາ​ຮອດ​ປັດຈຸບັນຍັງ​ມີ​ປະຊາຊົນ​ຫລາຍ​ພັນ​ຄົນ​ທີ່​ຍັງ​ອາ​ໄສ​ຢູ່​ບ່ອນ​ພັກ​ຊົ່ວຄາວ ​ແລະ ມີ​ລາຍ​ງານ​ເຈົ້າໜ້າ​ທີ່​ສາທາລະນະ​ສຸກ ​ແລະ ທະຫານ​ອອກ​ສີດ​ພົ່ນ​ຢາຂ້າ​ເຊື້ອພະຍາດ​ໃນ​ບາງ​ພື້ນທີ່ ​ເພື່ອ​ປ້ອງ​ກັນ​ພະຍາດ​ລະບາດ.

- Wave100S AD to Website 2020 0 - ຊາວ​ອິນ​ໂດ​ເນ​ເຊຍ​ກຽມ​ຮັບ​ມື​ຝົນຕົກ​ໜັກ​ຮອບ​ໃໝ່ຍອດ​ຜູ້​ເສຍ​ຊີວິດ​ເພີ່ມ​ເປັນ 66 ຄົນ
- WhatsApp Image 2020 05 27 at 5 - ຊາວ​ອິນ​ໂດ​ເນ​ເຊຍ​ກຽມ​ຮັບ​ມື​ຝົນຕົກ​ໜັກ​ຮອບ​ໃໝ່ຍອດ​ຜູ້​ເສຍ​ຊີວິດ​ເພີ່ມ​ເປັນ 66 ຄົນ
- WhatsApp Image 2020 05 27 at 5 - ຊາວ​ອິນ​ໂດ​ເນ​ເຊຍ​ກຽມ​ຮັບ​ມື​ຝົນຕົກ​ໜັກ​ຮອບ​ໃໝ່ຍອດ​ຜູ້​ເສຍ​ຊີວິດ​ເພີ່ມ​ເປັນ 66 ຄົນ
error: Alert: ເນື້ອຫາຂ່າວມີລິຂະສິດ !!