ປະທານປະເທດເນັ້ນໃຫ້ສະຫະພັນນັກຮົບເກົ່າຍົກສູງບົດບາດການນໍາພາຂອງຕົນ

- 28 1 - ປະທານປະເທດເນັ້ນໃຫ້ສະຫະພັນນັກຮົບເກົ່າຍົກສູງບົດບາດການນໍາພາຂອງຕົນ
- Untitled design - ປະທານປະເທດເນັ້ນໃຫ້ສະຫະພັນນັກຮົບເກົ່າຍົກສູງບົດບາດການນໍາພາຂອງຕົນ

ໃນໂອກາດໃຫ້ກຽດເຂົ້າຮ່ວມເປັນປະທານແລະໂອ້ລົມຕໍ່ກອງ​ປະຊຸມ​ສະໄໝ​ສາມັນ​ຄົບ​ຄະນະ​ບໍລິຫານ​ງານ​ສະຫະພັນ​ນັກຮົບ​ເກົ່າ​ແຫ່ງ​ຊາດລາວ (ສນຫລ)ຄັ້ງ​ທີ 5 ສະໄໝ​ທີ III ຂອງທ່ານເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດບຸນຍັງວໍລະຈິດທີ່​ຈັດ​ຂຶ້ນ​ໃນ​ວັນ​ທີ 7-10 ມັງກອນ​ນີ້ໂດຍທ່ານໄດ້ເນັ້ນໃຫ້ຄະນະນໍາສນຫລແຕ່​ລະ​ຂັ້ນເອົາໃຈໃສ່​ຄົ້ນ​ຄວ້າຮູບ​ແບບ​ການ​ໂຄສະ​ນາ​ສຶກສາອົບຮົມ​ການ​ເມືອງ​-​ແນວ​ຄິດຕໍ່​ສະມາຊິກ​ນັກຮົບ​ເກົ່າ​ໃຫ້ແທດເໝາະ ແລະ ສອດຄ່ອງ​ແຕ່​ລະ​ເປົ້າ​ໝາຍໃນ​ແຕ່​ລະ​ໄລຍະ​ເພື່ອ​ໃຫ້​ເຂົາເຈົ້າ​ກຳ​ໄດ້ ແລະເຂົ້າ​ຮ່ວມ​ການຈັດຕັ້ງ​ປະຕິບັດ​ຕົວ​ຈິງ, ເພີ່ມທະວີ​ການ​ຫັນ​ລົງ​ຮາກ​ຖານ ເພື່ອ​ຕິດຕາມ​ກວດກາ, ກຳ​ແໜ້ນສະພາບ​ການແນວ​ຄິດ ແລະ​ຮັບ​ຟັງ​ຄວາມ​ຄິດ​ເຫັນ​ຂອງ​ສະມາຊິກ ແລະ ​ຊັ້ນ​ຄົນ​ໃນ​ສັງຄົມ​ຕໍ່​ການ​ນຳພາ​ຂອງ​ພັກການ​ຄຸ້ມ​ຄອງ​ຂອງ​ລັດ. ເອົາໃຈໃສ່ປັບປຸງ​ເນື້ອ​ໃນ​ ແລະ ​ຮູບ​ແບບ​ເຄື່ອນ​ໄຫວ​ນຳພາເຮັດ​ແນວໃດ​ໃຫ້​ສອດຄ່ອງ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ໃນ​ໄລຍະ​ໃໝ່ເພື່ອ​ຍົກ​ສູງ​ບົດບາດ ແລະ​ ໜ້າທີ່​ຂອງ​ສະຫະພັນ​ນັກຮົບ​ເກົ່າທັງ​ຮັບປະກັນ​ການເຄື່ອນໄຫວ​ວຽກ​ງານ​ລວມ​ສູນ​ປະຊາທິປະໄຕຄວາມ​ເປັນ​ແບບຢ່າງ​ນຳພາ​ມະຫາຊົນ ແລະ​ສັງ​ຄົມ,ພ້ອມທັງ​ເອົາໃຈໃສ່​ປະສານ​ສົມທົບ​ແໜ້ນ​ກັບ​ບັນດາ​ກະຊວງ, ອົງການຂັ້ນ​ສູນ​ກາງແລະ​ທ້ອງ​ຖິ່ນ​ເພື່ອ​ເຮັດ​ໜ້າ​ທີ່​ໃນ​ການ​ຄຸ້ມ​ຄອງ, ເບິ່ງ​ແຍງ​ດູແລ​ ແລະ ​ ປະຕິບັດ​ນະໂຍບາຍ​ຕໍ່​ສະມາຊິກ​ນັກຮົບ​ເກົ່າກໍຄື​ພະນັກງານ​ປະຕິວັດ​ອາວຸໂສ​ໃຫ້​ດີ.

ໃນກອງປະຊຸມ, ທ່ານພົນ​ຈັດຕະວາ ສົມ​ພອນ ແກ້ວ​ມີ​ໄຊ ປະທານສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວໄດ້​ຍົກ​ໃຫ້​ເຫັນ​ຜົນງານ​​ພົ້ນ​ເດັ່ນຫລາຍ​ດ້ານ​ທີ່​ຍາດ​ມາ​ໄດ້​ໃນ​ໄລຍະ​ຜ່ານ​ມາ, ໂດຍສະເພາະ​ເອົາໃຈໃສ່​ຕິດຕາມກວດກາ ແລະ ເຂົ້າຮ່ວມຂະບວນ​ການ​ແຂ່ງຂັນ 3 ດີ 6 ຮັກສາຕິດ​ພັນກັບການແຂ່ງຂັນ​ຮັກ​ຊາດ ແລະ ພັດທະນາ. ມາ​ຮອດ​ປັດຈຸບັນ, ສາມາດຄັດ​ເລືອກ ແລະ ມອບໃບຢັ້ງຢືນ 3 ດີ 6 ຮັກສາ​ໃຫ້​ບຸກຄົນ​ໄດ້ 6.200ກວ່າສະຫາຍ ແລະ361 ກົມ​ກອງແລະໃນ​ທົ່ວ​ປະເທດ​ມີ​ຄະນະ​ບໍລິຫານ​ງານ​ຂັ້ນ​ແຂວງ 221 ສະຫາຍ,ມີ​ຄະນະ​ບໍລິຫານ​ງານ​ຂັ້ນ​ເມືອງ​ມີ 1.507ສະຫາຍ ແລະ ຄະນະ​ໜ່ວຍ​ຮາກ​ຖານ​ມີ 3.407ສະຫາຍແລະ ​ມີ​ສະ​ມາ​ຊິກ​ນັກຮົບ​ເກົ່າຫລາຍກວ່າ59.730ກວ່າສະຫາຍໃນທົ່ວປະເທດ.   

- Wave100S AD to Website 2020 0 - ປະທານປະເທດເນັ້ນໃຫ້ສະຫະພັນນັກຮົບເກົ່າຍົກສູງບົດບາດການນໍາພາຂອງຕົນ
- WhatsApp Image 2020 05 27 at 5 - ປະທານປະເທດເນັ້ນໃຫ້ສະຫະພັນນັກຮົບເກົ່າຍົກສູງບົດບາດການນໍາພາຂອງຕົນ
- WhatsApp Image 2020 05 27 at 5 - ປະທານປະເທດເນັ້ນໃຫ້ສະຫະພັນນັກຮົບເກົ່າຍົກສູງບົດບາດການນໍາພາຂອງຕົນ
error: Alert: ເນື້ອຫາຂ່າວມີລິຂະສິດ !!