ມອບ-ຮັບໜ້າທີ່ຫົວໜ້າຫ້ອງການເມືອງກອງບັນຊາການ​ແຂວງ​ບໍ່​ແກ້ວ

- 82343468 848369372283672 4254146947566272512 o - ມອບ-ຮັບໜ້າທີ່ຫົວໜ້າຫ້ອງການເມືອງກອງບັນຊາການ​ແຂວງ​ບໍ່​ແກ້ວ
- Untitled design - ມອບ-ຮັບໜ້າທີ່ຫົວໜ້າຫ້ອງການເມືອງກອງບັນຊາການ​ແຂວງ​ບໍ່​ແກ້ວ

       ພິທີມອບ-ຮັບໜ້າທີ່ລະຫວ່າງ ສະຫາຍ ພັນໂທ ບຸນມີ ພາມີໄຊ ຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ (ຜູ້ເກົ່າ) ທີ່ຖືກຍົກຍ້າຍໄປເປັນຫົວໜ້າການເມືອງກອງບັນຊາການທະຫານແຂວງບໍ່ແກ້ວ ແລະ ສະຫາຍ ພັນໂທ ທອງໄຂ ສີຍາລາດ ຫົວໜ້າຫ້ອງການເມືອງກອງບັນຊາການທະຫານແຂວງບໍ່ແກ້ວ (ຜູ້ໃໝ່) ໄດ້ຈັດຂຶ້ນໃນວັນທີ 7 ມັງກອນນີ້ ໂດຍການ​ເຂົ້າຮ່ວມຂອງ ສະຫາຍ ພັນເອກ ວິດອນ ພຸດດາວົງ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ ແລະ ພະນັກງານ-ນັກ ຮົບທົ່ວຫ້ອງການເມືອງເຂົ້າຮ່ວມ. ຕາມຂໍ້ຕົກລົງຂອງກະຊວງປ້ອງກັນປະເທດ ແລະ ກົດ   ໝາຍນາຍທະຫານຂອງກອງທັບປະຊາຊົນລາວ (ສະບັບປັບປຸງ) ໄດ້ຕົກລົງແຕ່ງຕັ້ງ ສະຫາຍ ພັນໂທ ທອງໄຂ ສີຍາລາດ ຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ (ຜູ້ໃໝ່) ປ່ຽນແທນສະຫາຍ ພັນໂທ ບຸນມີ ພາມີໄຊ ຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ (ຜູ້ເກົ່າ) ທີ່ຖືກຍົກຍ້າຍ​ໄປ​ຮັບ​ໜ້າ​ທີ່​ອື່ນ.

      ​ໃນໂອກາດນີ້ ສະຫາຍ ພັນໂທ ບຸນມີ ພາມີໄຊ ໄດ້ສະຫຼຸບຄືນການເຄື່ອນໄຫວວຽກ​ງານໄລຍະຜ່ານມາ ເຊິ່ງໄດ້ຍົກໃຫ້ເຫັນທີ່ຕັ້ງ, ພາລະບົດບາດໃນການຊີ້ນຳ-ນຳພາທາງດ້ານວຽກງານພັກ-ວຽກງານການເມືອງໃຫ້ແກ່ຄະນະພັກຮາກຖານຫ້ອງການເມືອງ ໂດຍສະເພາະແມ່ນສຶກສາອົບຮົມທາງການເມືອງນຳພາແນວຄິດຂອງພະນັກງານ-ນັກຮົບມີ​ຄວາມ​ໜັກ​ແໜ້ນ​ເຂັ້ໝຂງ.

- Wave100S AD to Website 2020 0 - ມອບ-ຮັບໜ້າທີ່ຫົວໜ້າຫ້ອງການເມືອງກອງບັນຊາການ​ແຂວງ​ບໍ່​ແກ້ວ

      ໂອກາດດັ່ງກ່າວ ສະຫາຍ ພັນເອກ ວິດອນ ພຸດດາວົງ ກໍໄດ້ສະແດງຄວາມຍ້ອງຍໍຊົມເຊີຍວ່າ: ການແຕ່ງຕັ້ງມອບໝາຍໜ້າທີ່ໃນຄັ້ງນີ້ແມ່ນກົດເກນພາວະວິໄສຂອງ​ຄວາມຮຽກຮ້ອງຕ້ອງການຂອງໜ້າທີ່ວຽກງານ ພ້ອມທັງໃຫ້ທິດຊີ້ນໍາຫຼາຍບັນຫາທີ່ສໍາຄັນຕໍ່ຜູ້ທີ່ໄດ້ຮັບການແຕ່ງຕັ້ງມອບໝາຍໜ້າທີ່ໃໝ່ ແລະ ຍັງໄດ້ເນັ້ນໃຫ້ຫົວໜ້າຫ້ອງການເມືອງຜູ້ໃໝ່ ຈົ່ງເພີ່ມທະວີຄວາມຮັບຜິດຊອບການເມືອງຕໍ່ໜ້າທີ່ວຽກງານທີ່ໄດ້ຮັບມອບໝາຍ, ຖືເອົາວຽກງານສຶກສາອົບຮົມການເມືອງແນວຄິດເປັນຫຼັກ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜາ, ປັບປຸງແບບແຜນວິທີເຮັດວຽກໃຫ້ສອດຄ່ອງ, ປະຕິບັດຕາມຫຼັກການລວມສູນປະຊາທິປະໄຕ ເຮັດວຽກເປັນໝູ່ຄະນະແບ່ງຄວາມຮັບຜິດຊອບໃຫ້ບຸກຄົນ, ສຸມໃສ່ແກ້ໄຂບັນຫາປະກົດການຫຍໍ້ທໍ້ໃຫ້ ໝົດໄປເທື່ອລະກ້າວ.

- WhatsApp Image 2020 05 27 at 5 - ມອບ-ຮັບໜ້າທີ່ຫົວໜ້າຫ້ອງການເມືອງກອງບັນຊາການ​ແຂວງ​ບໍ່​ແກ້ວ
- WhatsApp Image 2020 05 27 at 5 - ມອບ-ຮັບໜ້າທີ່ຫົວໜ້າຫ້ອງການເມືອງກອງບັນຊາການ​ແຂວງ​ບໍ່​ແກ້ວ
error: Alert: ເນື້ອຫາຂ່າວມີລິຂະສິດ !!