ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ

- 11 3 - ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ
- Untitled design - ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ

       ເຈົ້າໜ້າທີ່ ປກສ ເມືອງຄໍາເກີດ ແຂວງບໍລິຄໍາໄຊ ໄດ້ໃຫ້ຮູ້ວ່າ: ​ໃນວັນທີ 28 ທັນວາຜ່ານມາ, ເຈົ້າໜ້າທີ່ກອງບັນຊາການທະຫານເມືອງຂອງ​ຕົນໄດ້ຮັບລາຍງານຈາກພົນລະດີວ່າມີບຸກຄົນຈະເຄື່ອນຍ້າຍຢາເສບຕິດອອກຈາກເສັ້ນທາງເມືອງໄຊຈໍາພອນ ແຂວງບໍລິຄໍາໄຊເຂົ້າມາເມືອງຄໍາເກີດ ໂດຍນໍາໃຊ້ພາຫະນະ ປະເພດລົດຈັກ ເພື່ອຂົນສົ່ງໄປປະເທດໃກ້ຄຽງ.

- 81645719 2227445524229501 8574877403027865600 o - ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ
- 81625915 2227445584229495 781097711821651968 o - ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ

     ພາຍຫຼັງໄດ້ຮັບແຫຼ່ງຂ່າວ ທາງເຈົ້າໜ້າທີ່ທະຫານຈຶ່ງໄດ້ຈັດວາງກໍາລັງອອກຕິດຕາມກວດກາຢູ່ຕາມຈຸດຕ່າງໆ​ໃນເສັ້ນທາງເລກ 8A, ຈົນຮອດເວລາ 20 ໂມງ ຂອງວັນທີ 1 ມັງກອນນີ້ ຈຶ່ງພົບເຫັນຜູ້ຕ້ອງສົງໄສ 1 ຄົນຂັບຂີ່ລົດຈັກທີ່ມີເປົາສອງໜ່ວຍມັດຕິດທ້າຍລົດແລ່ນມຸ່ງໜ້າເຂົ້າມາເມືອງຄໍາເກີດ, ເມື່ອມາຮອດສົ້ນຂົວບ້ານຫຼັກ 12 ເຈົ້າໜ້າທີ່ຈຶ່ງໄດ້ລັດລົດຈັກຄັນດັ່ງກ່າວເພື່ອກວດກາ, ໃນເວລາດຽວກັນຜູ້ຕ້ອງສົງໄສໄດ້ຈອດລົດຈັກແລ້ວຖິ້ມລົດລົງແຄມທາງ ແລະ ໄດ້ເອົາຕົວຫຼົບໜີແລ່ນເຂົ້າໄປໃນປ່າ, ຈາກນັ້ນເຈົ້າໜ້າທີ່ຈຶ່ງໄດ້ເຂົ້າໄປກວດຄົ້ນລົດຈັກຄັນດັ່ງກ່າວເປັນລົດຈັກເວັບ 100 ສີປອນ-ດໍາ ບໍ່ຕິດປ້າຍທະບຽນ, ມີເປົາ 2 ໜ່ວຍມັດຕິດຢູ່ທ້າຍລົດຈັກ ທີ່ບັນຈຸຢາໄອສ໌ ຈໍານວນ 25 ຫໍ່ ມີນໍ້າໜັກ 31 ກິໂລກຼາມ. ​ແລ້ວເຈົ້າໜ້າທີ່ທະຫານຈຶ່ງ​ໄດ້ນໍາເອົາເຄື່ອງຂອງກາງດັ່ງກ່າວມາສົ່ງມອບໃຫ້ເຈົ້າໜ້າທີ່ ປກສ ເມືອງຄໍາເກີດ ແຂວງບໍລິຄໍາໄຊ ເພື່ອທໍາການສືບສວນ-ສອບສວນຂະຫຍາຍຜົນຫາຜູ້ເປັນເຈົ້າຂອງລົດຈັກ ແລະ ຜູ້ທີ່ເປັນເຈົ້າຂອງຢາໄອສ໌ຈໍານວນດັ່ງກ່າວມາດໍາເນີນຄະດີຕາມລະບຽບກົດໝາຍໃນຂັ້ນຕໍ່ໄປ.

- Wave100S AD to Website 2020 0 - ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ
- WhatsApp Image 2020 05 27 at 5 - ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ
- WhatsApp Image 2020 05 27 at 5 - ເຈົ້າໜ້າທີ່ທະຫານເມືອງຄໍາເກີດຢຶດຢາໄອສ໌ໄດ້ 30 ກວ່າກິໂລກຼາມ
error: Alert: ເນື້ອຫາຂ່າວມີລິຂະສິດ !!