ບາງບົດຮຽນກໍ່ສ້າງພັກປອດໃສ ເຂັ້ມແຂງຈາກພັກຄອມມູນິດ ຫວຽດນາມ

ບາງບົດຮຽນກໍ່ສ້າງພັກປອດໃສ ເຂັ້ມແຂງຈາກພັກຄອມມູນິດ ຫວຽດນາມ - advert banner 728 90 728x90 - ບາງບົດຮຽນກໍ່ສ້າງພັກປອດໃສ ເຂັ້ມແຂງຈາກພັກຄອມມູນິດ ຫວຽດນາມ

ໂດຍ: ລູກເມືອງພວນ

ບາງບົດຮຽນກໍ່ສ້າງພັກປອດໃສ ເຂັ້ມແຂງຈາກພັກຄອມມູນິດ ຫວຽດນາມ - lattana 1 - ບາງບົດຮຽນກໍ່ສ້າງພັກປອດໃສ ເຂັ້ມແຂງຈາກພັກຄອມມູນິດ ຫວຽດນາມ
ບາງບົດຮຽນກໍ່ສ້າງພັກປອດໃສ ເຂັ້ມແຂງຈາກພັກຄອມມູນິດ ຫວຽດນາມ - Wave100S AD to Website 2020 0 - ບາງບົດຮຽນກໍ່ສ້າງພັກປອດໃສ ເຂັ້ມແຂງຈາກພັກຄອມມູນິດ ຫວຽດນາມ

ການກໍ່ສ້າງພັກໃຫ້ປອດໃສເຂັ້ມແຂງ ແລະ ໜັກແໜ້ນ ແມ່ນນະໂຍບາຍການເມືອງຂອງພັກເຮົາ. ໃນຕົວຈິງໄດ້ຊີ້ໃຫ້ເຫັນວ່າ ມີແຕ່ສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນເທົ່ານັ້ນ ພັກຈິ່ງຈະສາມາດນຳພາພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໄດ້ ໃນຍຸກໂລກາພິວັດທີ່ບໍ່ມີພົມແດນ. ດັ່ງນັ້ນ, ການສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນຈຶ່ງ ກາຍເປັນຄວາມຈຳເປັນພາວະວິໄສຂອງພັກເຮົາໃນໄລຍະໃໝ່. ໃນໄລຍະທີ່ຜ່ານມາ, ເຖິງແມ່ນວ່າພັກເຮົາໄດ້ມີຄວາມພະຍາຍາມຍົກສູງຖານະບົດບາດ ການນຳພາຂອງພັກດ້ວຍການສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ແຕ່ບໍ່ທັນໄດ້ດີເທົ່າທີ່ຄວນ ຈຶ່ງໄດ້ວາງນະໂຍບາຍການສ້າງພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ໃນແຕ່ລະໄລຍະໃຫ້ສອດຄ່ອງ. ຈາກສ້າງໜ່ວຍພັກແຂງ ຮູ້ນຳພາຮອບດ້ານມາເປັນສ້າງໜ່ວຍພັກໃຫ້ປອດໃສ, ເຂັ້ມແຂງ ແລະ ໜັກແໜ້ນ ໃນປັດຈຸບັນ.

ເພື່ອໃຫ້ເຫັນເພິ່ນ ເຫັນໂຕ ທັງເປັນການຖອດຖອນບົດຮຽນ, ພວກເຮົາລອງມາເບິ່ງການສ້າງພັກໃຫ້ປອດໃສ, ເຂັ້ມແຂງຂອງຫວຽດນາມເພິ່ນເຮັດແນວໃດກັນ.

ໜຶ່ງ: ຫວຽດນາມໄດ້ອອກແຮງປັບປຸງ, ກໍ່ສ້າງ ແລະ ປົກປ້ອງພື້ນຖານການເມືອງໃຫ້ໜັກແໜ້ນ, ຍົກສູງຄັນທຸງລັດທິມາກ-ເລນິນ ແລະ ແນວຄິດໂຮ່ຈິມິນ, ຕາມທິດເອກະລາດແຫ່ງຊາດ ແລະ ສັງຄົມນິຍົມ ເພື່ອຊີ້ນຳການປະຕິວັດເດີນຕາມທິດສັງຄົມນິຍົມ,ຢຶດໝັ້ນຈຸດໝາຍເອກະລາດແຫ່ງຊາດ ແລະ ສັງຄົມນິຍົມ, ພ້ອມກັນນັ້ນກໍຕ້ອງມີຫົວຄິດປະດິດສ້າງໃນການປ່ຽນແປງໃໝ່ຢ່າງບໍ່ຢຸດຢັ້ງໃນການຈັດຕັ້ງປະຕິບັດແນວທາງ, ນະໂຍບາຍ ໃຫ້ສອດຄ່ອງກັບຄວາມເປັນຈິງຂອງຫວຽດນາມ.

ສອງ:ເພີ່ມທະວີການສຶກສາອົບຮົມການເມືອງ-ແນວຄິດໃຫ້ແກ່ຖັນແຖວພະນັກງານ ສະມາຊິກພັກ, ຍູ້ແຮງການສຶກສາອົຍຮົມ ຝຶກຝົນຄຸນສົມບັດປະຕິວັດ, ຮໍ່າຮຽນເອົາແນວຄິດ, ຄຸນສົມບັດສິນທຳປະຕິວັດຂອງປະທານ ໂຮ່ຈິມິນ ພິເສດແມ່ນຍົກສູງຄວາມເປັນແບບຢ່າງຂອງເລຂາພັກ, ຫົວໜ້າປົກຄອງລັດແຕ່ລະຂັ້ນ. ເດັດດ່ຽວຕ້ານກັບກຳລັງອິດທິປໍລະປັກ ເພື່ອປ້ອງກັນພັກ, ປ້ອງກັນລະບອບ.

ສາມ:ຢຶດໝັ້ນຫຼັກການລວມສູນປະຊາທິປະໄຕ, ເພີ່ມທະວີການຕຳນິສົ່ງຂ່າວຊຶ່ງກັນ ແລະ ກັນ ແລະ ຕຳນິຕົນເອງ, ຮັກສາຄວາມສາມັກຄີທີ່ເປັນເອກະພາບ, ຈັດຕັ້ງປະຕິບັດກົດລະບຽບພັກ, ກົດໝາຍຂອງລັດຢ່າງເຄັ່ງຂັດ, ສົ່ງເສີມປະຊາທິປະໄຕ, ເດັດດ່ຽວຕ້ານການສໍ້ລາດບັງຫຼວງ ເພື່ອຮັກສາຄວາມປອດໃສຂອງພັກ ແລະ ລັດ ຊຶ່ງເປັນພື້ນຖານຂອງການກໍ່ສ້າງພັກໃຫ້ປອດໃສ ເຂັ້ມແຂງ.

ສີ່: ເພີ່ມທະວີການປ່ຽນແປງໃໝ່ການຈັດຕັ້ງຂອງພັກໃຫ້ແຂງແຮງ, ສ້າງຖັນແຖວພະນັກງານ, ສະມາຊິກພັກ ທີ່ມີຄຸນທາດການເມືອງ, ມີຄຸນສົມບັດສິນທຳປະຕິວັດ, ມີລະດັບຄວາມຮູ້ຄວາມສາມາດ, ສຸມໃສ່ສ້າງຖັນແຖວພະນັກງານຍຸດທະສາດ ທີ່ມີທາດແທ້ການເມືອງ, ມີຄຸນສົມບັດສິນທຳປະຕິວັດ, ມີແບບແຜນດຳລົງຊີວິດ ແລະ ຍົກສູງສິດຜົນປະໂຫຍດຂອງພັກ, ຂອງຊາດ ແລະ ຂອງປະຊາຊົນ, ເພີ່ມທະວີການຄຸ້ມຄອງຖັນແຖວພະນັກງານ, ປະຕິບັດກົດລະບຽບຂອງພັກ, ກົດໝາຍຂອງລັດ, ສະກັດກັ້ນການລົງຄ້ອຍ ເສຍທາດຂາດຄຸນ ພ້ອມທັງເອົາຈຳພວກສວຍໂອກາດ ແລະ ສໍ້ລາດບັງຫຼວງອອກຈາກພັກ.

ຫ້າ:ເພີ່ມທະວີການຕິດຕາມ, ກວດກາການຈັດຕັ້ງປະຕິບັດມະຕິ, ຂໍ້ກຳນົດກົດລະບຽບຂອງພັກ, ກົດໝາຍຂອງລັດ, ກໍ່ສ້າງກົນໄກຄຸ່ມຄອງທີ່ເຂັ້ມແຂງ, ເສີມຂະຫຍາຍບົດບາດການຕິດຕາມ, ການຕິຊົມຂອງອົງການແນວລາວສ້າງຊາດ ກໍຄືການຈັດຕັ້ງການເມືອງ-ສັງຄົມຂອງສຳນັກງານຂ່າວສານ-ໜັງສືພິມ

ຫົກ:ຕ້ອງຢຶດໝັ້ນບົດຮຽນທີ່ວ່າ “ເອົາປະຊາຊົນເປັນກົກ” ສ້າງຄວາມເຊື່ອໝັ້ນໃຫ້ປະຊາຊົນ ແລະ ສັງຄົມ ແມ່ນເງື່ອນໄຂເປັນຕາຍໃນການກໍ່ສ້າງພັກ. ສ້າງ ແລະ ປັບປຸງສາຍພົວພັນລະຫ່ວາງພັກ-ລັດ ແລະ ປະຊາຊົນໃຫ້ດີກ່ວາເກົ່າ, ເສີມຂະຫຍາຍບົດບາດ ແລະ ກຳລັງແຮງຂອງປະຊາຊົນໃນການກໍ່ສ້າງພັກ, ຕໍ່ສູ້ການລົງຄ້ອຍ, ຕ້ານການສໍ້ລາດບັງຫຼວງ ເພື່ອໃຫ້ພັກມີຄວາມປອດໃສ ຮັກສາຄວາມໄວ້ເນື້ອເຊື່ອໃຈຂອງປະຊາຊົນຕໍ່ພັກ.

ຕະຫຼອດໄລຍະ 40 ປາຍປີທີ່ຜ່ານມາ, ພັກໄດ້ມີຄວາມພະຍາຍາມປັບປຸງຕົນເອງໃຫ້ມີຄວາມປອດໃສ ເຂັ້ມແຂງ ແລະ ໜັກແໜ້ນຢູ່ຕະຫຼອດເວລາ. ຍ້ອນແນວນັ້ນພັກເຮົາຈຶ່ງຍືນຍົງຄົງຕົວຢູ່ໄດ້ ແລະ ນັບມື້ໄດ້ຮັບຄວາມໄວ້ເນື້ອເຊື່ອໃຈຈາກປະຊາຊົນ. ພາລະກິດປະຕິວັດຢູ່ບ້ານເຮົານັບມື້ມີບົດບາດຢູ່ໃນເວທີພາກພື້ນ ແລະ ສາກົນ. ແຕ່ເພື່ອຮັບປະກັນບົດບາດການນຳພາຂອງພັກໃນການປົດປ່ອຍປະເທດຊາດອອກຈາກສະຖານະພາບດ້ອຍພັດທະນາ, ພັກຕ້ອງເດັດດ່ຽວປັບປຸງພັກ ແລະ ປ່ຽນແປງໃໝ່ການຄຸ້ມຄອງຊີ້ນຳໆພາຂອງພັກ, ຕັດສິນໃຈເລືອກເຟັ້ນເອົາຜູ້ທີ່ດີ ມີຄວາມຮູ້ຄວາມສາມາດ, ມີຄຸນສົມບັດສິນທຳປະຕິວັດ ເຂົ້າພັກ ແລະ ເດັດດ່ຽວເອົາຜູ້ບໍ່ດີ ມີພຶດຕິກຳສໍ້ລາດບັງຫຼວງ, ນັກເລງອັນຕະພານ, ບໍ່ເປັນແບບຢ່າງນຳໜ້າອອກຈາກພັກ.

———————————

error: Alert: Content is protected !!