ໄຟໄໝ້ຢູ່ ອົດສະຕຣາລີ ມີຫຍັງຕ້ອງຮຽນຮູ້

- 666 - ໄຟໄໝ້ຢູ່ ອົດສະຕຣາລີ ມີຫຍັງຕ້ອງຮຽນຮູ້
- Untitled design - ໄຟໄໝ້ຢູ່ ອົດສະຕຣາລີ ມີຫຍັງຕ້ອງຮຽນຮູ້

ໂດຍ: ມຶກບໍ່ແຫ້ງ

ແປວໄຟທີ່ໄໝ້ເກືອບທຸກພາກຂອງອົດສະຕຣາລີນັ້ນເຮັດໃຫ້ຄົນທົ່ວ ໂລກນໍ້າຕາຕົກນຳຈາກພາບທີ່ຝູງສັດປ່າ ແລະ ສັດລ້ຽງຕາຍກອງເດຍ ລະດາດ, ຜູ້ຄົນຈຳນວນຫຼາຍຖືກອົບພະຍົບ ແລະ ເຮືອນຊານຫຼາຍພັນຫຼັງ ກາຍເປັນເຖົ່າຖ່ານ ເຊິ່ງເປັນບົດຮຽນລາຄາແພງຕໍ່ປະເທດອົດສະຕຣາລີເອງ ແລະ ປະເທດອື່ນໆ.

ໄຟປ່າເລີ່ມໄໝ້ ຢູ່ອົດສະຕຣາລີເລີ່ມແຕ່ທ້າຍປີ 2019 ແຕ່ຄວາມ ຮຸນແຮງເພີ່ມທະວີຂຶ້ນເມື່ອສອງສາມທິດທີ່ຜ່ານມາ ໂດຍສະເພາະທາງທິດ ໃຕ້, ທິດຕາເວັນອອກຂອງປະເທດທີ່ພວກເຮົາເຫັນບັນດາຮູບພາບໄຟໄໝ້ ອັນມະຫຶມາເກີນກວ່າກຳລັງມະນຸດຈະດັບໄດ້ຢ່າງໄວວາ.

ມາຮອດປັດຈຸບັນໄຟໄດ້ໄໝ້ໃນເນື້ອທີ 5.5 ລ້ານເຮັກຕາ ເຊິ່ງທຽບ ເທົ່າກັບ ເນື້ອທີ່ປະເທດແບນຊິກ. ສາສດາຈານຢູ່ມະຫາວິທະຍາໄລຊິດນີ ຄາດຄະເນວ່າ ຈາກໄຟໄໝ້ດັ່ງກ່າວຈະເຮັດໃຫ້ສັດປ່າຂອງປະເທດຖືກຂ້າ ຕາຍຈຳນວນ 480 ລ້ານໂຕ ເຊິ່ງເປັນການສູນເສຍທາງດ້ານຊີວະນານາ ຄັ້ງໃຫຍ່ທີ່ສຸດ ແລະ ຄາດວ່າສັດບາງຊະນິດຈະຕ້ອງສ່ຽງໃນການສູນ ພັນຕື່ມອີກ.

ນອກນັ້ນ, ມາຮອດປັດຈຸບັນມີລາຍງານວ່າ 24 ຄົນໄດ້ເສຍຊີວິດ ແລະ ທີ່ຢູ່ອາໄສຫຼາຍກວ່າ 1.400 ຖືກໄຟໄໝ້ເສຍຫາຍຢ່າງໜັກ. ເຫດດັ່ງກ່າວ ໄດ້ກໍ່ໃຫ້ເກີດມົນລະພິດທາງອາກາດຢ່າງໜັກໜ່ວງ, ໃນປັດຈຸບັນ ນະຄອນຫຼວງແຄນເບີຣາແມ່ນມີອັດຕາຝຸ່ນລະອອງສູງທີ່ສຸດໃນໂລກ, ປະຊາກອນເກືອບ 10 ລ້ານໄດ້ຮັບຜົນກະທົບ.

ຄວາມຈິງແລ້ວ ອົດສະຕຣາລີເປັນປະເທດທີ່ພົບພໍ້ໄຟປ່າເກືອບທຸກປີ ຍ້ອນສະພາບພູມອາກາດຂອງປະເທດບາງຂົງເຂດແຫ້ງແລ້ງແຕ່ມາຮອດ ປີນີ້ ຍ້ອນຄື່ນຄວາມຮ້ອນເຮັດໃຫ້ອຸນຫະພູມສູງຂຶ້ນເກືອບຮອດ 50 ອົງສາ ແລະ ມີລົມພັດແຮງ ເຊິ່ງກໍ່ໃຫ້ເກີດໄຟໄໝ້ຢ່າງຮຸນແຮງ ແລະ ແຜ່ລາມຢ່າງໄວວາ, ເວົ້າກັນວ່າແປວໄຟນັ້ນສູງຮອດ 70 ກວ່າ ແມັດ. ຍ້ອນແນວນັ້ນ ເຖິງວ່າຈະມີພະນັກງານດັບເພີງຫຼາຍພັນຄົນ ແຕ່ກໍຍັງບໍ່ສາ ມາດຢຸດຢັ້ງໄຟປ່າທີ່ໜ້າຢ້ານນີ້ໄດ້ເລີຍ.

- Wave100S AD to Website 2020 0 - ໄຟໄໝ້ຢູ່ ອົດສະຕຣາລີ ມີຫຍັງຕ້ອງຮຽນຮູ້

ກ່ອນໜ້ານີ້ ນັກວິທະຍາສາດ ແລະ ນັກອຸຕຸນິຍົມໄດ້ອອກມາເຕືອນ ແລ້ວວ່າໄຟປ່າຢູ່ອົດສະຕຣາລີຈະຮຸນແຮງຂຶ້ນ ແຕ່ໃນເບື້ອງຕົ້ນ ທາງການຂອງປະເທດດັ່ງກ່າວ ກໍຄິດວ່າຈະສາມາດຄວບຄຸມໄດ້ ແຕ່ແລ້ວ ຄວາມຮຸນແຮງຂອງໄຟນັ້ນເຮັດໃຫ້ຄວາມອາດສາມາດທີ່ມີຢູ່ເກີນກວ່າ ຈະສາມາດຄວບຄຸມ.

ນັກອຸຕຸນິຍົມຍັງເຊື່ອວ່າ ປາກົດການເຊັ່ນນີ້ຈະເພີ່ມທະວີຂຶ້ນທຸກປີ ແລະ ຮຸນແຮງຂຶ້ນຍ້ອນການປ່ຽນແປງດິນຟ້າອາກາດທີ່ເຮັດໃຫ້ອຸນຫະພູມ ເພີ່ມສູງຂຶ້ນ, ຄວາມສ່ຽງໃນການເກີດໄຟປ່າກໍສູງຂຶ້ນ.

ຫຼາຍປີຜ່ານມາ ປະຊາຊົນພາຍໃນປະເທດຄິດວ່າ ລັດຖະບານອົດ ສະຕຣາລີບໍ່ເອົາຫົວໃສ່ໃຈຊາ ເລື່ອງການປ່ຽນແປງດິນຟ້າອາກາດພໍເທົ່າ ໃດເຊິ່ງເປັນສາເຫດຂອງໄພພິບັດທີ່ຮ້າຍແຮງດັ່ງກ່າວ,  ມາຮອດຕອນນີ້ ຫຼາຍຝ່າຍຈຶ່ງຄິດວ່າການສ້າງນະໂຍບາຍກ່ຽວກັບການປ່ຽນແປງດິນຟ້າ ອາກາດ ແລະ ການປ່ຽນແປງໂຄງສ້າງເສດຖະກິດໃຫ້ມີລັກສະນະຍືນຍົງ ແລະເປັນມິດກັບສິ່ງແວດລ້ອມນັ້ນແມ່ນຄວາມຈຳເປັນອັນຮີບດ່ວນ.

ຄວາມສ່ຽງຕໍ່ໄຟປ່າຂອງປະເທດເຮົາກໍມີບໍ່ໜ້ອຍເພາະສະນັ້ນ ການເຂັ້ມງວດໃນການເຝົ້າລະວັງແມ່ນມີຄວາມຈຳເປັນທີ່ສຸດ ໂດຍສະເພາະໃນຍາມແລ້ງເຊັ່ນນີ້ທີ່ມີອຸນຫະພູມສູງຂຶ້ນ, ການປ່ຽນແປງ ດິນຟ້າອາກາດກໍບໍ່ໄດ້ໄກຈາກພວກເຮົາອີກແລ້ວ, ຍິ່ງອຸນຫະພູມເພີ່ມຂຶ້ນ ຄວາມສ່ຽງເລື່ອງໄຟໄໝ້ປ່າກໍສູງຂຶ້ນເຊັ່ນກັນ.

- WhatsApp Image 2020 05 27 at 5 - ໄຟໄໝ້ຢູ່ ອົດສະຕຣາລີ ມີຫຍັງຕ້ອງຮຽນຮູ້
- WhatsApp Image 2020 05 27 at 5 - ໄຟໄໝ້ຢູ່ ອົດສະຕຣາລີ ມີຫຍັງຕ້ອງຮຽນຮູ້
error: Alert: ເນື້ອຫາຂ່າວມີລິຂະສິດ !!