ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8%

ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8% - 78 3 - ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8%
ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8% - Untitled design - ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8%

    ແຫຼ່ງຂ່າວກະຊວງການເງິນໃຫ້ຮູ້ວ່າ: ​ໃນ 1 ປີ​ ຜ່ານ​ມາ ຂະແໜງ​ສ່ວຍ​ສາ​ອາກອນ ສາມາດ​ເກັບລາຍ​ຮັບ​ໄດ້ 11.422 ຕື້​ກີບ, ເທົ່າ​ກັບ 92,72% ຂອງ​ແຜນການ​ປີ (ຕົວ​ເລກ​ເບື້ອງ​ຕົ້ນ​ບໍ່​ທັນ​ສະຫລຸບ​ຂາດ​ຕົວ) ທຽບໃສ່​ໄລຍະ​ດຽວ​ກັນ ​ຂອງ​ປີຜ່ານມາ​ເພີ່ມ​ຂຶ້ນ 5,8% ໃນ​ນີ້, ເຊິ່ງ​ເຫັນ​ວ່າ​ຫລາຍ​ທ້ອງຖິ່ນ​ ສາມາດ​ປະຕິບັດ​ໄດ້​ຕາມ​ແຜນການທີ່ວາງໄວ້.

    ທ່ານ ພູ​ທະນູ​ເພັດ ໄຊ​ສົມບັດ ຫົວໜ້າ​ກົມ​ສ່ວຍ​ສາ​ອາກອນ ​ໄດ້ກ່າວ​​ໃນກອງ​ປະຊຸມ​ສະຫລຸບ​ຕີ​ລາຄາ​ວຽກ​ງານ​ສ່ວຍ​ສາ​ອາກອນ ​ໃນວັນ​ທີ 13-14 ມັງກອນ ນີ້ວ່າ: ປີ 2019 ຂະແໜງ​ສ່ວຍ​ສາ​ອາກອນ ໄດ້​ປະຕິບັດ​ເກັບ​ລາຍ​ຮັບ​ ສ່ວຍ​ສາ​ອາກອນ​ ໃນ​ເງື່ອນໄຂ​ມີ​ທັງ​ຂໍ້​ສະດວກ ແລະ ຂໍ້​ຫຍຸ້ງຍາກ ສິ່ງ​ທ້າ​ທາຍ​ທົດ​ສອບ​ຫຼາຍປະການ ແຕ່ດ້ວຍຄວາມພະຍາຍາມຍົກ​ສູງ​ປະສິດທິພາບ​ ໃນ​ການຈັດຕັ້ງ​ປະຕິບັດ​ ໃຫ້​ຄົບ​ຖ້ວນ ຖືກ ຕ້ອງ​ຕາມ​ກົດໝາຍ ແລະ ທັນ​ເວລາ, ຫັນ​ການ​ຄຸ້ມ​ຄອງ​ຖານ​ຫົວໜ່ວຍ​ທຸລະ​ກິດ, ຖານ​ລາຍ​ຮັບ ແລະ ການ​ຊຳລະ ​ເຂົ້າ​ສູ່​ລະບົບ​ທັນ​ສະໄໝ, ປັບປຸງ​ກົນ​ໄກ​ການ​ຄຸ້ມ​ຄອງ ​ບໍລິສັດ​ນຳ​ເຂົ້າ​ນ້ຳ ມັນ​ເຊື້ອ​ໄຟ, ພາຫະນະ ແລະ ສິນຄ້າ​ຕົ້ນຕໍ, ປັບປຸງ​ການ​ເກັບ​ອາກອນ​ຊົມໃຊ້, ​ຈາກ​ເຄື່ອງ​ດື່ມ​ທີ່​ມີ​ທາດ​ເຫລົ້າ, ຢາສູບ​ໃຫ້​ຍຸຕິ​ທຳ​, ສຳລັບ​ຜູ້​ຜະລິດ​ພາຍ​ໃນ ແລະ ຜູ້ນຳ​ເຂົ້າ, ຜັນ​ຂະຫຍາຍ​ການ​ປະຕິ​ຮູບ​ ຂະແໜງ​ສ່ວຍ​ສາ​ອາກອນ​ໄປ​ຕາມ 4 ແຜນ​ງານ​ໃຫຍ່ ແລະ 11 ໂຄງການ ສາມາດ​ສ້າງ ແລະ ປັບປຸງ​ກົດໝາຍ​ໄດ້ 3 ສະບັບ ແລະ ນິຕິ​ກຳ​ລຸ່ມ​ກົດໝາຍ​ຈຳນວນ​ຫລາຍ​ສະບັບ, ເພີ່ມ​ປະສິດທິພາບ​ໃນ​ການ​ປັບປຸງ​ລະບົບ ແລະ ກົນ​ໄກ​ເກັບ​ລາຍ​ຮັບ​ໃຫ້​ໄດ້​ສູງ​ຂຶ້ນ, ປັບປຸງ​ວຽກ​ງານ​ການ​ແຈ້ງ​ລາຍ​ຮັບ​ ໃນ​ການ​ຕິດຕາມ​ກວດ ກາ ການ​ປະຕິບັດ​ພັນທະ​ຜູ້​ເສຍ​ອາກອນ ​ໃຫ້​ສອດຄ່ອງ​ກັບ​ລະບຽບ​ກົດໝາຍ, ສືບຕໍ່​ຜັນ​ຂະຫຍາຍ​ການ​ນຳ​ໃຊ້​ລະບົບ​ການ​ຈັດ​ເກັບ​ລາຍ​ຮັບ ​ສ່ວຍ​ສາ​ອາກອນ​ຜ່ານ​ລະບົບ TaxRIS ໄດ້​ທັງ​ໝົດ 18 ແຂວງ 10 ເມືອງ, ຫັນ​ການ​ຊຳລະ​ຄ່າ​ທຳນຽມ​ທາງ, ພາສີ​ທີ່​ດິນ​ຜ່ານ​ລະບົບ​ທະນາຄານ ເພີ່ມ​ປະສິດທິພາບ​ໃຫ້​ເສຍ​ພັນ ທະ​ຊຳລະ​ເງິນ ​ຜ່ານ​ທະນາຄານ​ຫລາຍ​ຂຶ້ນ, ຜ່ານ​ປ່ອງ​ບໍລິການ  ເຊິ່ງ​ຂະ​ບວນ​ການ​ສົ່ງເສີມ​ການ​ແຈ້ງ​ລາຍ​ຮັບ ແລະ ມອບ​ລາຍ​ຮັບ​ດ້ວຍ​ຕົນ​ເອງ ​ຜ່ານ​ລະບົບ​ທະນາຄານ ກວມ 80% ຂອງ​ລາຍ​ຮັບ​ສ່ວຍ​ສາ​ອາ ກອນ ປີ 2019.

ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8% - Wave100S AD to Website 2020 0 - ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8%

ສຳລັບ​ແຜນການ ແລະ ຄາດໝາຍ​ສູ້​ຊົນ​ປີ 2020 ຈະໃຫ້ໄດ້ 13.590 ຕື້​ກີບ ເທົ່າ​ກັບ 7,8% ຂອງ​ລວມ​ຍອດ​ຜະລິດ​ຕະ​ພັນ​ພາຍ​ໃນ (GDP), ໃນ​ນີ້ ກົມ​ສ່ວຍ​ສາ​ອາກອນ​ຄາດ​ຄະເນ 8.650 ຕື້​ກີບ ເທົ່າ​ກັບ ສ່ວນ​ທ້ອງຖິ່ນ​ປະມານ 5.300 ຕື້​ກີບ.

ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8% - WhatsApp Image 2020 05 27 at 5 - ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8%
ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8% - WhatsApp Image 2020 05 27 at 5 - ປີ 2019 ສ່ວຍ​ສາ​ອາກອນ ເກັບ​ລາຍ​ຮັບ​ເພີ່ມຂຶ້ນ 5,8%
error: Alert: ເນື້ອຫາຂ່າວມີລິຂະສິດ !!