​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ

​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ - 77 1 - ​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ
​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ - Untitled design - ​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ

ໃນວັນທີ 13 ມັງກອນນີ້, ນັກຂ່າວໜັງສືພິມລາວພັດທະນາໄດ້ລົງຕິດຕາມສະພາບລາຄາສິນຄ້າໃນທ້ອງຕະຫລາດ ໃນໄລຍະກະກຽມບຸນປີໃໝ່ຂອງຊາວ-ຈີນ ແລະ ຂາວຫວຽດນາມ ເຫັນ​ວ່າ​: ສິນຄ້າ​ປະ​ເພດ​ອຸປະ​​ໂພ​ກ-ບໍລິ​ໂພ​ກ​ມີ​ການເໜັງ​ຕີງ​​ເຊັ່ນ: ​ຊີ້ນ​ງົວມີ​ລາຄາ​ລະຫວ່າງ 75 – 80 ພັນ​ກີບຕໍ່ກິ​ໂລ, ຊີ້ນ​ໝູ 40 – 45 ພັນ​ກີບຕໍ່ກິ​ໂລ,​ເປັດ​-ໄກ່ 50 – 55 ພັນ​ກີບຕໍ່ກິ​ໂລ, ປາ​ນິນ 18 – 22 ພັນ​ກີບຕໍ່ກິ​ໂລ, ສ່ວນ​ພືດ​ຜັກ​ຕ່າງໆ​ເຊັ່ນ: ຜັກ​ບົ້ງ, ຜັກ​ສະຫຼັດ, ຫອມ​ບົ່ວ, ຫອມປ້ອມ, ໝາ​ກ​​​ເຜັດ, ໝາ​ກນາວ, ໝາກ​ເລັ່ນ, ​ໝາກ​ເຂື່ອ ​ແລະ ຜັກ​ອື່ນໆ ​ກໍ​​ມີ​ລາຄາ​ແພງ​ຂຶ້ນ​ເລັກ​ໜ້ອຍ​ປະມານ 2-3 ພັນ​ກີບຕໍ່​ກິ​ໂລ,​ເຊິ່ງ​ການ​​ເໜັງ​ຕີງເພີ່ມ​ຂຶ້ນ​ຂອງ​ລາຄາ​ສິນຄ້າ​ດັ່ງກ່າວ​​ແມ່ນ​ມີ​ຜົນ​ມາ​ຈາກ​ຄວາມ​ຕ້ອງການ​ໃນ​ຊ່ວງ​ໄລຍະ​ນີ້​ມີ​ສູງ​, ຊາວ​ຄ້າຂາຍ​ຈໍານວນ​ໜຶ່ງ​ບອກ​ນັກ​ຂ່າວ​ພວກ​ເຮົາ​ວ່າ: ​ເປັນ​ເລື່ອງ​ປົກກະ​ຕິພໍຮອດ​​ເທດ​ສະ​ການ​ຕ່າງໆ​ລາຄາ​ສິນຄ້າອຸປະ​ໂພ​ກ-ບໍລິ​ໂພ​ກ​​ຈະຖີບໂຕ​ສູງ​ຂຶ້ນ​​ເລັກ​ໜ້ອຍ​ຕາມ​ກົນໄກ​ຕະຫຼາດ,​ ເນື່ອງ​ຈາກ​ມີ​ປະຊາຊົນ​ມາ​ຈັບ​ຈ່າຍຊື້​​ສິນຄ້າ​ເປັນ​ຈຳນວນ​ຫຼາຍ, ບວກ​ກັບ​ສິນຄ້າ​ບາງປະ​ເພດ​​ບໍ່​ພຽງພໍ​ກັບ​ຄວາມ​ຕ້ອງ​ການ,​ ແຕ່​ແນວ​ໃດ​ກໍ​ຕາມ​​ເຫັນ​ວ່າ​ລາຄາ​ສິນຄ້າ​ໃນ​ທ້ອງ​ຕະຫຼາດ​ຕ່າງໆ​ຢູ່​ນະຄອນຫຼວງ​ວຽງ​ຈັນ​ແມ່ນ​ຍັງ​ຢູ່​ໃນ​​ເກີນ​ປົກກະຕິ​ຕາມ​ການກຳ​ນົດ ​ແລະ ຄວບ​ຄຸມ​ຂອງ​ພາກລັ​ດ.

ທ່ານ ໄພທອງ ວົງລາຕີ ຫົວໜ້າຈັດຕະຫລາດໜອງຈັນໃຫ້ຮູ້ວ່າ: ໃນໄລຍະປີໃໝ່ສາກົນ ມາເຖິງງານບຸນປີໃໝ່ຊາວຈີນ ແລະ ຫວຽດນາມ ນີ້, ບັນຍາກາດການຊື້ຂາຍສິນຄ້າໃນທ້ອງຕະຫລາດມີຄວາມຄືກຄື້ນຫລາຍທຽບໃສ່ປີຜ່ານມາ ແລະ ສະເພາະຊີ້ນໝູມີການປັບຕົວສູງຂຶ້ນຈາກກິໂລໜຶ່ງ 36 ພັນມາເປັນ 45 ພັນກີບ, ເນື່ອງຈາກຄວາມຕ້ອງການຂອງຜູ້ບໍລິໂພກເພີ່ມຂຶ້ນ, ສ່ວນສິນຄ້າປະເພດອື່ນໆສ່ວນໃຫຍ່ແມ່ນຢູ່ໃນເກນປົກກະຕິ, ຊຶ່ງຜ່ານມາທາງເຈົ້າໜ້າທີ່ກ່ຽວຂ້ອງ, ໂດຍສະເພາະພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນກໍໄດ້ລົງມາກວດກາເຊິ່ງກໍພົບວ່າມີການຂຶ້ນຄາລາບາງເລັກນ້ອຍຕາມກົດເກນຕະຫລາດ, ແຕ່ແນວໃດກໍດີ ທາງເຈົ້າໜ້າທີ່ຈັດສັນພວກເຮົາກໍໄດ້ເພີ່ມທະວີໃນການຕິດຕາມ ແລະ ແນະນຳໃຫ້ຊາວຄ້າຂາຍໄດ້ເອົາໃຈໃສ່ຕິດປ້າຍລາຄາສິນຄ້າທຸກຊະນິດ, ພ້ອມກັນນັ້ນກໍໄດ້ຕິດຕັ້ງຊີງກາງເພີ່ມຈາກ 15 ຈຸດມາເປັນ 20 ຈຸດ, ເພື່ອບໍ່ໃຫ້ມີການສວຍໂອກາດ ແລະ ພ້ອມເລັ່ງຈັດສັນພຶ້ນທີ່ຄ້າຂາຍໃຫ້ມີຄວາມເປັນລະບຽບ ຮັບປະກັນໃຫ້ບັນຍາກາດການຊື້-ຂາຍຄືກຄື້ນ ແລະ ສະຫງົບ.

​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ - Wave100S AD to Website 2020 0 - ​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ
​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ - WhatsApp Image 2020 05 27 at 5 - ​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ
​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ - WhatsApp Image 2020 05 27 at 5 - ​​ຫລັງປີໃໝ່ສິນຄ້າໃນຕະຫລາດຍັງຢູ່ໃນເກນປົກກະຕິ
error: Alert: ເນື້ອຫາຂ່າວມີລິຂະສິດ !!