ໄດ້ຜົວເຖົ້າເສດຖີ ແຕ່ຢາກມີກິກນ້ອຍ

- 74 1 - ໄດ້ຜົວເຖົ້າເສດຖີ ແຕ່ຢາກມີກິກນ້ອຍ
- Untitled design - ໄດ້ຜົວເຖົ້າເສດຖີ ແຕ່ຢາກມີກິກນ້ອຍ

ລູກເມືອງພວນ.

ພາຍຫຼັງຮຽນຈົບ ມ ປາຍແລ້ວ, ຍ້ອນຖານະເສດຖະກິດຄອບຄົວຫຍຸ້ງຍາກ ພໍ່ແມ່ບໍ່ມີເງິນເພື່ອສົ່ງໃຫ້ຮຽນຕໍ່ມະຫາວິທະຍາໄລ, ຂ້ອຍກະເລີຍເປັນສາວເລ່ລ່ອນຕາມກາງບ້ານຮ້ານຫຍ້າ ຕາມທຳນອງຂອງສາວບ້ານນອກຄອກນາ.

ຫຼັງຈາກນັ້ນພໍ່ແມ່ຂອງຂ້ອຍຈຶ່ງໄດ້ເອົາເງິນຈຳນວນໜ້ອຍນິດທີ່ພວກເພີ່ນອົດອ່ອມໄດ້ ເອົາໃຫ້ຂ້ອຍໄປຮຽນເປັນຊ່າງຕັດຜົມຍິງ-ຊາຍ. ພາຍຫຼັງຮຽນຈົບແລ້ວໆ ຂ້ອຍກໍໄປສະໝັກເຮັດຢູ່ຮ້ານເສີມສວຍແຫ່ງໜຶ່ງ. ຮ້ານແຫ່ງນີ້ຖືວ່າເປັນຮ້ານໃຫ່ຍ ມີລູກຄ້າເຂົ້າມາບໍລິການບໍ່ຂາດສາຍທັງຍິງ ແລະ ຊາຍ. ມີມື້ໜຶ່ງມີຊາຍອາຍຸສູງກາຍເຄິ່ງຄົນໜຶ່ງເຂົ້າມາຕັດຜົມໃນຮ້ານ ແຕ່ພໍດີຖືກກັບຕັ່ງຂອງຂ້ອຍພໍດີຫ່ວາງ ຂ້ອຍຈຶ່ງເຊື່ອເຊີນໃຫ້ເພີ່ນເຂົ້ານັ່ງ ໂດຍເອີ້ນເພີ່ນເປັນອາວເພື່ອໃຫ້ເໝາະສົມກັບໄວອາຍຸຂອງເພີ່ນ. ເມື່ຶອຍ່າແມ່ເຈົ້າຮ້ານໄດ້ຍິນຂ້ອຍເອີ້ນ ອາວ ຍ່າແມ່ກໍບອກໃຫ້ຂ້ອຍເອີ້ນອ້າຍ ກັບເພີ່ນ ແຕ່ຂ້ອຍກໍຂະເຫຍືອງຕົວ ເພາະຂ້ອຍອາຍຸຍັງນ້ອຍ ແລະ ກໍລຶ້ງເອີ້ນແບບນັ້ນແລ້ວ. ຕໍ່ຈາກນັ້ນມາຂ້ອຍກໍລຶ້ງປາກເອີ້ນແຂກຄົນທີ່ເຂົ້າມາໃນຮ້າຍເປັນອ້າຍ, ເປັນເອື້ອຍ ກັບເອື້ອຍເພື່ອໃຫ້ໄດ້ໃຈເຈົ້າຂອງຮ້ານ.

ກ່າວເຖິງຊາຍກາຍເຄິ່ງຄົນທີ່ມາຕັດຜົມນຳຂ້ອຍນັ້ນ, ອາດຈະແມ່ນຂ້ອຍເຂົ້າສາຍຕາຂອງລາວແຕ່ນາທີທີ່ຍ່າງເຂົ້າມາຮ້ານ, ລາວຈຶ່ງພະຍາຍາມເວົ້າລົມທ່ານັ້ນທ່ານີ້ກັບຂ້ອຍ. ຕັດຜົມແລ້ວໆ ເພີ່ນໄດ້ຂໍເບີໂທລະສັບນຳຂ້ອຍ. ແຕ່ນັ້ນມາເພີ່ນໄດ້ໂທມາສະແດງຄວາມຮັກກັບຂ້ອຍບໍ່ເວັ້ນແຕ່ລະວັນ. ເຂົາຊວນຂ້ອຍໄປຫຼິ້ນຫັ້ນທ່ຽວນີ້ຢູ່ຕະຫຼອດເວລາ ຈົນຂ້ອຍເກງໃຈບໍ່ໄຫວ, ມີມື້ໜຶ່ງກໍລອງຕັດສິນໃຈໄປນຳລອງເບິ່ງ. ເຂົາໄດ້ເລົ່າຊີວິດຂອງເຂົາໃຫ້ຂ້ອຍຟັງທຸກຢ່າງ ແລະ ຈຶ່ງຮູ້ວ່າເຂົາຍັງເປັນໂສດ ບໍ່ທັນເຄີຍແຕ່ງງານຈັກເທື່ອ ແລະ ຮູ້ວ່າເຂົາມີເງິນມີຄຳຫຼາຍ. ແຕ່ນັ້ນມາພວກຂ້ອຍມັກໄປນຳກັນເລື້ອຍໆ. ຮັກກັນໄດ້ໄລຍະໜຶ່ງ ເຂົາກໍເອີ່ຍປາກຂໍແຕ່ງງານກັບຂ້ອຍ ເຖິງແມ່ນເຂົາຈະແກ່ກ່ວາຂ້ອຍຕັ້ງ 20 ປາຍປີກໍຕາມ ແຕ່ເຂົາເປັນຄົນຮັ່ງມີ, ເຫັນວ່າໄດ້ໂອກາດດີທີ່ບໍ່ຕ້ອງພາດ ຂ້ອຍກໍຂານຕອບຮັບທັນທີ. ຕໍ່ນັ້ນມາເຂົາເອົາໃຈຂ້ອຍທຸກຢ່າງ, ຕອບສະໜອງທຸກສິ່ງທີ່ຂ້ອຍຕ້ອງການ, ເອົາເງິນໃຫ້ຂ້ອຍໃຊ້ຈ່າຍບໍ່ອັ້ນ.

- Wave100S AD to Website 2020 0 - ໄດ້ຜົວເຖົ້າເສດຖີ ແຕ່ຢາກມີກິກນ້ອຍ

ຢູ່ຕໍ່ມາເຂົາກໍຊວນຂ້ອຍແຕ່ງງານ, ຂ້ອຍບໍ່ຂັດຂ້ອງຫຍັງເລີຍ ພ້ອມທີ່ຈະເຂົ້າສູ່ວິວາໄດ້ທຸກເວລາ. ພາຍຫຼັງແຕ່ງງານແລ້ວເຂົາກໍຊວນຂ້ອຍເອົາລູກ, ແຕ່ຂ້ອຍຄິດວ່າຕົນເອງຍັງເປັນສາວຢູ່ ຍັງຢາກຫຼິ້ນ ຈຶ່ງບໍ່ທັນພ້ອມທີ່ຈະເອົາລູກ. ເມື່ອຂ້ອຍບໍ່ເຫັນດີເຂົາກໍບໍ່ເວົ້າຫຍັງ. ເມື່ອຜົວມີເງິນໃຫ້ໃຊ້ຈ່າຍບໍ່ອັ້ນ ຂ້ອຍກໍເກີດມີແນວຄິດຫຼີ້ນກິນ, ຈຶ່ງໄດ້ໄປຄົບກັບບ່າວນ້ອຍຄົນໜຶ່ງ, ຂ້ອຍກໍຈ່າຍບໍ່ອັ້ນເພື່ອຫຼີ້ນກັບບ່າວນ້ອຍເຈົ້າຊູຄົນນັ້ນຢ່າງສະສົມໃຈ. ແຕ່ບໍ່ເປັນຈັ່ງນັ້ນເມື່ອຜົວລັດຮູ້ວ່າຂ້ອຍຫຼີ້ນກັບບ່າວນ້ອຍຜົວກໍຕັດທໍ່ນໍ້າລ້ຽງ. ປັດຈຸບັນຂ້ອຍຕົກຢູ່ໃນສະພາບກືນບໍ່ເຂົ້າຄາຍບໍ່ອອກ. ເລືອກເສັ້ນທາງໃດດີ, ເອົາຜົວນ້ອຍ ຫຼື ເອົາຜົວເຖົ້າ?

- WhatsApp Image 2020 05 27 at 5 - ໄດ້ຜົວເຖົ້າເສດຖີ ແຕ່ຢາກມີກິກນ້ອຍ
- WhatsApp Image 2020 05 27 at 5 - ໄດ້ຜົວເຖົ້າເສດຖີ ແຕ່ຢາກມີກິກນ້ອຍ
error: Alert: ເນື້ອຫາຂ່າວມີລິຂະສິດ !!