5 ເຫດຜົນທີ່ທ່ານຄວນອອກຫ່າງຈາກເຟສບຸກແດ່

ປະຈຸບັນນີ້ Facebook ເບິ່ງຄືວ່າຈະເປັນສິ່ງຈຳເປັນໃນຊີວິດຂອງຄົນຍຸກໃໝ່ໄປແລ້ວ ເຖິງວ່າ Facebook ຈະມີປະໂຫຍດ ຫລາຍຢ່າງ ແຕ່ເຊື່ອຫລືບໍ່ວ່າການຕິດ Facebook ຈົນເກີນໄປນັ້ນມີຜົນເສຍຫລາຍຢ່າງທີ່ບໍ່ຄາດຄິດ.

– ມັນເຮັດໃຫ້ສະໝອງຂອງເຮົາເຮັດວຽກຫລາຍຂຶ້ນ : ທຸກສະຖານະທີ່ເຮົາໂພສ ຫລື ສະຖານະການຂອງຄົນອື່ນທີ່ເຮົາໄດ້ອ່ານ ຜ່ານ Facebook ລ້ວນແຕ່ເຮັດໃຫ້ເຮົາໃຊ້ສະໝອງຄິດ ແລະ ກັງວົນຕະຫລອດເວລາ, ການຢຸດ ຫລິ້ນ Facebook ຈະຊ່ວຍໃຫ້ສະໝອງໄດ້ພັກຜ່ອນຫລາຍຂຶ້ນ.

– Facebook ເຮັດໃຫ້ເຮົາຫ່າງຈາກໝູ່ໃນຊີວິດຈິງ : ການໃຫ້ເວລາໄປກັບສັງຄົມໃນໂລກອອນລາຍຫລາຍຈົນເກີນໄປ ອາດເຮັດໃຫ້ໂຕເຮົາເອງຕັດຂາດໄປຈາກຄວາມສຳພັນກັບຄົນໃນຊີວິດຈິງ, ຄົນທີ່ຫວັງດີກັບເຮົາໃນຊີວິດຈິງສຳຄັນກ່ວາໝູ່ໃນ Facebook ທີ່ອາດຈະບໍ່ໄດ້ເຫັນກັນໂຕຈິງກໍມີ.

– Facebook ເຮັດໃຫ້ຊີວິດຂອງເຮົາຍາກຂຶ້ນ : ບາງເທື່ອເລື່ອງທີ່ເກີດໃນຊີວິດກໍອາດເປັນເລື່ອງງ່າຍໆ, ແຕ່ເມື່ອຈະໂພສລົງ  ໃນ Facebook ຈັກເທື່ອ ກໍຕ້ອງມາຄິດວ່າຈະໂພສວ່າຫຍັງ ບາງເທື່ອການຕັ້ງໃຈຊຶມຊັບມັນໄວ້, ເກັບພາບຄວາມຊົງຈຳໃນຕອນ ນັ້ນໄວ້ໃນໃຈກໍອາດຈະແຈ້ງ ແລະ ຈົບງາມກ່ວາການໂພສລົງໄປບອກຄົນອື່ນໆກໍມີ.

– ຍອດການກົດ Like ບໍ່ໄດ້ເພີ່ມຈຳນວນຄວາມສຸກ : ຈຳນວນ Like ໃນຮູບທີ່ເຮົາອັບລົງໄປ ຫລື ສະຖານະທີ່ເຮົາໂພສ ບໍ່ໄດ້ເປັນສິ່ງພິສູດວ່າຄົນອື່ນຈະຮູ້ສຶກດີກັບສິ່ງທີ່ເຮົາໂພສແທ້ໆ, ບາງເທື່ອຄວາມຄາດຫວັງກາຍເປັນການກົດດັນໂຕເອງທາງອ້ອມກໍມີ. ການເຊົາຄາດຫວັງຍອດກົດ  Like  ຈະເຮັດໃຫ້ຊີວິດຂອງເຮົາມີຄວາມສຸກຂຶ້ນກ່ວາເກົ່າ ແລະ ຄວາມຈິງແລ້ວ ຍອດການກົດ  Like  ກໍເກືອບຈະບໍ່ມີປະໂຫຍດຫຍັງໃນຊີວິດຈິງເລີຍ.

– ເຊົາຫລິ້ນ Facebook ແດ່ ຈະມີເວລາຫລາຍຂຶ້ນ : ການຫ່າງຈາກ Facebook ແດ່ ຍ່ອມເຮັດໃຫ້ເຮົາມີເວລາໄປເຮັດຫຍັງຢ່າງອື່ນໄດ້ອີກຫລາຍ.

error: Alert: Content is protected !!