ຄາຕະກໍາເມຍຍ້ອນຄວາມຫຶງຫວງ

ຄາຕະກໍາເມຍຍ້ອນຄວາມຫຶງຫວງ - 41 - ຄາຕະກໍາເມຍຍ້ອນຄວາມຫຶງຫວງ
ຄາຕະກໍາເມຍຍ້ອນຄວາມຫຶງຫວງ - Untitled design - ຄາຕະກໍາເມຍຍ້ອນຄວາມຫຶງຫວງ

ຮອງຫົວໜ້າພະແນກຕໍາຫລວດ ປກສ ເມືອງໄຊທານີ ນະຄອນຫລວງວຽງຈັນໃຫ້ຮູ້ວ່າ: ພາຍຫລັງໄດ້ຮັບແຈ້ງຈາກ ປກສ ກຸ່ມຫາດກ້ຽງວ່າ: ໃນວັນທີ 4 ມັງກອນນີ້, ໄດ້ເກີດເຫດຄາດຕະກໍາຢູ່ບ້ານຂຸດສາມບາດເມືອງໄຊທານີ, ເຈົ້າໜ້າທີ່ໜ່ວຍງານສືບສວນ-ສອບສວນ ຄະດີອາຍາກໍໄດ້ຮີບຮ້ອນໄປສົມທົບກັບອົງການຈັດຕັ້ງບ້ານ, ປກສ ກຸ່ມລົງກວດກາສະຖານທີ່ເກີດເຫດພົບຜູ້ເສຍຊີວິດຊື່ນາງ ໄລພອນ ອາຍຸ 42 ປີປະຊາຊົນຢູ່ບ້ານຂຸດສາມບາດເມືອງດັ່ງກ່າວ ແລະ ມີຮ່ອງຮອຍຖືກຍິງເຂົ້າບໍລິເວນຫົວເທິງຫູເບື້ອງຂວາ 1 ນັດ ເຮັດໃຫ້ເສຍຊີວິດກັບທີ່.

ຜ່ານການສອບສວນເອົາຄໍາໃຫ້ການ ນາງຫລ້າ (ລູກສາວຜູ້ເສຍຊີວິດ) ໃຫ້ຮູ້ວ່າ: ນາງ ໄລພອນ (ຜູ້ເປັນແມ່) ໄດ້ແຕ່ງດອງໃໝ່ກັບທ້າວ ແລວ ອາຍຸ 45 ປີ ຢູ່ບ້ານນາເງິນ, ເມືອງທຸລະຄົມແຂວງວຽງຈັນ ເມື່ອເດືອນມິຖຸນາ 2019 ໂດຍຜ່ານມາທ້າວ ແລວ ເຄີຍບວດເປັນພະຢູ່ວັດຂຸດສາມບາດ ແລ້ວສິກອອກມາສ້າງຄອບຄົວນຳກັນ, ຕໍ່ມາແມ່ຕົນເອງກໍຖືພາໄດ້ 3 ເດືອນແລ້ວລຸລູກຈຶ່ງເຮັດໃຫ້ທ້າວແລວບໍ່ພໍໃຈຕູ່ຫາວ່າແມ່ກິນຢາເອົາລູກອອກ. ຈາກນັ້ນທ້າວ ແລວ ໄດ້ຄອບແມ່ວ່າຈະໄປກວດສຸຂະພາບ ແລ້ວກໍ່ຕິດຕໍ່ຫາຜູ້ກ່ຽວບໍ່ໄດ້ເປັນເວລາ 10 ມື້. ຕົກມາຮອດວັນທີ 4 ມັງກອນ 2020 ໃນເວລາ 6:00 ໂມງເຊົ້າທ້າວ ແລວ ໄດ້ກັບມາຫາແມ່ຂອງຕົນ ແລະ ທັງສອງກໍບໍ່ໄດ້ຜິດຖຽງຫຍັງກັນຮອດເວລາ 18:00 ໂມງທ້າວ ແລວ ໄດ້ບອກແມ່ຕົນໄປສົ່ງຢູ່ເຮືອນທ້າວ ທິດບັນ ຢູ່ບ້ານດຽວກັນ. ຈົນຮອດເວລາ 18:30 ໂມງ ໄດ້ມີນາງ ເກດ ຂາຍເຄື່ອງຢູ່ຕະຫລາດ ໂທຫາຕົນ ແລະ ບອກວ່າແມ່ຂອງຕົນຖືກຍິງເສຍຊີວິດ.

ສ່ວນຜູ້ກໍ່ເຫດແມ່ນຜົວຂອງຜູ້ຕາຍຊື່ທ້າວ ແລວ ໄດ້ເອົາຕົວຫລົບໜີເຂົ້າປ່າຫລັງຈາກກໍ່ເຫດ, ມາຮອດວັນທີ 6 ມັງກອນ 2020 ໄດ້ມີພົນລະເມືອງດີລາຍງານວ່າ: ພົບເຫັນທ້າວ ແລວ ຢູ່ດອນທົ່ງນາເຂດບ້ານຫົວນາ ເມືອງໄຊທານີ. ດັ່ງນັ້ນ, ເຈົ້າໜ້າທີ່ຕໍາຫລວດ ຈຶ່ງໄດ້ຕິດຕາມນໍາຫາທ້າວ ແລວ ໂດຍສົມທົບກັບການຈັດຕັ້ງຂັ້ນບ້ານ ແລະ ປກສ ກຸ່ມ ເຂົ້າປິດລ້ອມຈຸດດັ່ງກ່າວ, ໃນຂະນະນັ້ນກໍໄດ້ຍິນສຽງປືນດັງຂຶ້ນຈຶ່ງໄດ້ເຂົ້າກວດກາສະຖານທີ່ຕົວຈິງພົບເຫັນທ້າວ ແລວ ນອນເສຍຊີວິດຢູ່ປ່າແຄມຄອງນໍ້າທົ່ງນາເຂດດັ່ງກ່າວ. ສະນັ້ນ, ຈຶ່ງໄດ້ແຈ້ງໃຫ້ກອງນິຕິວິທະຍາ ນະຄອນຫລວງ ມາຊັນນະສູດຮ່າງຜູ້ເສຍຊີວິດ ພົບວ່າ: ທ້າວ ແລວ ໄດ້ໃຊ້ປືນແກັບ ຂະໜາດ 50 ຊັງຕີແມັດ ຍິງຕົວເອງເສຍຊີວິດ.

ຄາຕະກໍາເມຍຍ້ອນຄວາມຫຶງຫວງ - Wave100S AD to Website 2020 0 - ຄາຕະກໍາເມຍຍ້ອນຄວາມຫຶງຫວງ
ຄາຕະກໍາເມຍຍ້ອນຄວາມຫຶງຫວງ - WhatsApp Image 2020 05 27 at 5 - ຄາຕະກໍາເມຍຍ້ອນຄວາມຫຶງຫວງ
ຄາຕະກໍາເມຍຍ້ອນຄວາມຫຶງຫວງ - WhatsApp Image 2020 05 27 at 5 - ຄາຕະກໍາເມຍຍ້ອນຄວາມຫຶງຫວງ
error: Alert: ເນື້ອຫາຂ່າວມີລິຂະສິດ !!