4 ຈຸດຄວນກວດເຊັກເມື່ອລົດກິນນຳ້ມັນຫລາຍກ່ວາປົກກະຕິ

- advert banner 728 90 728x90 -       4 ຈຸດຄວນກວດເຊັກເມື່ອລົດກິນນຳ້ມັນຫລາຍກ່ວາປົກກະຕິ

ລົດເມື່ອໃຊ້ໄປດົນໆກໍຈະມີການເສື່ອມສະພາບຂອງຊິ້ນສ່ວນຕ່າງໆ ຈົນເຮັດໃຫ້ເກີດອາການກິນນຳ້ມັນຫລາຍກ່ວາຕອນຊື້ມາໃໝ່ໆ  ເຊິ່ງຫລາຍຄົນອາດບໍ່ເຄີຍຮູ້ວ່າມີສາເຫດມາຈາກຫຍັງກັນແທ້ ມື້ນີ້ຂໍແນະນຳ 4 ຈຸດເບື້ອງຕົ້ນທີ່ຄວນກວດເມື່ອລົດກິນນຳ້ມັນຫລາຍຜິດປົກກະຕິ ມີຄື :

  1. ຫົວທຽນ ແລະ ຫົວສີດ : ຫົວທຽນເປັນຊິ້ນສ່ວນສຳຄັນໃນການຈຸດລະເບີດຂອງເຄື່ອງຈັກ ເມື່ອໃຊ້ງານໄປດົນໆອາດມີອາ ການຈຸດລະເບີດບໍ່ສົມບູນເທົ່າທີ່ຄວນ ທາງທີ່ດີຄວນປ່ຽນຫົວທຽນຕາມທີ່ຜູ້ຜະລິດກຳນົດ ເຊິ່ງມີໄລຍະປ່ຽນນັບແຕ່ 40.000 ກິໂລ ແມັດ ໄປຈົນເຖິງ 1 ແສນກິໂລແມັດ ຂຶ້ນຢູ່ກັບຮຸ່ນລົດ ໂດຍຫົວທຽນມັກເປັນສາເຫດທຳອິດໆທີ່ເຮັດໃຫ້ເຄື່ອງຈັກກິນນຳ້ມັນຫລາຍກ່ວາປົກກະຕິ.

ນອກຈາກນັ້ນ ຫົວສີດຍັງເປັນຊິ້ນສ່ວນສຳຄັນໃນການອັດສີດນຳ້ມັນເຂົ້າໄປຍັງຫ້ອງເຜົາໄໝ້ ເຊິ່ງອາດມີອາການອັດຕັນຈົນເຮັດໃຫ້ບໍ່ສາມາດຈ່າຍນຳ້ມັນໄດ້ຢ່າງພຽງພໍ ເຮັດໃຫ້ເກີດອາການຮອບສະດຸດ, ເຄື່ອງສັ່ນ, ເລັ່ງບໍ່ຂຶ້ນ ແລະ ເປັນໂຕການທີ່ເຮັດໃຫ້ລົດກິນນຳ້ມັນເພີ່ມຂຶ້ນເຊັ່ນກັນ.

- 1 1 -       4 ຈຸດຄວນກວດເຊັກເມື່ອລົດກິນນຳ້ມັນຫລາຍກ່ວາປົກກະຕິ
- Tiger Head 728x90 -       4 ຈຸດຄວນກວດເຊັກເມື່ອລົດກິນນຳ້ມັນຫລາຍກ່ວາປົກກະຕິ
  1. ອົກຊີແຊນເຊັນເຊີີ : ອົກຊີແຊນເຊັນເຊີເປັນໂຕວັດຄ່າອົກຊີແຊນຈາກອາຍເສຍທີ່ປ່ອຍອອກມາຈາກເຄື່ອງຈັກ ໃຊ້ຊິ້ນສ່ວນທີ່ ເຮັດມາຈາກເຊຣາມິກ ເຊິ່ງມີລາຄາສູງ ຫາກເຊັນເຊີດັ່ງກ່າວເພຈະເຮັດໃຫ້ການຈ່າຍເຊື້ອໄຟເຂົ້າໄປຍັງຫ້ອງເຜົາໄໝ້ຫລາຍກ່ວາປົກກະຕິ ສົ່ງຜົນໃຫ້ລົດກິນນຳ້ມັນຫລາຍຂຶ້ນໂດຍບໍ່ຈຳເປັນ.
  2. ນຳ້ມັນເຄື່ອງ : ເມື່ອເຖິງໄລຍະປ່ຽນຖ່າຍນຳ້ມັນເຄື່ອງ ຄວນເລືອກນຳ້ມັນທີ່ມີຄວາມໜຽວຕາມທີ່ຜູ້ຜະລິດກຳນົດໄວ້ (ຖ້າເປັນລົດອີໂກ້ຄາສ່ວນຫລາຍຈະຢູ່ 20, ແຕ່່ຫາກເປັນລົດເຄື່ອງຈັກໃຫຍ່ກໍໍ 30 ຂຶ້ນໄປ) ເຊິ່ງຫາກຕື່ມນຳ້ມັນເຄື່ອງທີ່ມີຄວາມໜຽວຫລາຍກ່ວາປົກກະຕິຈະເຮັດໃຫ້ລູກສູບເຄື່ອນໂຕໄດ້ຊ້າລົງ ສົ່ງຜົນໃຫ້ກິນນຳ້ມັນຫລາຍຂຶ້ນ ແຕ່ຫາກນຳ້ມັນເຄື່ອງມີ ຄວາມໜຽວໜ້ອຍກ່ວາທີ່ກຳນົດກໍຈະສົ່ງຜົນໃຫ້ເກີດການເສື່ອມສະພາບຂອງເຄື່ອງຈັກໄວຂຶ້ນເຊັ່ນກັນ ນອກຈາກນັ້ນ ຄວນຕື່ມນຳ້ມັນເຄື່ອງໃຫ້ຢູ່ໃນລະດັບພໍດີ ບໍ່ຫລາຍຈົນເກີນໄປ ເພາະຈະເຮັດໃຫ້ລູກສູບເຄື່ອນໂຕໄດ້ຊ້າລົງ ຜົນທີ່ໄດ້ກໍຄືເລັ່ງບໍ່ທັນໃຈ ທັງກິນນຳ້ມັນຫລາຍຂຶ້ນນຳອີກ.
  3. ຢາງ ແລະ ຄວາມດັນລົມຢາງ : ຕາມສະຖິຕິແລ້ວ ລົມຢາງມີຜົນຕໍ່ອັດຕາສິ້ນເປືອງສູງເຖິງ 4,2% ເນື່ອງຈາກເປັນຊິ້ນສ່ວນທີ່ສ້າງແຮງສຽດທານໃນການຂັບເຄື່ອນຢູ່ຕະຫລອດເວລາ ຫາກເປັນຢາງທີ່ມີຂະໜາດກ້ວາງກໍຈະເພີ່ມພື້ນທີ່ສຽດທານ ເຮັດໃຫ້ລົດກິນນຳ້ມັນຫລາຍຂຶ້ນ ດັ່ງນັ້ນ ຫາກໃຜປ່ຽນຈາກລໍ້ເກົ່າເປັນລໍ້ແຕ່ງທີ່ມີຂໜາດໃຫຍ່ຂຶ້ນ ກໍກຽມໃຈໄດ້ເລີຍວ່າລົດຈະກິນນຳ້ມນັນເພີ່ມຂຶ້ນແນ່ນອນ.

ສ່ວນລົມຢາງກໍເປັນໂຕການສຳຄັນທີ່ເຮັດໃຫ້ກິນນຳ້ມັນຫລາຍຂຶ້ນເຊັ່ນກັນ ຢາງທີ່ມີແຮງດັນຕໍ່າກ່ວາປົກກະຕິຈະເພີ່ມແຮງສຽດທານກັບພື້ນຖະໜົນ ເຮັດໃຫ້ກິນນຳ້ມັນຫລາຍຂຶ້ນ ທັງຍັງສ່ຽງລະເບີດເມື່ອລົດບັນທຸກໜັກ ຫລື ຂັບໄວນຳອີກ ດັ່ງນັ້ນຈຶ່ງຄວນກວດລົມຢາງໃຫ້ພໍດີເປັນປະຈຳສະໝໍ່າສະເໝີ.

error: Content is protected !!