ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ

ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - 145 - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ
ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - Untitled design - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ

ກະຊວງຖະແຫລງຂ່າວ, ວັດທະນະທໍາແລະທ່ອງທ່ຽວຮ່ວມກັບທະນາຄານແຫ່ງສປປລາວໄດ້ຈັດກອງປະຊຸມເຜີຍແຜ່ຄວາມຮູ້ກ່ຽວກັບການຕ້ານການຟອກເງິນແລະການສະໜອງທຶນໃຫ້ແກ່ການກໍ່ການຮ້າຍ AML/CFTໃຫ້ສື່ມວນຊົນລາວຂຶ້ນໃນວັນທີ 13 ມັງກອນນີ້ຢູ່ທີ່ທະນາຄານແຫ່ງສປປລາວ,ໂດຍການເປັນປະທານຮ່ວມຂອງທ່ານສະຫວັນຄອນຣາຊມຸນຕຣີຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາແລະທ່ອງທ່ຽວແລະທ່ານພຸດທະໄຊສີວິໄລຮອງຜູ້ວ່າການທະນາຄານແຫ່ງສປປລາວ, ມີບັນດາຫົວໜ້າແລະນັກຂ່າວຈາກອົງການສື່ຕ່າງໆອ້ອມຂ້າງສູນກາງເຂົ້າຮ່ວມເປັນຈໍານວນຫລາຍ.

ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - 72c1b2da 4519 42da bc05 7dee9a983119 1024x682 - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ

ທ່ານຮອງຜູ້ວ່າການທະນາຄານແຫ່ງສປປລາວກ່າວວ່າ: AML/CFT ແມ່ນວຽກງານສໍາຄັນຕໍ່ສະຖຽນລະພາບທາງດ້ານເສດຖະກິດຂອງຊາດ, ສະນັ້ນລັດຖະບານຈຶ່ງໄດ້ຕັ້ງຄະນະກໍາມະການລະດັບຊາດຂຶ້ນມາເພື່ອຄຸ້ມຄອງວຽກງານດັ່ງກ່າວໃຫ້ສອດຄ່ອງກັບລະບຽບກົດໝາຍສາກົນທີ່ສປປລາວເຂົ້າເປັນພາຄີ, ເຊິ່ງໃນປີ 2010 ລາວເຮົາໄດ້ຮັບການປະເມີນຮອບດ້ານຄັ້ງທໍາອິດຈາກສາກົນ, ຜົນການປະເມີນຄັ້ງນັ້ນແມ່ນຕົກຢູ່ໃນສີເທົາ, ອັນໄດ້ເຮັດໃຫ້ປະເທດເຮົາພົບຄວາມຫຍຸ້ງຍາກຫລາຍດ້ານເປັນຕົ້ນ: ລະບົບການຊໍາລະກັບສາກົນຖືກຈໍາກັດ, ບໍ່ສາມາດໂອນເງິນໄປຊໍາລະຄ່າສີນຄ້າ-ບໍລິການ, ສາກົນເບິ່ງສປປລາວເປັນປະເທດທີ່ມີຄວາມສ່ຽງສູງດ້ານການຟອກເງິນແລະສະໜອງທຶນໃຫ້ແກ່ການກໍ່ການຮ້າຍ, ນັກລົງທຶນຕ່າງປະເທດຫລຸດລົງແລະບັນຫາອື່ນໆ. ແນວໃດກໍຕາມ, ສປປລາວໄດ້ສູ້ຊົນປັບປຸງແກ້ໄຂຂໍ້ຄົງຄ້າງຕ່າງໆເຊັ່ນ: ອອກນິຕິກໍາຕ່າງໆທີ່ຕິດພັນວຽກງານດັ່ງກ່າວຫລາຍກວ່າ 20 ສະບັບໃຫ້ສອດຄ່ອງກັບມາດຖານສາກົນ, ພ້ອມທັງປະຕິບັດກົນໄກຕ່າງໆຢ່າງມີປະສິດທິຜົນຈົນມາຮອດປີ 2017 ຈຶ່ງເຮັດໃຫ້ສປປລາວສາມາດອອກຈາກບັນຊີສີເທົາຂອງສາກົນ. ໃນປີ 2018 ໄດ້ສໍາເລັດການປະເມີນຄວາມສ່ຽງລະດັບຊາດດ້ານການຟອກເງິນແລະສະໜອງທຶນໃຫ້ແກ່ການກໍ່ການຮ້າຍ, ໂດຍສາມາດກໍານົດໄດ້ໄພຂົ່ມຂູ່ຂອງການຟອກເງິນ, ຂະແໜງການທຸລະກິດທີ່ມີຄວາມສ່ຽງຈະຖືກສວຍໃຊ້ໃນຂະບວນການຟອກເງິນແລະໃນສົກປີ 2020-2021 ນີ້, ສປປລາວກໍພວມກະກຽມດ້ານຕ່າງໆເພື່ອການປະເມີນຜົນຮອບດ້ານໃນວຽກງານດັ່ງກ່າວຕໍ່ສາກົນເປັນຄັ້ງທີ 2.

ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - Untitled 1 2 - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ

ໃນໂອກາດນີ້, ທ່ານຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາແລະທ່ອງທ່ຽວໄດ້ມີຄໍາເຫັນວ່າ: ຄວາມຮູ້ຕ່າງໆທີ່ທະນາຄານແຫ່ງສປປລາວໄດ້ນໍາມາເຜີຍແຜ່ຄັ້ງນີ້ຈະເຮັດໃຫ້ສື່ມວນຊົນສາມາດນໍາໄປໝູນໃຊ້ເຂົ້າໃນການປະຕິບັດວຽກງານຂອງຕົນຢ່າງມີປະສິດທິຜົນ, ໂດຍສະເພາະແມ່ນເຮັດໃຫ້ສັງຄົມມີຄວາມຮັບຮູ້ເຂົ້າໃຈຕໍ່ວຽກງານດັ່ງກ່າວກວ້າງຂວາງຫລາຍຂຶ້ນ.

ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - Wave100S AD to Website 2020 0 - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ
ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - 000 - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ

ສໍານັກງານຂໍ້ມູນຕ້ານການຟອກເງິນໃຫ້ຮູ້ວ່າ: ການຟອກເງິນແມ່ນການນໍາເອົາເງິນຫລືຊັບສິນທີ່ໄດ້ມາຈາກການກະທໍາຜິດຫລືໄດ້ມາໂດຍບໍ່ຖືກຕ້ອງຕາມກົດໝາຍແລ້ວມາປ່ຽນສະພາບໃຫ້ເປັນເງິນຫລືຊັບສິນທີ່ໄດ້ມາຢ່າງຖືກຕ້ອງ. ສ່ວນການສະໜອງທຶນໃຫ້ແກ່ການກໍ່ການຮ້າຍແມ່ນການນໍາເອົາເງິນຫລືຊັບສິນສະໜັບສະໜູນເພື່ອໃຫ້ມີການກໍ່ການຮ້າຍ, ໂດຍການນໍາເອົາເງິນຫລືຊັບສິນນັ້ນໃຫ້ແກ່ບຸກຄົນ, ກຸ່ມຄົນ, ການຈັດຕັ້ງຫລືອົງກອນກໍ່ການຮ້າຍທີ່ມີການທໍາທີ່ເປັນການກໍ່ການຮ້າຍດ້ວຍວິທີໃດໜຶ່ງ, ເຖີງວ່າທຶນນັ້ນຈະຖືກນໍາໃຊ້ຫລືບໍ່ນໍາໃຊ້ເຂົ້າໃນການກະທໍາຜິດຕົວຈິງກໍຕາມ. ນອກນີ້, ຜູ້ເຂົ້າຮ່ວມຍັງໄດ້ຮັບຟັງກ່ຽວກັບພາລະບົດບາດຂອງຄະນະກໍາມະການແຫ່ງຊາດເພື່ອຕ້ານການຟອກເງິນແລະສະໜອງທຶນໃຫ້ແກ່ການກໍ່ການຮ້າຍ, ການເຄື່ອນໄຫວວຽກງານຂອງຄະນະດັ່ງກ່າວໃນໄລຍະຜ່ານມາລວມເຖິງການກະກຽມການປະເມີນຜົນຮອບດ້ານວຽກງານດັ່ງກ່າວຕໍ່ສາກົນຄັ້ງທີ 2.

ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - WhatsApp Image 2020 05 27 at 5 - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ
ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ - WhatsApp Image 2020 05 27 at 5 - ຍົກລະດັບຄວາມຮູ້ຕ້ານການຟອກເງິນໃຫ້ສື່ມວນຊົນລາວ
error: Alert: ເນື້ອຫາຂ່າວມີລິຂະສິດ !!