ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ

ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ - AA - ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ
ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ - Untitled design - ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ

      ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ຄາດ​ຄະ​ເນ​ວ່າ: ​ໃນ​ໄລຍະ​ວັນ​ທີ 13-16 ມັງກອນ 2020 ຄວາມ​ກົດ​ດັນ​ສູງ​ຂອງ​ອາກາດ​ເຢັນ​ທີ່​ປະ​ເທດ​ຈີນ​ຈະ​ແຜ່​ລົງ​ມາ​ປົກ​ຄຸມ​ຢູ່​ທົ່ວ​ທຸກ​ພາກ​ຂອງ​ປະ​ເທດ​ລາວ​ດ້ວຍ​ກຳລັງ​ອ່ອນ ສົມທົບ​ກັບ​ກະ​ແສ​ລົມ​ຕາ​ເວັນ​ອອກ​ພັດ​ປົກ​ຄຸມ ​ເຊິ່ງຈະ​ເຮັດ​ໃຫ້​ອາກາດ​ເຢັນ​ຫາ​ໜາວ​ເຢັນ ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ​ໃນ​ຕອນ​ບ່າຍ​ອາກາດ​ຮ້ອນ ​ໂດຍ​ສະ​ເພາະ​ຢູ່​ແຂວງ​ພາກ​ກາງ ​ແລະ ພາກ​ໃຕ້ຫາ​ໜາວ​ເຢັນ​ລົງ 1-2 ອົງສາ ຢູ່​ໃນ​ແຕ່​ລະ​ພາກ ​ໂດຍ​ສະ​ເພາະ​ຢູ່​ແຂວງ​ພາກ​ເໜືອ​ເຂດ​ພູ​ສູງ, ຮ່ອມ​ພູ ​ແລະ ພູດ​ອຍ, ​ແຂວງ​ພາກ​ເໜືອ, ​ແຂວງ​ໄຊ​ສົມບູນ ​ແລະ ​ເຂດ​ພູ​ພຽງ​ບໍລະ​ເວນ ອາກາດ​ຈະ​ໜາວ​ຫາ​ໜາວ​ເຢັນ​ຫລາຍ ພ້ອມ​ມີ​ໝອກ​ໜາ​ປົກ​ຫຸ້ມ​ໃນ​ຕອນ​ເຊົ້າ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ.

      ສຳລັບ​ສະພາບ​ອາກາດ​ໃນ​ແຕ່​ລະ​ພາກ​ມີ​ດັ່ງ​ນີ້: ພາກ​ເໜືອ​ດ້ານ​ຕາ​ເວັນ​ອອກ ອາກາດ​ຈະ​ໜາວ​ເຢັນ ພ້ອມ​ມີ​ໝອກ​ໜາ​ປົກ​ຫຸ້ມ​ຢູ່​ທົ່ວ​ໄປ​ໃນ​ຕອນ​ກາງຄືນ​ຫາ​ຕອນ​ເຊົ້າ. ຈາກ​ນັ້ນວັນ​ທີ 17-19 ມັງກອນ ອາກາດ​ຈະ​ໜາວ​ເຢັນ​ລົງ 1-2 ອົງສາ ພ້ອມ​ຈະ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ຫົວພັນ ​ແລະ ຊຽງ​ຂວາງ. ອຸນຫະພູມ​ຕໍ່າ​ສຸດ 9-11 ອົງສາ ​ແລະ ສູງ​ສຸດ 23-25 ອົງສາ. ພາກ​ເໜືອ​ດ້ານ​ຕາ​ເວັນ​ຕົກ ອາກາດ​ຍັງ​ຈະ​ໜາວ​ເຢັນ ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ​ແລະ ​ໃນ​ຕອນ​ບ່າຍ​ອາກາດ​ຈະ​ຮ້ອນ. ຈາກ​ນັ້ນວັນ​ທີ 17-19 ມັງກອນ ອາກາດ​ຈະ​ໜາວ​ເຢັນ​ລົງ 1-2 ອົງສາ ພ້ອມ​ມີ​ໝອກ​ໜາ​ປົກ​ຫຸ້ມ​ຢູ່​ບາງ​ທ້ອງ​ຖິ່ນ ​ໂດຍ​ສະ​ເພາະ​ຢູ່​ເຂດ​ພູ​ສູງ, ພູດ​ອຍ ​ແລະ ຮ່ອມ​ພູ. ອຸນຫະພູມ​ຕໍ່າ​ສຸດ 7-9 ອົງສາ ​ແລະ ສູງ​ສຸດ 30-32 ອົງສາ. ພາກ​ກາງ ອາກາດ​ຍັງ​ຈະ​ໜາວ​ເຢັນ ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ​ໃນ​ຕອນ​ບ່າຍ​ອາກາດ​ຮ້ອນ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ ​ໂດຍ​ສະ​ເພາະ​ທາງ​ດ້ານຕາ​ເວັນ​ອອກ​ຂອງ​ພາກ. ອຸນຫະພູມ​ຕໍ່າ​ສຸດ 15-17 ອົງສາ ​ແລະ ສູງ​ສຸດ 32-34 ອົງສາ. ສະ​ເພາະ​ແຂວງ​ໄຊ​ສົມບູນ, ​ເຂດຫລັກ 20, ​ເມືອງ​ວຽງ​ທອງ ​ແລະ ​ເມືອງ​ນາ​ກາຍ ອາກາດ​ຍັງ​ຈະ​ເຢັນ​ຫາ​ໜາວ​ເຢັນ​ຫລາຍ ພ້ອມ​ຈະ​ມີ​ໝອກ​ໜາ​ປົກ​ຫຸ້ມ​ຢູ່​ທົ່ວ​ໄປ ​ແລະ ຈະ​ມີ​ລົມ​ພັດ​ແຮງ​ເປັນ​ບາງ​ໂອກາດ. ຈາກ​ນັ້ນວັນ​ທີ 17-19 ມັງກອນ ​ອາກາດ​ຈະ​ໜາວ​ເຢັນ​ລົງ 1-2 ອົງສາ. ອຸນຫະພູມ​ຕໍ່າ​ສຸດ 6-8 ອົງສາ ​ແລະ ສູງ​ສຸດ 22-25 ອົງສາ. ພາກ​ໃຕ້ ອາກາດ​ຍັງ​ຈະ​ເຢັນ​ໃນ​ຕອນ​ກາງຄືນ​ຫາ​ຕອນ​ເຊົ້າ ​ແລະ ​ໃນ​ຕອນ​ບ່າຍ​ອາກາດ​ຈະ​ຮ້ອນ​ຂຶ້ນ. ຈາກ​ນັ້ນວັນ​ທີ 17-19 ມັງກອນ ອາກາດ​ຈະ​ໜາວ​ເຢັນ​ລົງ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ. ອຸນຫະພູມ​ຕໍ່າ​ສຸດ 16-18 ອົງສາ ​ແລະ ສູງ​ສຸດ 31-33 ອົງສາ. ສະ​ເພາະ​ເຂດ​ພູ​ພຽງ​ບໍລະ​ເວນ ອາກາດ​ຍັງ​ຈະ​ໜາວ​ເຢັນ​ຫາ​ໜາວ​ເຢັນ​ຫລາຍ ພ້ອມ​ມີ​ໝອກ​ໜາ​ປົກ​ຫຸ້ມ​ຢູ່​ທົ່ວ​ໄປ ​ແລະ ຈະ​ມີ​ລົມ​ພັດ​ແຮງ​ຢູ່​ບາງ​ບໍລິ​ເວນ​ເປັນ​ບາງ​ໂອກາດ. ອຸນຫະພູມ​ຕໍ່າ​ສຸດ 6-8 ອົງສາ ​ແລະ ສູງ​ສຸດ 24-26 ອົງສາ. ນະຄອນຫລວງ​ວຽງ​ຈັນ ອາກາດ​ເຢັນ​ຫາ​ໜາວ​ເຢັນ​ໃນ​ຕອນ​ກາງຄືນ​ຫາ​ຕອນ​ເຊົ້າ ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ​ແລະ ​ໃນ​ຕອນ​ບ່າຍ​ອາກາດ​ຈະ​ຮ້ອນ. ຈາກ​ນັ້ນວັນ​ທີ 17-19 ມັງກອນ ອາກາດ​ຈະ​ໜາວ​ເຢັນ​ລົງ ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ. ອຸນຫະພູມ​ຕໍ່າ​ສຸດ 19-21 ອົງສາ ​ແລະ ສູງ​ສຸດ 31-33 ອົງສາ.

ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ - Wave100S AD to Website 2020 0 - ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ
ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ - WhatsApp Image 2020 05 27 at 5 - ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ
ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ - WhatsApp Image 2020 05 27 at 5 - ສະພາບ​ອາກາດ​ຍັງ​ສືບ​ຕໍ່​ໜາວ​ເຢັນ
error: Alert: ເນື້ອຫາຂ່າວມີລິຂະສິດ !!