ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ

ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ - 123 - ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ
ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ - Untitled design - ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ

    ປັດຈຸບັນ, ເຈົ້າໜ້າທີ່ຕຳຫລວດ ປກສ ນະຄອນຫລວງວຽງຈັນ ໄດ້ເພີ່ມທະວີສະກັດກັ້ນສະພາບປະກົດການຫຍໍ້ທໍ້, ໂດຍສະເພາະແມ່ນບັນຫາປຸ້ນ-ຈີ້, ຊີງຊັບນັກທ່ອງທ່ຽວ ໃນເຂດແຄມຂອງ, ວັດຈັນ ແລະ ເຂດໃກ້ຄຽງ, ໃຫ້ມີຄວາມສະຫງົບ, ພາຍຫລັງ, ມີກຸ່ມຄົນບໍ່ດີເຄື່ອນໄຫວກໍ່ເຫດການດັ່ງກ່າວມາແລ້ວຫລາຍຄັ້ງ, ຊຶ່ງລ່າສຸຸດແມ່ນໄດ້ມີໄວລຸ້ນສອງຄົນ, ໃຊ້ອາວຸດ, ມີດ ແລະ ງ້າວ ຈີ້ເອົາຊັບສິນຂອງນັກທ່ອງທ່ຽວເພດຍິງ ອາຍຸປະມານ 40 ປີ ທີ່ກຳລັງຍ່າງຢູ່ເຂດແຄມຂອງລົງມາທາງວັດອົງຕື້ກ່ອນຈະຫລົບໜີໄປ ແລະ ອີກຫລາຍໆເຫດການທີ່ເກີດຂຶ້ນ ສະນັ້ນ ທາງເຈົ້າໜ້າທີ່ກຳລັງເລັ່ງແກ້ໄຂໃຫ້ສະຫງົບລົງ.

    ທ່ານ ຫົວໜ້າກອງບັນຊາການ ປກສ ເມືອງ ຈັນທະບູລີ ໃຫ້ຮູ້ວ່າ: ເຫດການປຸ້ນຈີ້-ຊີງຊັບນັກທ່ອງທ່ຽວ ເຂດແຄມຂອງ, ວັດຈັນ ແລະ ເຂດໃກ້ຄຽງແມ່ນເກີດຂຶ້ນມີຈິງແທ້, ໂດຍກຸ່ມຄົນບໍ່ດີຈະສວຍໂອກາດໃນເວລາກາງເວັນ ໄປຫາກາງຄືນ, ຊຶ່ງມີນັກທ່ງທ່ຽວທັງພາຍໃນ ແລະ ຕ່າງປະເທດມາຍ່າງຫລີ້ນໃນເຂດດັ່ງກ່າວເປັນຈຳນວນຫລາຍ ແລະ ມັກຈະພົບເຫັນແມ່ນຢູ່ ໜ້າວັດຈັນ ຫາ ສາມແຍກປາກປາສັກ ແລະ ທາງແຄມຂອງລົງມາຫາວັດອົງຕື້ ຊຶ່ງຈຸດດັ່ງກ່າວມີຊຸມຊົນຊາວຄ້າຂາຍເປັນຈຳນວນຫລາຍ ເຮັດໃຫ້ເປັນຊ່ອງຫວ່າງໃຫ້ກັບຄົນບໍ່ດີ, ມີທັງອາວຸດມີດ, ງ້າວ ແລະ ອື່ນໆ ທີ່ເຄື່ອນໄຫວກະທຳຜິດ, ຜ່ານມາ ທາງເຈົ້າໜ້າທີ່ເມືອງກໍໄດ້ເພີ່ມທະວີຄວາມເອົາໃຈໃສ່ຕິດຕາມແກ້ໄຂ ແລະ ກໍສາມາດຈັບຜູ້ກະທຳຜິດມາດຳເນີນຄະດີໄດ້ຫລາຍຄົນ, ສະນັ້ນ ໃນຕໍ່ໜ້າເພື່ອສະກັດກັ້ນສະພາບດັ່ງກ່າວ, ກໍໄດ້ສົ່ງເຈົ້າໜ້າທີ່ລົງເຄື່ອນໄຫວກວດກາ ແລະ ເນັ້ນໃຫ້ເຈົ້າໜ້າທີ່ປກສກຸ່ມ ແລະ ປກສ ບ້ານເຄື່ອນໄຫວຊ່ວຍກັນ, ພ້່ອມດຽວກັນນັ້ນ ກໍຍັງໄດ້ສະເຫນີໃຫ້ທາງ ນະຄອນຫລວງວຽງຈັນ ໄດ້ຕິດຕັ້ງກ້ວງວົງຈອນປິດໃນເຂດດັ່ງກ່າວເພີ່ມຂຶ້ນ ເພື່ອຈະໄດ້ກວດກາ ແລະ ນຳຈັບຜູ້ກໍ່ເຫດມາດຳເນີນຄະດີໄດ້ທ່ວງທັນ, ຮັບປະກັນໃຫ້ບ້ານເມືອງມີຄວາມສະຫງົບ.

    ເຈົ້າໜ້າທີ່ໃຫ້ຮູ້ວ່າ: ໃນປີ 2019 ນີ້, ຢູ່ ນະຄອນຫລວງວຽງຈັນ ມີປະກົດການຫຍໍ້ທໍ້ເກີດຂື້ນທັງໝົດ 3.000 ກວ່າເລື່ອງ, ແກ້ໄຂໄດ້ 2.000 ກວ່າເລື່ອງ, ສາມາດກັກຕົວຜູ້ຖືກຫາໄດ້ 3.000 ກວ່າຄົນ. ໃນນີ້ ພົ້ນເດັ່ນກວ່າໝູ່ແມ່ນລັກຊັບພົນລະເມືອງ ແລະ ປຸ້ນ-ຈີ້ ຊີງຊັບ ເກີດຂຶ້ນກ່ວາ 1 ພັນເລື່ອງ.

ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ - Wave100S AD to Website 2020 0 - ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ
ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ - WhatsApp Image 2020 05 27 at 5 - ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ
ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ - WhatsApp Image 2020 05 27 at 5 - ຕຳຫລວດຈະເພີ່ມທະວີສະກັດກັ້ນປະກົດການຫຍໍ້ທໍ້ໃນເຂດແຄມຂອງ
error: Alert: ເນື້ອຫາຂ່າວມີລິຂະສິດ !!