​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ

- 55 - ​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ
- Untitled design - ​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ

   ​ເຈົ້າໜ້າ​ທີ່ ປກສ ​ເມືອງ​ນາ​ຊາຍ​ທອງ ນະຄອນຫລວງວຽງຈັນ ໃຫ້ຮູ້ວ່າ: ເມື່ອທ້າຍປີ 2019 ຜ່ານມານີ້, ກໍາລັງເຈົ້າໜ້າທີ່ຂອງຕົນໄດ້ກັກ​ຕົວ​ທ້າວ ບຸນ​ຈັນ ອາຍຸ 58 ປີຢູ່​ບ້ານ​ໜອງ​ຄັນ​ຄູ, ​ເມືອງ​ນາ​ຊາຍ​ທອງ ມາດໍາເນີນຄະດີໃນຂໍ້​ຫາ​ສໍ້​ໂກງ​ຊັບ​ພົນລະ​ເມືອງ, ຫລັງຈາກຜູ້ກ່ຽວໄດ້ໄປຕົວະເອົາເງິນພີ່ນ້ອງນັກໂທດຄະດີຢາເສບຕິດລາຍໜຶ່ງ ໂດຍການ​ແອບ​ອ້າງວ່າສາມາດ​ວິ້ງເຕັ້ນເອົາ​ນັກໂທດຄົນດັ່ງກ່າວ​ອອກຄຸກໄດ້.

- Untitled 1 1 - ​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ
ທ້າວ ບຸນຈັນ

   ຜ່ານການສືບສວນ-ສອບສວນຂອງເຈົ້າໜ້າທີ່ທ້າວ ບຸນຈັນ ໄດ້ຮັບສາລະພາບວ່າ: ​ໃນທ້າຍປີ 2019 ຜ່ານມາ, ຕົນໄດ້ໄປຕົວະເອົາເງິນນໍາຍິງຄົນໜຶ່ງຢູ່ບ້ານດຽວກັນທີ່ມີພີ່ນ້ອງຖືກຕ້ອງໂທດຢູ່ຄ້າຍຄຸມຂັງໃນຄະດີຢາເສບຕິດ ວ່າສາມາດແລ່ນເອົາອອກມາໄດ້, ໂດຍໄດ້ເງິນນໍາຍິງດັ່ງກ່າວຫລາຍຄັ້ງ ລວມເປັນເງິນຫລາຍກວ່າ 19 ລ້ານກີບ, ແຕ່ໃນທີ່ສຸດກໍບໍ່ສາມາດຊ່ວຍເຫລືອໄດ້ ແລະ ຈຶ່ງຖືກຍິງຄົນດັ່ງກ່າວແຈ້ງໃຫ້ເຈົ້າໜ້າກັກຕົວໃນຂໍ້ຫາສໍ້ໂກງຊັບ.

- 07 1 - ​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ
ສາລະພາບຕໍ່ເຈົ້າໜ້າທີ່

   ຕໍ່ຄະດີນີ້, ເຈົ້າໜ້າທີ່ ຈຶ່ງຮຽກຮ້ອງມາຍັງສັງຄົມຈົ່ງມີສະຕິລະວັງຕົວສູງຂຶ້ນ ເພື່ອບໍ່ໃຫ້ຕົກເປັນເຫຍື່ອຂອງກຸ່ມຄົນບໍ່ດີທີ່ຈະມາຕົວະຍົວະຫລອກຫລວງເອົາຊັບສີນເງິນຄໍາ ດ້ວຍການແອບອ້າງວ່າສາມາດວິ້ງເຕັ້ນແລ່ນເອົາຄົນເຂົ້າເປັນຕໍາຫລວດ, ທະຫານ ຫລື ພະນັກງານ-ລັດຖະກອນຕ່າງໆ ແລະ ຖ້າພົບເຫັນບຸກຄົນ ຫລື ກຸ່ມຄົນທີ່ມີພຶດຕິກໍາບໍ່ດີຕ່າງໆ ແມ່ນໃຫ້ແຈ້ງຕໍ່ອໍານາດການປົກຄອງ ຫລື ເຈົ້າໜ້າທີ່ທັນທີ ເພື່ອລົງກວດກາແກ້ໄຂໄດ້ທັນ.

- Wave100S AD to Website 2020 0 - ​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ
- WhatsApp Image 2020 05 27 at 5 - ​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ
- WhatsApp Image 2020 05 27 at 5 - ​ຜູ້ສໍ້ໂກງຊັບຕົວອັນຕະລາຍຖືກດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!