ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້

ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້ - 124 - ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້
ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້ - Untitled design - ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້

      ທະນາຄານ​ໂລກ ​ເປີດ​ເຜີຍ​ວ່າ: ການ​ຂະຫຍາຍຕົວ​ຂອງ​ເສດຖະກິດ​ໂລກ​ມີ​ທ່າ​ອ່ຽງຟື້ນຕົວ​ຂຶ້ນສູ່​ລະດັບ 2,5% ​ໃນ​ປີ 2020 ​ໂດຍ​ເພີ່ມ​ຂຶ້ນ​ເລັກ​ໜ້ອຍ​ຈາກ​ລະດັບ​ຕໍ່າ​ສຸດ 2,4% ​ໃນ​ປີ 2019 ​ແຕ່​ຍັງ​ມີ​ຄວາມ​ສ່ຽງ​ຂອງ​ສະພາບ​ເສດຖະກິດ​ຂາ​ລົງ.

      ທະນາຄານ​ໂລກ ​ເປີດ​ເຜີຍ​ໃນ​ລາຍ​ງານ​ທ່າ​ອ່ຽງ​ເສດຖະກິດ​ໂລກ​ວ່າ: ການ​ຟື້ນຕົວ​ທາງ​ເສດຖະກິດ​ທີ່​ຄາດ​ໄວ້​ອາດ​ແຂງ​ແຮງ​ຂຶ້ນ ຖ້າ​ການ​ດຳ​ເນີນ​ນະ​ໂຍບາຍ​ຜ່ານ​ມາ ​ໂດຍ​ສະ​ເພາະ​ການ​ຫລຸດ​ຄວາມ​ເຄັ່ງ​ຕຶງ​ດ້ານ​ການ​ຄ້າ ​ເຮັດ​ໃຫ້​ຄວາມ​ບໍ່​ແນ່ນອນ​ດ້ານ​ນະ​ໂຍບາຍ​ຫລຸດ​ລົງ​ຢ່າງ​ຕໍ່​ເນື່ອງ.

      ການ​ຂະຫຍາຍຕົວ​ທາງ​ເສດຖະກິດ​ໃນ​ຕະຫລາດ​ເກີດ​ໃໝ່ ​ແລະ ປະ​ເທດ​ກຳລັງ​ພັດທະນາ​ຄາດ​ວ່າ​ຈະ​ເພີ່ມ​ຂຶ້ນສູ່ 4,1% ​ໃນ​ປີ 2020 ຈາກ 3,5% ​ໃນ​ປີ 2019. ຂະນະ​ທີ່​ຄາດ​ວ່າການ​ຂະຫຍາຍຕົວ​ທາງ​ເສດຖະກິດ​ໃນ​ປະ​ເທດ​ພັດທະນາ​ແລ້ວ ຈະ​ຊ້າ​ລົງ​ສູ່ 1,4% ​ໃນ​ປີ 2020 ຈາກ 1,6% ​ໃນ​ປີ 2019 ​ເຊິ່ງ​ເປັນ​ຜົນ​ຈາກ​ຄວາມ​ອ່​ອນ​ແອ​ຢ່າ​ງຕໍ່​ເນື່ອງ​ໃນ​ຂະ​ແໜງ​ການ​ຜະລິດ.

       ລາຍ​ງານ​ລະບຸ​ວ່າ: ການ​ຂະຫຍາຍຕົວ​ຂອງ​​ເສດຖະກິດ​ອາ​ເມ​ລິ​ກາ​ຈະ​ຊ້າ​ລົງມາ​ຢູ່ 1,8% ​ໃນ​ປີ 2020 ຈາກ 2,3% ​ໃນ​ປີ 2019 ​ເຊິ່ງສະທ້ອນ​ເຖິງ​ຜົນ​ກະທົບ​ໃນ​ທາງ​ລົບ​ຈາກ​ການ​ປັບ​ຂຶ້ນພາສີ​ນຳ​ເຂົ້າກ່ອນ​ໜ້າ​ນີ້ ​ແລະ ຄວາມ​ບໍ່​ແນ່ນອນ​ດ້ານ​ນະ​ໂຍບາຍ​ທີ່​ເພີ່ມ​ຂຶ້ນ.

ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້ - Wave100S AD to Website 2020 0 - ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້

       ການ​ຂະຫຍາຍຕົວ​ຂອງ​ເສດຖະກິດ​ຈີນ​ຈະ​ຊ້າ​ລົງ​ມາ​ຢູ່ 5,9% ​ໃນ​ປີ 2020 ຈາກ 6,1% ​ໃນ​ປີ 2019 ​ເນື່ອງ​ຈາກ​ການ​ຂະຫຍາຍຕົວ​ຂອງ​ປະສິດທິພາບ​ແຮງ​ງານ​ຊ້າ​ລົງ ​ແລະ ຍັງ​ຜະ​ເຊີນ​ກັບ​ຜົນ​ກະທົບ​ຈາກ​ຕ່າງປະ​ເທດ.

        ລາຍ​ງານ​ລະບຸ​ອີກ​ວ່າ: ​ເສດຖະກິດ​ໃນ​ປະ​ເທດ​ຕະຫລາດ​ເກີດ​ໃໝ່ ​ແລະ ປະ​ເທດ​ກຳລັງ​ພັດທະນາ​ຄາດ​ວ່າ​ຈະ​ບໍ່​ຟື້ນຕົວ​ຂຶ້ນ​ໃນ​ວົງ​ກວ້າງ ​ໂດຍ​ຄາດ​ວ່າ​ເສດຖະກິດ​ຂອງ​ປະ​ເທດ​ຕະຫລາດ​ເກີດ​ໃໝ່ ​ແລະ ປະ​ເທດ​ກຳລັງ​ພັດທະນາ​ປະມານ 1 ​ໃນ 3 ຈະ​ຊ້າ​ລົງ​ໃນ​ປີ​ນີ້ ​ເນື່ອງ​ຈາກ​ການ​ສົ່ງ​ອອກ ​ແລະ ການ​ລົງທຶນ​ອ່ອນ​ແອ​ເກີນ​ຄາດ.

ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້ - WhatsApp Image 2020 05 27 at 5 - ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້
ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້ - WhatsApp Image 2020 05 27 at 5 - ທະນາຄານ​ໂລກ​ເຜີຍ​ເສດຖະກິດ​ໂລກ​ເພີ່ມ​ຂຶ້ນປີ​ນີ້
error: Alert: ເນື້ອຫາຂ່າວມີລິຂະສິດ !!