ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ

ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ - 11 4 - ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ
ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ - Untitled design - ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ

      ໃນໄລຍະ 5 ປີຜ່ານມາ ເມືອງດາກຈຶງ ແຂວງເຊກອງ ໄດ້​ເອົາ​ໃຈ​ໃສ່ປັບປຸງຊີວິດການເປັນຢູ່ຂອງປະຊາຊົນ ດ້ວຍການຊຸກຍູ້ຢ່າງແຂງແຮງໃນການພັດທະນາເສດຖະກິດ-ສັງຄົມ, ຂຸດຄົ້ນທ່າແຮງບົ່ມຊ້ອນ ສົ່ງເສີມການຜະລິດເປັນສິນຄ້າ, ເສີມຂະຫຍາຍຫົວຄິດປະດິດສ້າງຂອງປະຊາຊົນ, ປຸກລະດົມແນວຄວາມຄິດເພິ່ງຕົນເອງ, ກຸ້ມຕົ້ນເອງ ເພື່ອແນໃສ່ໃຫ້ເສດຖະກິດຂະຫຍາຍຕົວໄດ້ຢ່າງຕໍ່ເນື່ອງໄປພ້ອມກັບດ້ານຕ່າງໆ. ນີ້​ແມ່ນ​ຄຳ​ລາຍ​ງານ​ຂອງຫົວໜ້າຫ້ອງການກະສິກໍາ ແລະ ປ່າໄມ້ເມືອງດາກຈຶງ ຕໍ່ກອງປະຊຸມໃຫຍ່ຄັ້ງທີ XV ຂອງອົງຄະນະພັກເມືອງ ພາຍໃຕ້ຫົວຂໍ້ “ສົ່ງເສີມການຜະລິດເປັນສິນຄ້າ”.

ຈາກ​ຍຸດ​ທະ​ສາດ​ດັ່ງກ່າວ​ໄດ້​ຊ່ວຍ​ໃຫ້ຜົນຜະລິດມີທ່າຂະຫຍາຍຕົວຢ່າງກວ້າງຂວາງ ແລະ ເຮັດໃຫ້ຫຼາຍຄອບຄົວມີລາຍຮັບດີຂຶ້ນ ໂດຍມາຮອດປີ 2019 ເມືອງດາກຈຶງສາມາດສົ່ງຜົນຜະລິດກະສິກໍາອອກ ເປັນຕົ້ນໝາກກາເຟ, ໂສມ ແລະ ສັດລ້ຽງປະເພດຕ່າງໆ ​ໄດ້​ເປັນ​ຈຳນວນ​ບໍ່​ໜ້ອຍ. ດັ່ງນັ້ນ ໃນ 5 ປີຕໍ່ໜ້າ ​ເມືອງ​ຈະ​ສືບ​ຕໍ່ສຸມໃສ່ 3 ບັນຫາສໍາຄັນຄື: ບັນຫາທີ່ໜຶ່ງ ແມ່ນຍາດແຍ່ງທຶນຮອນຈາກທຸກພາກສ່ວນທົ່ວສັງຄົມເຂົ້າໃນການສົ່ງເສີມການຜະລິດເປັນສິນຄ້າ, ນໍາໃຊ້ເຕັກນິກວິທະຍາສາດ, ຄັດເລືອກແນວພັນທີ່ມີຄຸນນະພາບໃຫ້ແກ່ການປູກ-ການລ້ຽງ ແລະ ພັດທະນາພື້ນຖານໂຄງລ່າງກະສິກໍາຮອງຮັບທີ່ໝັ້ນຄົງຖາວອນ; ສອງພະນັກງານຂະແໜງການກ່ຽວຂ້ອງຕ້ອງຍົກສູງຄວາມຮັບຜິດຊອບເຂົ້າໃນການປະຕິບັດໜ້າທີ່ວຽກງານຂອງຕົນ, ເພີ່ມທະວີການແປຮູບ, ປຸງແຕ່ງຜົນຜະລິດກະສິກໍາ ໂດຍສະເພາະແມ່ນໂສມໃຫ້ກາຍເປັນສິນຄ້າໂອດັອບຂອງເມືອງ, ສົ່ງ​ເສີມ​ການ​ປູກ​ກາ​ເຟ ​ແລະ ປຸງແຕ່ງເປັນຜະລິດຕະພັນສໍາເລັດຮູບ​ໃຫ້​ຫລາຍ​ຂຶ້ນ ​ແລະ ບັນຫາສຸດທ້າຍແມ່ນປຸກລະດົມດ້ານແນວຄວາມຄິດ, ຝຶກອົບຮົມຄວາມຮູ້ເຕັກນິກການປູກ-ການລ້ຽງໃຫ້ແກ່ຊາວກະສິກອນ ແລະຊາວສວນ ເພື່ອຍົກສູງສະມັດຕະພາບ ແລະ ຄຸນນະພາບຂອງການຜະລິດໃຫ້ກາຍເປັນສິນຄ້າທີ່ມີຄຸນນະພາບ ແລະ ປອດສານເຄມີໃຫ້ນັບມື້ຫລາຍຂຶ້ນ.

ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ - Wave100S AD to Website 2020 0 - ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ
ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ - WhatsApp Image 2020 05 27 at 5 - ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ
ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ - WhatsApp Image 2020 05 27 at 5 - ເມືອງດາກຈຶງ ​ເລັ່ງສົ່ງເສີມປະຊາຊົນຜະລິດສິນຄ້າ
error: Alert: ເນື້ອຫາຂ່າວມີລິຂະສິດ !!