ຊີ້ແຈງສາເຫດໄຟໄໝ້ລົດຕູ້ຢູ່ເຂດແຄມຂອງ

- 00 1 - ຊີ້ແຈງສາເຫດໄຟໄໝ້ລົດຕູ້ຢູ່ເຂດແຄມຂອງ
- Untitled design - ຊີ້ແຈງສາເຫດໄຟໄໝ້ລົດຕູ້ຢູ່ເຂດແຄມຂອງ

    ເມື່ອບໍ່ດົນມານີ້, ໄດ້ມີສື່ສັງຄົມອອນລາຍນຳສະເຫນີເຫດການລົດຕູ້ຄັນໜຶ່ງ​ເກີດ​ໄຟລຸກໄໝ້ຢູ່ເຂດແຄມຂອງ ສວນເຈົ້າອານຸວົງ ຊຶ່ງພາຍຫລັງເກີດເຫດການ ເຈົ້າໜ້າທີ່ກໍໄດ້ລົງສືບສວນ-ສອບສວນ ແລ້ວອອກມາຊີ້ແຈງຕໍ່ສາເຫດທີ່ເກີດຂຶ້ນ.

ໂດຍທ່ານ ພັນໂທ ຄໍາເພັດ ດາລາວົງ ຮັກສາການຫົວໜ້າພະແນກສະກັດກັ້ນ ແລະ ຕ້ານອັກຄີໄພ ຫ້ອງຕໍາຫຼວດ ກອງບັນຊາການ ປກສ ນະຄອນຫລວງວຽງຈັນ ໃຫ້ຮູ້ວ່າ: ສາເຫດທີ່ກໍ່ໃຫ້ເກີດໄຟໄໝ້ລົດຄັນດັ່ງກ່າວ ແມ່ນຍ້ອນລະບົບໄຟຂອງລົດມີບັນຫາ, ໂຊກດີບໍ່ມີຄົນເສຍຊີວິດ ຫຼື ໄດ້ຮັບບາດເຈັບ ຊຶ່ງໃນເວລາ 18:30 ໂມງ ຂອງວັນທີ 6 ມັງກອນນີ້ ໄດ້ມີພົນລະເມືອງດີໂທມາແຈ້ງວ່າ: ມີເຫດໄຟໄໝ້ລົດຕູ້ສະຕຣາແລັກ ຢູ່ຕໍ່ໜ້າໂຮງແຮມລ້ານຊ້າງ ເມືອງຈັນທະບູລີ ນະຄອນຫຼວງວຽງຈັນ. ຈາກນັ້ນເຈົ້າໜ້າທີ່ຈຶ່ງໄດ້ແຕ່ງພະນັກງານວິຊາສະເພາະ ຈໍານວນ 4 ຄົນ ພ້ອມດ້ວຍລົດມອດໄຟ ຈໍານວນ 1 ຄັນ ເພື່ອເຂົ້າມາຊ່ວຍມອດໄຟໃນຄັ້ງນີ້ ເຊິ່ງໃຊ້ເວລາປະມານ 20 ນາທີ ຈຶ່ງສາມາດຄວບຄຸມໄຟໄວ້ໄດ້; ສ່ວນສາເຫດທີ່ເຮັດໃຫ້ເກີດໄຟໄໝ້ ແມ່ນຍ້ອນລະບົບໄຟຂອງລົດມີບັນຫາ ແລະ ໄຟໄດ້ໄໝ້ລົດເສຍຫາຍໝົດທັງຄັນ.

- Wave100S AD to Website 2020 0 - ຊີ້ແຈງສາເຫດໄຟໄໝ້ລົດຕູ້ຢູ່ເຂດແຄມຂອງ

    ເຈົ້າໜ້າທີ່ໃຫ້ຮູ້ວ່າ: ຜ່ານການສອບປາກຄໍາທ້າວ ເລດລີ ໂກລີອອດ ອາຍຸ 41 ປີ ສັນຊາດອາເມລິກາ ຜູ້ຂັບລົດດັ່ງກ່າວ ໄດ້ໃຫ້ການເບື້ອງຕົ້ນວ່າ: ລົດຄັນດັ່ງກ່າວເປັນລົດຂອງສູນສອນພາສາອັງກິດ ອາຣດ້າ ເຊິ່ງໃນມື້ເກີດເຫດຕົນໄດ້ຂັບຂີ່ລົດມາແຕ່ສະຖານທູດອາເມລິກາ ເພື່ອຈະກັບໄປເຮືອນເຊົ່າຂອງຕົນ ຢູ່ບ້ານສີໄຄທ່າ ເມືອງສີໂຄດຕະບອງ, ແຕ່ພໍມາຮອດຈຸດເກີດເຫດ ໄດ້ເຫັນຄວັນໄຟອອກຈາກກະໂປງໜ້າລົດ ຕົນເອງຈຶ່ງໄດ້ຈອດລົດໄວ້ສະຖານທີ່ດັ່ງກ່າວ ແລ້ວໄດ້ໄປຂໍຄວາມຊ່ວຍເຫຼືອຈາກປະຊາຊົນທີ່ຢູ່ໃກ້ຄຽງ ເພື່ອໃຫ້ໂທແຈ້ງເຈົ້າໜ້າທີ່ມາຊ່ວຍມອດໄຟໃນຄັ້ງນີ້.

- WhatsApp Image 2020 05 27 at 5 - ຊີ້ແຈງສາເຫດໄຟໄໝ້ລົດຕູ້ຢູ່ເຂດແຄມຂອງ
- WhatsApp Image 2020 05 27 at 5 - ຊີ້ແຈງສາເຫດໄຟໄໝ້ລົດຕູ້ຢູ່ເຂດແຄມຂອງ
error: Alert: ເນື້ອຫາຂ່າວມີລິຂະສິດ !!