ຊຽງຂວາງເກມພ້ອມເປີດງານມະຫາກໍາກິລາແຫ່ງຊາດ ຄັ້ງທີ XI ໄດ້ກຳນົດເອົານົກແອ່ນເປັນສັດນຳໂຊກ

- LPN          - ຊຽງຂວາງເກມພ້ອມເປີດງານມະຫາກໍາກິລາແຫ່ງຊາດ ຄັ້ງທີ XI ໄດ້ກຳນົດເອົານົກແອ່ນເປັນສັດນຳໂຊກ
- Untitled design - ຊຽງຂວາງເກມພ້ອມເປີດງານມະຫາກໍາກິລາແຫ່ງຊາດ ຄັ້ງທີ XI ໄດ້ກຳນົດເອົານົກແອ່ນເປັນສັດນຳໂຊກ

ກອງປະຊຸມຄະນະຮັບຜິດຊອບລະດັບຊາດ ຄັ້ງທີ IV ງານມະຫາກໍາກິລາແຫ່ງຊາດ ຄັ້ງທີ XI ຈັດຂຶ້ນໃນລະຫວ່າງວັນທີ 7-8 ມັງກອນ 2020 ທີ່ຫ້ອງວ່າການປົກຄອງແຂວງ ຊຽງຂວາງ ໂດຍການເປັນປະ ທານຮ່ວມຂອງ ທ່ານ ນາງ ແສງເດືອນ ຫລ້າຈັນທະບູນ, ລັດ ຖະມົນ ຕີກະຊວງ ສຶກສາທິການ ແລະ ກິລາ ແລະ ທ່ານ ບຸນຕົ້ນ ຈັນທະພອນ, ເຈົ້າແຂວງຊຽງຂວາງ, ປະທານຄະນະຮັບຜິດຊອບຈັດງານມະຫາກໍາກິລາແຫ່ງຊາດ ຄັ້ງທີ XI.

       ກອງປະຊຸມຄັ້ງນີ້ ເປັນກອງປະຊຸມຄັ້ງສຸດທ້າຍເພື່ອກະກຽມໃຫ້ແກ່ງານກິລາດັ່ງກ່າວ ເພື່ອກວດກາຄືນບັນດາ​ແຜນ​ງານ​ຕ່າງໆ​ທີ່​ລະບຸ​ໄວ້​ໃນກອງປະຊຸມກະກຽມຄັ້ງຜ່ານ​ມາ ​ໂດຍ​ສະ​ເພາະ​ແມ່ນ​ຄວາມຄືບໜ້າໃນການປະຕິບັດໜ້າທີ່ຂອງ 11 ກໍາມະການເພື່ອກະກຽມໃຫ້ແກ່ງານມະຫາກໍາກິລາດັ່ງກ່າວ. ນອກຈາກນີ້ ກອງປະຊຸມໄດ້ຮັບຟັງທິດຊີ້ນໍາຈາກທ່ານລັດຖະມົນຕີກະຊວງສຶກສາທິການ ແລະ ກິລາ ເພື່ອເພີ່ມທະວີຄວາມຮັບຜິດຊອບຂອງທຸກກໍາມະການໃນການດໍາເນີນແຜນວຽກຂອງຕົນໃຫ້ດີຂຶ້ນ ແລະ ປະສົບຜົນສໍາເລັດຕາມຄາດໝາຍທີ່ວາງໄວ້ ​ເຊິ່ງ​ເຫັນ​ວ່າມາ​ຮອດ​ປັດຈຸບັນທຸກວຽກງານມີຄວາມຄືບໜ້າຢ່າງຕໍ່ເນື່ອງຄື: ການກະກຽມສະໜາມກິລາທີ່ສ້າງຂຶ້ນໃໝ່ສາມາດບັນຈຸຜູ້ຊົມໄດ້ປະມານ 20.000 ຄົນເພື່ອນໍາໃຊ້ເຂົ້າໃນພິທີເປີດ-ປິດງານສໍາເລັດແລ້ວເກືອບຮ້ອຍສ່ວນຮ້ອຍ ເຫລືອພຽງແຕ່ການຕົບແຕ່ງປະດັບປະດາ, ການຕິດຕັ້ງລະບົບຕາຄ່າຍໄຟຟ້າ ແລະ ລະບົບໄຟເຍືອງທາງເຂົ້າສູ່ສະໜາມ ແລະ ວຽກອື່ນໆຈໍານວນໜຶ່ງ. ສ່ວນການກະກຽມພິທີເປີດ-ປິດງານໄດ້ສໍາເລັດການຄັດເລືອກກ້ອນກໍາລັງສວນສະໜາມ ແລະ ແຫ່ແລ່ນທວນໄຟ ຈໍາວນ 300 ຄົນ ແລະ ນາງສາວຖືປ້າຍ 50 ຄົນ, ສໍາເລັດຄັດເລືອກນັກສະແດງ 2.849 ຄົນ, ສໍາເລັດການອອກແບບລາຍການສະແດງມື້ເປີດງານມີ 4 ລາຍການ ແລະ ມື້ປິດງານມີ 3 ລາຍການ.

- Wave100S AD to Website 2020 0 - ຊຽງຂວາງເກມພ້ອມເປີດງານມະຫາກໍາກິລາແຫ່ງຊາດ ຄັ້ງທີ XI ໄດ້ກຳນົດເອົານົກແອ່ນເປັນສັດນຳໂຊກ

ນອກຈາກນີ້ ການກະກຽມສະໜາມແຂ່ງຂັນກິລາແຕ່ລະປະເພດ ລວມທັງວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ອື່ນໆ ແມ່ນມີຄວາມພ້ອມແລ້ວໂດຍພື້ນຖານ. ຄາດ​ວ່າ​ຈະ​ຈັດ​ຂຶ້ນໃນລະຫວ່າງວັນທີ 22 ມີນາ – 1 ເມສາ 2020 ພ້ອມກັບການສະເຫລີມສະຫລອງວັນສ້າງຕັ້ງພັກປະ ຊາຊົນປະຕິວັດລາວ ວັນທີ 22 ມີນາ ຄົບຮອບ 65 ປີ ແລະ ການສະເຫລີມສະຫລອງທົ່ງໄຫຫີນແຂວງຊຽງຂວາງເຂົ້າເປັນມໍລະດົກໂລກ, ງານແຂ່ງຂັນກິລາ​ແຫ່ງ​ຊາດ​ຄັ້ງນີ້​ຈະ​ມີ​ການ​ແຂ່ງຂັນ​ທັງ​ໝົດ 28 ປະເພດກິລາຄື: ແລ່ນ-ລານ, ບານເຕະ, ບານບ້ວງ, ບານສົ່ງ-ບານສົ່ງຫາດຊາຍ, ກະຕໍ້-ຊິນລອນ, ເຕັນນິສ, ປິງປ໋ອງ, ເປຕັງ, ດອກປີກໄກ່, ລອຍນ້ຳ, ຍິງປືນ, ໝາກເສິກ, ເທັກຄວັນໂດ, ວູຊູ, ປັນຈັກສີລັດ, ຢູໂດ, ກາຣາເຕໂດ, ມວຍສາກົນ, ມວຍປ້ຳ, ມວຍລາວ, ຊ່ວງເຮືອ, ກ໊ອຟ, ໝາກເສິກ, ໜ້າເກັກ-ຍິງທະນູ, ໝາກແລ້, ລົດຖີບ, ໂບລິ້ງ ແລະ ສະນຸກເກີ່. ນອກນີ້ຍັງມີ 1 ກິລາສາທິດ ຄື: ຣັກບີ້, ຈະມີນັກກິລາຈາກ 20 ພາກສ່ວນ ຄື: 1 ນະຄອນຫລວງ, 17 ແຂວງ ແລະ 2 ກະຊວງເຂົ້າຮ່ວມແຂ່ງຂັນ. ມີຊີງໄຊທັງໝົດ 385 ຫລຽນຄໍາ, 385 ຫລຽນເງິນ ແລະ 627 ຫລຽນທອງ. ກໍານົດເອົາໄຫຫີນເປັນສັນຍາລັກ ແລະ ນົກແອ່ນເປັນສັດນໍາໂຊກ.

- WhatsApp Image 2020 05 27 at 5 - ຊຽງຂວາງເກມພ້ອມເປີດງານມະຫາກໍາກິລາແຫ່ງຊາດ ຄັ້ງທີ XI ໄດ້ກຳນົດເອົານົກແອ່ນເປັນສັດນຳໂຊກ
- WhatsApp Image 2020 05 27 at 5 - ຊຽງຂວາງເກມພ້ອມເປີດງານມະຫາກໍາກິລາແຫ່ງຊາດ ຄັ້ງທີ XI ໄດ້ກຳນົດເອົານົກແອ່ນເປັນສັດນຳໂຊກ
error: Alert: ເນື້ອຫາຂ່າວມີລິຂະສິດ !!